رۋحانيات • 20 ناۋرىز، 2021
ۇلى ساحارانى مىڭداعان جىلدار بويى مەكەن ەتكەن كوشپەلى تۇركى تايپالارىنىڭ ىشىندەگى قازاق ۇلىسى ۇلت رەتىندە بولمىس-ءبىتىمى، تانىم-تۇيسىگى، سالت-ءداستۇرى، ءتىلى، ءدىلى ەرەكشە جاراتىلعان جۇرت. ءومىر ىرعاعىن قورشاعان ورتا، تابيعات-انامەن ايرىقشا ساباقتاستىرا بىلگەن دالا حالقى وسى كۇنگە دەيىن ءوز دۇنيەتانىمىن بۇزباي كەلگەنىندە ايرىقشا ءمان بار. ءبىر عانا ەمەس، بىرنەشە وزىق مادەنيەت پەن باي وركەنيەتتى ونە بويىنا ونەگەمەن بىرىكتىرە بىلگەن الاش بالاسى الەم حالىقتارى الدىندا كوپ ەرەكشەلىگىمەن دارا.
رۋحانيات • 11 ناۋرىز، 2021
ءبىز كوبىنە شىعارماشىلىقتا شەكارا جوق دەپ ايتىپ جاتامىز. الايدا قاسيەتتى ونەردە ماڭگىلىك ۇلى شەكارا بارىن كوبىمىز مويىنداعىمىز كەلمەيدى. ول شەكارا جانە ءسىز بەن ءبىز ەرسىلى-قارسىلى كىرىپ-شىعىپ جۇرە بەرەتىن يەسىز ەسىك يا بولماسا قاراۋسىز قاقپا ەمەس، تەك جانكەشتى ناعىز دارىن، ءومىرىن ونەرگە كوزسىز قۇربان ەتكەن تۋما تالانت عانا اتتاي الاتىن ايرىقشا اسۋ، بيىكتىگىنە كەز كەلگەن ادامنىڭ ءبىلىم-پاراساتى جەتە بەرمەيتىن بولەك بەلەس.
رۋحانيات • 09 ناۋرىز، 2021
قارت قازاننىڭ ءبىر قاقپاسىن تىرەپ تۇرعان قىزىل كەرىش قىز مۇنارا، جەردەن جەتى-اق كۇندە ءزاۋلىم كوككە تىك شانشىلعان ەلۋ سەگىز مەترلىك ەڭسەلى ەسكەرتكىش ۋاقىت جادىنان ەشقاشان وشپەك ەمەس. ارينە، شىمقاي شاتىرىن شاقىرايعان كۇن جەپ، ىرگەتاسىن مۇك مۇجىپ، ەسىك-تەرەزەسىن ەدىلدى ەتپەتتەي سوققان ەسەر جەل جۇلقىلاپ تۇرعان ءزاۋلىم عيمارات كارى زامانالارمەن بىرگە ايتەۋىر ءبىر توزاتىنى حاق. الايدا سول مۇنارانىڭ اتىن اسقاقتاتقان اڭىز ارۋدىڭ ەرلىك رۋحىن، تەكتى پەريزاتتىڭ ادامزاتتان اسقان سۇلۋ كەلبەتىن، ازاتتىق ءۇشىن جانىن پيدا ەتكەن ايانىشتى اۋىر تاعدىرىن ۇرپاق ساناسىنان ەشكىم وشىرە الماس ەدى.
ادەبيەت • 01 ناۋرىز، 2021
كەيدە ءبىزدى الدەقاشان بايلاپ-ماتاپ تاستاعان تسيفرلار تسيۆيليزاتسياسى ەڭ سوڭىندا ارىپتەر الەمىن جۇتىپ بارىپ جاي تاباتىنداي كرىنەدى. بەينەلەپ ايتساق، ارىستان جال جاس تولقىندار كارى جارتاستى جاعاسىنان العانداي الاساپىران ۋاقىت. ءبىرىن-ءبىرى جالماپ، جۇتىپ قويعىسى كەلىپ جانتالاسقان تەحنولوگيالار تارتىسى كىم-كىمدى قۇردىمعا سۇيرەلەپ جاتقانىن ءبىلىپ بولمايسىڭ. الايدا سول تولقىندار كارى جارتاستى ولاردىڭ ەمەس، ءتۇپتىڭ-تۇبىندە ۇزدىكسىز تامىپ تۇرعان تيتىمدەي تامشى كۇل-تالقان قىلاتىنىن ەشقاشان سەزبەيدى.
ەلباسى • 25 اقپان، 2021
بيىل ەلىمىز ءۇشىن ەڭ قاستەرلى قۇندىلىق – ەگەمەندىگىمىزدىڭ ەڭسە تىكتەگەن ەلەۋلى وتىز جىلىنا قادام باستىق. بۇكىل ادامزات الاڭداپ وتىرعان اۋىر احۋالعا، پلانەتالىق پاندەمياعا قاراماستان، تۇعىرلى تاۋەلسىزدىگىمىزدىڭ تورقالى تويىن ءوز دارەجەسىندە مەرەكەلەۋىمىز كەرەك.
ونەر • 23 اقپان، 2021
بىردە ول بالالار وينايتىن سەرۋەن باقتا شار اتۋ سايىسىنان جۇمساق ويىنشىق ۇتىپ الادى. الدەبىر ۋاقىتتا ونىڭ كوزى اقىل-ەسى كەمتار، جاسى سەگىز-توعىزداردىڭ شاماسىنداعى بالاعا تۇسەدى. دەرەۋ قولىنداعى ۇتىپ العان جۇمساق ويىنشىقتى الگى بالاعا ۇستاتا قويادى. بالا «راحمەت!» دەيدى. كەمتار بالانىڭ اكەسى سول جەردە وكسىپ جىلاپ جىبەرەدى. نەگە جىلاعانىن سۇراعاندا: – «بالامنىڭ وسى جاسقا كەلگەنشە ءتىلى شىقپاعان، ول ەشقاشان سويلەپ كورمەگەن بولاتىن»، دەيدى.
پىكىر • 17 اقپان، 2021
ەگەر ءسىز ۇلكەن شەلەكتىڭ ىشىنە ورتاسىنان تولتىرىپ ءتىرى شايانداردى سالىپ قويعان بولساڭىز، جىبىرلاعان جاندىكتەر الگى ىدىستان ەشقاشان شىعىپ كەتە المايتىنى قىزىق. بىلاي قاراساڭىز شامالارى بار-اق شاياندار. تاربيعان اياقتارىن ءبىر-بىرىنە تىرەپ، بالتىرلارىن باسپالداق ەتە قويسا ىدىستان ىتقىپ شىعارداي-اق الەۋەتتەرى جەتەرلىك. بىراق وكىنىشكە قاراي، ولار الگى ىدىستان ەشقاشان شىعا المايدى ەكەن. نەگە دەپ باسىندا ءبىز دە تاڭ قالدىق. سويتسەك ەش قۇپياسى جوق بولىپ شىقتى. سول وزىمىزگە جاقسى تانىس باياعى باقاستىق، ءومىرى بىتپەيتىن كۇندەستىك، ىشتارلىقپەن ىندەس كورەالماۋشىلىق دەگەن كولدەنەڭ كوك مىنەزدەر وسى ارەكەتكە ابدەن توسقاۋىل بولاتىن ءتارىزدى. بەيشارا شاياننىڭ بىرەۋى سىرتقا شىققىسى كەلىپ تالپىنسا، البەتتە باسقالارى ونىڭ اياعىنان تارتىپ، جارماسىپ، جابىلىپ ءجۇرىپ مىندەتتى تۇردە قۇلاتىپ تىنادى ەكەن. ياعني مەن شىقپادىم، دەمەك سەنىڭ دە شىقپاۋىڭ كەرەك دەگەن جابايى تىرلىك.
رۋحانيات • 09 اقپان، 2021
توقسانىنشى جىلداردىڭ توقىراۋىنا تاپ كەلگەن ءبىزدىڭ بالالىق سىعىرايعان قوڭىر شامنىڭ قولتىعىندا ەسەيدى. كۇندىزگى اۋىل تىرشىلىگى، قابىرعاسىنا قار قاتقان سۋىق سىنىپتار، قىتايدىڭ الا قابىن ارقالاپ ناپاقا تەرگەن اتا-انالار، بۇكشەڭدەپ، كۇنى بويى وتتىڭ باسىنان ءبىر ۇزامايتىن كارى اجە، ءبارى-ءبارى كەشكىسىن قويۋ ءىڭىردىڭ قۇشاعىنا قۇلايدى. جال پەشتى جاعالاي جايىلعان داستارقان باسىندا شاي ىشىلەدى.
رۋحانيات • 08 اقپان، 2021
ءبىزدىڭ ءۇي اەروپورتقا جاقىن. توبەمىزدەن كۇن سايىن ەمەس، ءتىپتى ساعات سايىن ۇشاقتار سامعايدى. العاش كوشىپ كەلگەندە الگى ۇشاقتاردىڭ داۋىسىنا قايتا-قايتا ەلەڭدەپ وتىراتىنبىز. بىراق كەيىن قۇلاق ۇيرەنگەندىك پە، سول ۇشاقتار مۇلدە ۇشپاي قالعانداي بولدى... جالپى ادام تابيعاتى وتە قىزىق، تىلسىم، جۇمباق كەلەدى عوي. سەنگىش، ىرىمشىل، ءۇمىتشىل. ويلاپ وتىرساق، بۇعان دەيىنگى تۇرعان پاتەرىمىزدىڭ دە جانىنان ىلعي پويىز جوڭكىلەتىن. جاڭا ۇيىمىزگە كوشىپ كەلگەندە بىردەن وسىنى ايتىپ ءبىر ك ۇلىسىپ الدىق. ەندىگى ءۇيىمىز كەمەلەر توقتايتىن الىپ پورتتىڭ قاسىندا بولماسا يگى دەپ ءماز بولعانبىز. رەلسكە سارت-سۇرت تيگەن پويىز دوڭعالاقتارى وتكەن سايىن تەرەزەگە قارايتىن ەدىك. ايتماتوۆشا ايتساق، ورالحانشا ويلاساق «باتىستان شىعىسقا، شىعىستان باتىسقا» جوڭكىلگەن جۇردەك پويىزدار، ۇشقىر ۇشاقتار ءبىزدى ەشقاشان بەيجاي قالدىرمايتىن.
رۋحانيات • 26 قاڭتار، 2021
ءوز بەينەسىنە ءوزى عاشىق سۇلۋ نارتسيسس ۇزاق كۇنگە ايدىنعا قاراۋمەن بولۋشى ەدى. ەڭ اياعىندا سول سۋعا قاتتى ۇڭىلە بەرىپ، باتىپ ولەدى. ال جاعالاۋدا ونىڭ كوز جاسىنان ءوزى اتتاس گۇل ءوسىپ شىعادى. بىراق، وسكار ۋايلد بۇل اڭگىمەنى باسقاشا باياندايدى. نارتسيسس قازا تاپقاندا، ورمان نيمفالارى ايدىننان: – سەن نەگە جىلايسىڭ؟ – دەپ سۇرايدى. – مەن ءنارتسيستى جوقتاپ وتىرمىن، – دەيدى ايدىن. – وعان تاڭ قالۋعا بولمايدى، – دەيدى نيمفالار. – وعان عاشىق ەمەس جان جوق، الايدا ونىڭ سۇلۋلىعىن ەڭ جاقىننان كورگەن جالعىز سەن ەدىڭ، – دەيدى. – ال ول سۇلۋ ما ەدى؟ – دەپ سۇرادى سوندا ايدىن. – بۇل تۋرالى سەنەن ارتىق كىم باعا بەرە الادى؟ – دەپ تاڭ قالىسادى نيمفالار. – سەنىڭ جاعالاۋىڭدا، سەنىڭ سۋىڭا تاڭ اتىپ، كەش باتقانشا قاراپ وتىراتىن سول ەمەس پە ەدى؟ ايدىن ۇزاق ۋاقىت ۇندەمەي، اقىرى بىلاي دەپ جاۋاپ بەرەدى: – مەن ءنارتسيستىڭ سۇلۋ ەكەندىگىن ەشقاشان بايقاماسام دا، ونى جوقتاپ جىلايمىن. سەبەبى، ول مەنىڭ جاعالاۋىما كەلىپ، ماعان ەڭكەيگەن سايىن ونىڭ جانارىنىڭ تۇبىنەن مەن ءوزىمنىڭ اسەمدىگىمدى كورەتىن ەدىم، – دەيدى.
ونلاين 
