ميراس اسان«Egemen Qazaqstan»
149 ماتەريال تابىلدى

قوعام • 26 قازان، 2021

كۇلكىنى ازايتساق قايتەدى؟

تاۋەلسىزدىكتى ەندى العان العاشقى جىل­دارداعى ساياسي الەۋمەتتىك احۋالدى جاس بۋىن جاقسى بىلمەيدى. جالپى كەز كەل­گەن ادام نە نارسەگە بولسىن بىرجاقتى ۇكىم ايت­پا­عا­نى دۇرىس. بىراق سول كەزدەگى جاع­داي تۋرالى بۇگىنگى اعا بۋىن، زيالى قاۋىم الدەبىر سۇمدىقتاردى ابايسىزدا وزدەرى ايتىپ قالعاندا نە دەرىڭدى بىلمەي قالاسىڭ.

پىكىر • 13 قازان، 2021

اقىلى اقىل ايتقىشتار

تۇنەۋ كۇنى قىم-قۋىت تىرلىكتىڭ قۋىس-قۋىسىمەن، جاۋىن-جاۋىننىڭ اراسىندا جۇمىس ورنىمىزعا جاقىن جەردەگى كىتاپ دۇكەنىنە باس سۇقتىق. كەيدە قالتاڭدا ار­تىق اقشاڭ بولماسا دا سول ءبىر جىپ-جىلى دانا دا مومىن، كەمەل دە كەرەمەت مەكەنگە جالقى ءسات بولسىن جولاي كىرىپ-شىققىڭ كەلىپ تۇرادى عوي. ءبىز دە سول ساعىنىشپەن، سول اڭسارمەن اقىلدىڭ اسىل قازىناسى ۇيىلگەن اق زەر بولمەنىڭ ەسىگىنە ەندىك.

ادەبيەت • 12 قازان، 2021

تاس تۇعىرداعى تاۋتۇلعا

ەل رۋحىن ەڭسەلەندىرگەن ەرلەر ەشقاشان حالىق جادىنان وشپەك ەمەس. الماعايىپ الاساپىران شاقتا جاسىنداي جىرلارىمەن جاۋىنگەرلەرگە دەم بەرگەن سونداي تۇلعالاردىڭ قاتارىندا ءبىز مىندەتتى تۇردە جامبىل جاباي ۇلىن اتار ەدىك. ءبىر عانا داستانىنىڭ وزىمەن ميلليونداعان جاننىڭ ۇمىتىنە دەم بەرگەن ول ءالى كۇنگە جىرسۇيەر جۇرەكتەردىڭ تورىنەن تۇسكەن جوق. بيىل 175 جىلدىق مەرەيتويى اتالىپ ءوتىپ جاتقان ۇلت اقىنىن جالعىز قازاق حالقى ەمەس، كەزىندەگى وداقتاس ون بەس ەلدىڭ بارلىعى دەرلىك قۇرمەت تۇتتى.

تانىم • 05 قازان، 2021

ستيۆ دجوبستىڭ ءستيلى

جاپىراق جامىلعان ەجەلگى ادامدار زامانىنان بەرگى دۇنيەجۇزى تاريحىندا نەبىر كيىم ۇلگىسى بولعانى بەلگىلى. ءتىپتى كۇن سايىن جاڭارىپ جاتقان مىڭ سان مودانىڭ باس-اياعىن ەشكىم ءجىتى قاداعالاي الىپ جاتقان جوق. جالپى جەر شارىندا جەتى ميلليارد ادام بولسا سونشا ءتۇرلى تالعام بولاتىنى داۋسىز. ادام قيالىمەن بىرگە تۇرلەنە بەرەتىن كيىم ديزاينىنا اركىمنىڭ كوزقاراسى ءارتۇرلى بولۋى دا زاڭدىلىق. بىرەۋ ۇستىندەگى جەيدەسىنىڭ باعاسىنا ءمان بەرسە، بىرەۋ ونىڭ ساپاسىنا نازار اۋدارادى. ال تاعى ءبىرى ونىڭ ىڭعايلىلىعىنا كوپ كوڭىل بولەدى. الايدا بۇگىن ءبىز جالپى كيىم ۇلگىسى تۋرالى ەمەس، جەكەلەگەن تۇلعالاردىڭ كيىم كيىسىندەگى ەرەكشەلىكتەر تۋرالى، ونىڭ ىشىندە الەمدى ءوزىنىڭ قيال جەمىسىنە جىبەرمەي بايلاپ كەلە جاتقان، ادامزات تاريحىنداعى فەنومەن تۇلعانىڭ ءبىرى، ايگىلى Applە برەندىنىڭ نەگىزىن قالاۋشى – ستيۆ دجوبس تۋرالى ايتقىمىز كەلەدى.

ادەبيەت • 27 قىركۇيەك، 2021

شەرحاننىڭ شامىرقانىسى

قازاق ءباس­پا­سو­زىنىڭ ارعى-بەر­گى تاريحىن تۇگەل تاپ­سىرلەگەندە، ونىڭ باي شەجى­رەسىن تۇتاس بايان ەتكەندە ەسىمدەرىن اتاماي كەتپەيتىن، عيبراتتى جولدا­رىنا سوقپاي وت­پەيتىن تۇلعالار بو­لادى. سونداي زاڭعارلاردىڭ قا­­تارىندا ءبىز ال­بەتتە، شەرحان مۇر­­تازانى ايتار ەدىك. شەرحان مۇر­­تازا دەگەن­دە ءبىزدىڭ كوز ال­دى­مىزعا ايبارى­نان الىپ تاۋلار ىعاتىن، تەگەۋرىنى قارا تاستى قا­مىر­­شا يلەپ جىبەرەردەي نايزاعاي مىنەز تۇلعا كەلە قالادى. الاشتىڭ ارىستان تۇلعاسى ءاليحان بوكەيحاننىڭ «ۇلتقا قىزمەت ەتۋ بىلىمنەن ەمەس، مىنەزدەن» دەگەن ءسوزىن بۇگىندە ەرسىلى-قارسىلى قولدانا بەرەتىن بولدىق قوي. اسىلىندا، مۇنداي كەسەك ءسوزدى كەز كەلگەن جەرگە جويداسىز جۇمساماساق كەرەك ەدى.

كينو • 26 قىركۇيەك، 2021

جالعىزدىق ارالى

ءبىزدىڭ كەيدە جەتى ميلليارد ادامنىڭ ىشىندە ءجۇرىپ تە جالعىزسىرايتىنىمىز بار. ءبىز كەيدە قىزىلدى-جاسىلدى وتشاشۋلاردىڭ استىندا دۇركىرەپ ءوتىپ جاتقان تويدا وتىرىپ تا مۇڭايامىز. ءبىز ءتىپتى جاپ-جارىق كۇندە اداسىپ، شىلىڭگىر شىلدەدە جاۋراۋىمىز دا مۇمكىن. ءبارىنىڭ ار جاعىندا سول العاشقى ايتقان جالعىزدىق جاتادى. ءيا، تارقاتا بەرسەك جالعىزدىقتىڭ ءتۇر-ءتۇرى كوپ قوي. قوعامدى قابىلداماعان، قوعام قابىلداماعان ىشكى وي جالعىزدىعى، تۇتاس حالىقتاردىڭ جالعىزدىعى، ءدىني عيماراتتاردىڭ وگەي كەيپى، ءتۇرلى ونەر تۋىندىلارىنىڭ جالعىزدىعى، ءسوز جالعىزدىعى، تۇلعا جالعىزدىعى...

ونەر • 21 قىركۇيەك، 2021

سيقىرلى ساز

ارقا ءوڭىرى قاشاننان ونەرگە باي، ساز قونعان، ءسوز دارىعان ارداقتى مەكەن. ۇلى دالانىڭ سان عاسىر تاريحىن قوبىز بەن دومبىرانىڭ قۋ شاناعىندا سارناتقان نەبىر تالانت وسىناۋ ولكەدەن ونەرگە ات قوستى. ارينە، سايىن سارىارقادان ەسكەن ۇلى سارىندار تۋرالى ايتقاندا ءبىزدىڭ قۇلاعىمىزعا ۇلتىمىزدىڭ ءتول اسپاپتارىنان توگىلگەن قويۋ ساز ءبىرىنشى بولىپ جەتەتىنى راس. الايدا ءبىز وركەسترلەردىڭ ىشىندەگى ەڭ جوعارى دارەجەلىسى – سيمفونيالىق وركەستر تۋرالى دا ۇمىتپاۋىمىز كەرەك. ونەردىڭ كۇردەلى بۇل سالاسى دا ارقا دالاسىنان اسقاق قارايدى. ايتالىق، ق.بايجانوۆ اتىنداعى قاراعاندى كونتسەرتتىك بىرلەستىگىنىڭ ەركەعالي راحماديەۆ اتىنداعى سيمفونيالىق وركەسترى ءوزىنىڭ شيرەك عاسىردان استام تاريحىندا تالاي بەلەستەردى باعىندىرعان ىرگەلى ۇجىم.

تاريح • 13 قىركۇيەك، 2021

ەگەمەندىك ەڭسەلەگەن ەسكەرتكىشتەر

ۇلى دالانىڭ باي شەجىرەسىن اقتارعاندا قازاق بالاسى اڭساعان ەگەمەندىكتىڭ باستاۋىندا سوناۋ عۇن مەن ساق داۋىرىنەن باس­تاپ، ءتىپتى ودان دا ارعى كارى تاريح كادەگە جارايدى. الاش ازاتتىعىنىڭ انىق باسىندا ءتۇبى ءبىر تۇركى الەمىنە اتى ءماشھۇر الىپتار شوعىرى تۇرعانى انىق. ەڭسەلى ەلدىڭ ەگەمەن رۋحى ونىڭ توپىراعىندا دۇنيەگە كەلىپ، تاعدىر ايداۋىمەن قيىر كەتكەن، سويتە ءجۇرىپ الەمدى وزىنە باي عىلىمىمەن، جاۋىنگەرلىك حاس شەبەرلىگىمەن قاراتا بىلگەن كەسەك كەمەلدەرمەن تامىرلاس. تاريحتى تاۋاندى تۇلعالار جاسايدى دەسەك، قازاق ءجۇرىپ وتكەن سان تاراۋ جولدىڭ ءتۇپ باستاۋىندا ۇلى ساحارادا دۇنيەگە كەلگەن اڭىز الىپتارىمىزدىڭ تۇرعانىن كورەمىز. ءبىز بۇگىن سونداي، سۇيەگى جات توپىراقتا قالسا دا، سۇبەلى ءسوزى قازاق ەنشىسىنە جازىلعان جاقسىلارىمىزدى ەسكە الىپ جادىمىزدى جاڭعىرتقىمىز كەلەدى.

ونەر • 12 قىركۇيەك، 2021

قارىشتا، قازاق كينوسى!

قازاق كينوسى –  قازاقتىڭ وتكەن عاسىردان بەرگى سان تاراۋ تاريحىن التىن قورىمىزعا تۇگەل تاسپالاپ، جاس ۇرپاقتى جاسامپاز رۋحتا تاربيەلەپ كەلە جاتقان ەل رۋحانياتىنىڭ ەڭ ۇلكەن تىرەگى. جالپى، كينو سالاسى، ونىڭ ءتۇرلى تارماقتارى كەز كەلگەن مەملەكەتتىڭ يدەولوگيالىق باستى قۇرالى ەكەنى شىندىق. ەرتەڭگى ۇرپاق تاربيەسى ەكرانعا تىكەلەي بايلانىستى. سول رەتتە قازاق كينوسى الاش بالاسى ءجۇرىپ وتكەن ونەگەلى جولدى كەلەشەك جاس بۋىنعا ءتۇرلى جانردا وڭ ناسيحاتتاپ كەلەدى.

تەاتر • 06 قىركۇيەك، 2021

التىنعا اربالعان اڭعار

ادامداردىڭ جالپى و باستا وزدەرىنەن وزگەشەلەۋ جاراتىلعان، دارا ويلايتىن جانداردى بىردەن قابىلداي قويۋى قيىن عوي. ونىڭ ايتقانىن اقيقات دەپ مويىنداماق تۇرماق، الگىنى قۋعىنداپ، رەتى كەپ جاتسا تالاپ جەپ قويۋلارى دا عاجاپ ەمەس. مۇنى قىرىق كىسى ءبىر جاق، قىڭىر كىسى ءبىر جاق دەۋگە دە كەلمەيدى. نەمەسە توبىردىڭ تىرلىگى دەپ تە توپشىلاۋ ارتىق. ءوزىڭىز ويلاڭىزشى، جانارلارى سۋ قاراڭعى، كوزدەرىنە الدەقاشان كوك ەت ءوسىپ، ونىڭ ورنى ماڭگىلىك بىتەلىپ قالعان سوقىرلار ەلى ءسىزدىڭ كورۋ جايلى، كوركەمدىك جايلى، كوكجيەك تۋرالى كوپىرمە كوپ سوزدەرىڭىزدى تىڭداپ تۇرۋى مۇمكىن بە؟ ءتىپتى عاسىرلار بويى ۇرپاقتارى سوقىر بوپ جالعاسىپ كەلە جاتقان شاعىن تايپانىڭ سوزدىك قورىندا كوز، جانار، قاراشىق، جارىق، قاراڭعى دەگەن سوزدەردىڭ دە بولۋى ەكىتالاي.