ميراس اسان«Egemen Qazaqstan»
101 ماتەريال تابىلدى

رۋحانيات • 08 اقپان، 2021

وكپەك جولاۋشىلار

ءبىزدىڭ ءۇي اەروپورتقا جاقىن. توبەمىزدەن كۇن سايىن ەمەس، ءتىپتى ساعات سايىن ۇشاقتار سامعايدى. العاش كوشىپ كەلگەندە الگى ۇشاقتاردىڭ داۋىسىنا قايتا-قايتا ەلەڭدەپ وتىراتىنبىز. بىراق كەيىن قۇلاق ۇيرەنگەندىك پە، سول ۇشاقتار مۇلدە ۇشپاي قالعانداي بولدى... جالپى ادام تابيعاتى وتە قىزىق، تىلسىم، جۇمباق كەلەدى عوي. سەنگىش، ىرىمشىل، ءۇمىتشىل. ويلاپ وتىرساق، بۇعان دەيىنگى تۇرعان پاتەرىمىزدىڭ دە جانىنان ىلعي پويىز جوڭكىلەتىن. جاڭا ۇيىمىزگە كوشىپ كەلگەندە بىردەن وسىنى ايتىپ ءبىر ك ۇلىسىپ الدىق. ەندىگى ءۇيىمىز كەمەلەر توقتايتىن الىپ پورتتىڭ قاسىندا بولماسا يگى دەپ ءماز بولعانبىز. رەلسكە سارت-سۇرت تيگەن پويىز دوڭعالاقتارى وتكەن سايىن تەرەزەگە قارايتىن ەدىك. ايتماتوۆشا ايتساق، ورالحانشا ويلاساق «باتىستان شىعىسقا، شىعىستان باتىسقا» جوڭكىلگەن جۇردەك پويىزدار، ۇشقىر ۇشاقتار ءبىزدى ەشقاشان بەيجاي قالدىرمايتىن.

رۋحانيات • 26 قاڭتار، 2021

نارتسيسس جانارىنداعى ايدىن

ءوز بەينەسىنە ءوزى عاشىق سۇلۋ نارتسيسس ۇزاق كۇنگە ايدىنعا قاراۋمەن بولۋشى ەدى. ەڭ اياعىندا سول سۋعا قاتتى ۇڭىلە بەرىپ، باتىپ ولەدى. ال جاعالاۋدا ونىڭ كوز جاسىنان ءوزى اتتاس گۇل ءوسىپ شىعادى. بىراق، وسكار ۋايلد بۇل اڭگىمەنى باسقاشا باياندايدى. نارتسيسس قازا تاپقاندا، ورمان نيمفالارى ايدىننان: – سەن نەگە جىلايسىڭ؟ – دەپ سۇرايدى. – مەن ءنارتسيستى جوقتاپ وتىرمىن، – دەيدى ايدىن. – وعان تاڭ قالۋعا بولمايدى، – دەيدى نيمفالار. – وعان عاشىق ەمەس جان جوق، الايدا ونىڭ سۇلۋلىعىن ەڭ جاقىننان كورگەن جالعىز سەن ەدىڭ، – دەيدى. – ال ول سۇلۋ ما ەدى؟ – دەپ سۇرادى سوندا ايدىن. – بۇل تۋرالى سەنەن ارتىق كىم باعا بەرە الادى؟ – دەپ تاڭ قالىسادى نيمفالار. – سەنىڭ جاعالاۋىڭدا، سەنىڭ سۋىڭا تاڭ اتىپ، كەش باتقانشا قاراپ وتىراتىن سول ەمەس پە ەدى؟ ايدىن ۇزاق ۋاقىت ۇندەمەي، اقىرى بىلاي دەپ جاۋاپ بەرەدى: – مەن ءنارتسيستىڭ سۇلۋ ەكەندىگىن ەشقاشان بايقاماسام دا، ونى جوقتاپ جىلايمىن. سەبەبى، ول مەنىڭ جاعالاۋىما كەلىپ، ماعان ەڭكەيگەن سايىن ونىڭ جانارىنىڭ تۇبىنەن مەن ءوزىمنىڭ اسەمدىگىمدى كورەتىن ەدىم، – دەيدى.

تانىم • 12 قاڭتار، 2021

پابلو پولوتنوسىنان قاراساق...

«شار ۇستىندەگى قىز» – الەمگە ايگىلى كەسكىندەمەشى پيكاسسونىڭ ەڭ تانىمال كارتينالارىنىڭ ءبىرى. سۋرەتشى ءوزىنىڭ وسىناۋ شەدەۆرىن 1905 جىلى جازعانىن بىلەمىز. ەرەكشە ايتا كەتەتىن جايت، «شار ۇستىندەگى قىز» پابلو شىعارماشىلىعىنداعى جاڭا كەزەڭدى بەلگىلەيدى. ونى زەرتتەۋشىلەر سۋرەتشى زەرتحاناسىنداعى «قىزعىلت كەزەڭنىڭ» ءونىمى دەپ اتاپتى. شىنىمەن دە اتاقتى كەسكىندەمەشىنىڭ بىزگە بەلگىلى باسقا ەڭبەكتەرىنەن مۇنداي اشىق جانە انىق كونتەكستى بىردەن اڭعارۋ قيىن.

رۋحانيات • 24 جەلتوقسان، 2020

شەڭبەر ىشىندەگى شاراسىزدىق

كەيدە ادام ءسۇرىپ جاتقان ءومىرىنىڭ بىرقالىپتى، باياۋ، سۇرەڭسىز، ماعىناسىزدىعىنان شارشاي باستايدى. ءتىپتى ءبىر كۇنىڭ ءبىر كۇنىڭنەن اينىمايتىن كەزدەردەن قالاي قاشىپ قۇتىلارىڭدى بىلمەي دال بولاسىڭ، جانىڭدى قويارعا جەر تابا الماي ءتۇڭىلىپ كەتەسىڭ. ءبىر سوزبەن ايتقاندا ۋاقىتتىڭ تۇزاعىنا ءتۇسىپ قالعان بەيشارا قالپىڭ شەڭبەر ىشىنەن شيىرلاي بەرەدى، شيىرلاي بەرەدى...

رۋحانيات • 21 جەلتوقسان، 2020

جاس دارىنعا – جاڭا كليپ

جۋىردا «حابارShow» Youtube كانالىندا جانە «حابار» تەلەارناسىنىڭ ەفيرىندە جاس دارىن، ەلىمىزدىڭ ماق­تانىشى ەرجان ماكسيمنىڭ جاڭا انىنە تاسپالانعان «قازاقتىڭ ۇلدارى» اتتى بەينەباياننىڭ تۇساۋكەسەرى ءوتتى.

رۋحانيات • 26 قاراشا، 2020

قاپاستاعى قارسىلىق

تاريحتىڭ جادىنداعى جازۋلاردى ەشقانداي توتاليتارلىق جۇيە جويىپ جىبەرە المايتىنىن ۋاقىت ۇنەمى دالەلدەپ كەلەدى. سول سياقتى ادام جانىنداعى جازۋلاردى دا وشىرۋگە كەز كەلگەن وكىمەتتىڭ قاۋقارى جەتكەن ەمەس. ارينە، بۇل جەردە بولمىسى ءبۇتىن، ساناسى ساۋ، بوداندىقتىڭ قارا قامىتى ميىنا ەمەس، تەك قىل موينىنا عانا تۇسكەن جاندار تۋرالى ايتىپ وتىرمىز. ايتپەسە، تاۋەلسىز ەلدە ءومىر ءسۇرىپ وتىرىپ-اق ءوز ويىن اشىق ايتا الماي، بىرەۋدىڭ قاس-قاباعىن باعىپ قانا قوي تورى كۇن كەشىپ جاتقاندار از ەمەس.

تانىم • 24 قاراشا، 2020

دجوكەردىڭ كۇلكىسى

جاقىنىم دەپ تۇرعان ادامىڭىز ءسىزدى جۇدىرىعىمەن ءبىر قويسا، كوگەرگەن كوزىڭىزگە مۇز باسقاننان باسقا نە ىستەي الاسىز؟ ءوز قولىڭىزدى ءوزىڭىز كەسەسىز بە؟ بالكىم ءتان جاراسى جازىلادى، جاقىنىڭىزدى جوعالتپاعان دۇرىس دەپ ءبىر ءسات سابىرعا كەلەسىز؟ قايتكەندە دە ءومىردىڭ ودان دا اۋىر سوققىلارى بارىن ەسكەرىپ، اشۋدى اقىلعا جەڭدىرەسىز. ال ەندى تانىڭىزگە ەمەس، جانىڭىزعا الگى سوققىدان مىڭ ەسە جويقىن جۇدىرىق جۇمسالسا قايتپەك كەرەك؟

رۋحانيات • 20 قاراشا، 2020

ابىزدان شىققان گۋديني

امەريكالىق ايگىلى يلليۋزيونيست، اكتەر گارري گۋدينيدى بىلمەيتىن ادام كەمدە-كەم. سيقىرشىلىقتىڭ سىرىن جەتىك بىلەتىن ونىڭ ونەرىنە بۇكىل الەم ءالى كۇنگە دەيىن تاڭداي قاعادى. تاريحقا تەرەڭ ۇڭىلسەك، 1903 جىلى جازدا ماسكەۋدە ەرميتاج جازعى باعىنىڭ اشىق ساحناسىندا گۋديني تۇتقىنداردىڭ ارباسىنا ادەيى قامالىپ، ودان كوپشىلىك الدىندا ادام سەنبەس ارەكەتتەرمەن ەشكىم اشا المايتىن ق ۇلىپقا كىلت تاۋىپ، بوساپ شىعىپتى.

ەلوردا • 18 قاراشا، 2020

ەرتەرەكتەگى ەلوردا

ءبىرازدان بەرى ۇلتتىق مۋزەيىمىزدەگى قۇندى جادىگەرلەرىمىزدى كوزىقاراقتى وقىرمانعا اتالعان مۇراجايدىڭ ء«بىر تۋىندى تاريحى» جوباسى اياسىندا تانىستىرىپ كەلەمىز. بۇگىنگى تاڭداپ الىنعان تۋىندى سوناۋ كەڭەستىك كەزەڭدەگى ەلوردا كەلبەتىنەن سىر شەرتەدى. كەسكىندەمەنىڭ اۆتورى – قازاقستاندىق سۋرەتشى ۆيكتور فەدوروۆيچ حولۋەۆ.

رۋحانيات • 16 قاراشا، 2020

جاۋاپسىز ماحاببات

كەيدە اسا تانىمال بولۋ دا وتە قاۋىپتى. ەڭ قيىنى، ءسىزدىڭ ول تالانتىڭىز نە ءوزىڭىزدى، نە اينالاڭىزدى بىلدىرمەي جۇتىپ، ءۇنسىز ۇگىتىپ جاتقانىن ەشقاشان سەزبەۋىڭىز مۇمكىن. ارينە، بۇعان ءسىزدى ەشكىم كىنالاي المايدى. شىنىمەن دە، ومىرىڭىزدە ءسىز بىلمەيتىن، ەشقاشان تانىماعان ادامداردىڭ قاتىستى بولۋى، جاي عانا قاتىسى بولىپ قانا قويماي، قاسىرەت شەگۋى سىزگە ەشقانداي جاۋاپكەرشىلىك جۇكتەمەيدى. جالپى، كۇنىنە كوشەدەن قانشاما ادامدى كەزىكتىرەسىز. الايدا ونىڭ بارلىعى ءسىزدىڭ تاعدىرىڭىزعا قاتىستى ادامدار دەپ ەشكىم ويلامايدى. ءسىز دە ول ادامدارعا ەشقاشان ءمان بەرمەيتىنىڭىز انىق. ارينە، ار ازابىنىڭ الدىندا ناعىز اقيقاتپەن بەتپە-بەت كەلگەندەگى جاعداي بىزگە بەلگىسىز، دەگەنمەن ءسىزدىڭ ومىرىڭىزگە تىكەلەي قاتىسى بار ادامداردى تۇگەل تىزىمدەپ شىعۋ وتە قيىن.