ايگۇل احانبايقىزى«Egemen Qazaqstan»
22 ماتەريال تابىلدى

كينو • 15 قىركۇيەك، 2021

قازاقستان رەجيسسەرلەرىن نە قىزىقتىرادى؟

الماتىداعى ۇلتتىق كىتاپحا­نادا مەملەكەتتىك قارجى­لىق قولداۋدان ءۇمىتتى كينو­جوبا­لاردىڭ اشىق قورعاۋى بولىپ ءوتتى. ەلىمىزدىڭ كينو سالا­سى مەملەكەتتىڭ قارجىلىق قول­داۋىنا تىكەلەي تاۋەلدى بولعان­دىق­تان، ءۇمىتتى كينوجوبالار بىرنەشە ساتىلى ىرىكتەۋدەن ءوتىپ بارىپ، ءوز فيلمدەرىنە قارجى الاتىن جوبالار تىزىمىنەن كورىنۋ مۇمكىندىگىنە يە. قازاقستاننىڭ حالىق ءارتىسى دوسحان جولجاق­سىنوۆ توراعالىق ەتكەن ساراپ­تاما كەڭەسى بۇل جولى 510 ءوتى­نىمدى قاراستىردى. 2019 جىلى 109، 2020 جىلى 226 ءوتىنىم تۇس­­كەنىن ەسكەرسەك، وتكەن جىلدار­مەن سالىستىرعاندا بيىلعى كور­سەتكىش بارلىعىنان وق بويى وزىق، رەكوردتىق ناتيجە كورسە­تىپ تۇر.

تەاتر • 05 تامىز، 2021

مەجەسى بيىك، مۇمكىندىگى مول ۇجىم

زاڭمەن بەكىتىلىپ، جىلىنا ءبىر رەت بەرىلەتىن كەزەكتى ەڭبەك دەمالىسى جۇمىس ىستەيتىن ءار ادام ءۇشىن، اسىرەسە شىعارماشىلىق ادامى ءۇشىن اسا ماڭىزدى. جاز مەزگىلى جاقىنداعاننان باستاپ دەمالىستى ەستە قالاتىنداي ەتىپ وتكىزۋدى ويلاستىرىپ، ىشتەي ءتۇرلى جوسپار ءتۇزۋ سۇيىكتى ەرمەكتىڭ بىرىنە اينالىپ، اسىعا كۇتەدى. دەنساۋلىققا كوڭىل ءبولىپ، شارشاعان اعزانى قالىپقا كەلتىرىپ، بويعا كۇش-قۋات جيناپ قايتۋعا اركىم قۇمبىل. دەمالىسقا كەزەكتەسپەي-اق بۇكىل قىزمەتكەرى ءبىر مەزگىلدە كەتىپ، قول ۇستاسىپ بىرگە كەلەتىن ءداستۇرى بار ساناۋلى ۇجىمنىڭ ءبىرى – تەاتر. اپتا باسىندا عابيت مۇسىرەپوۆ اتىنداعى بالالار مەن جاسوسپىرىمدەر تەاترىنىڭ باسشىلىعى جازعى ەڭبەك دەمالىسىنان ورالعان ۇجىمداستارىن توسىن جاعدايدا قارسى الدى.

كينو • 30 ماۋسىم، 2021

«قاسىم حان». تاريحي فيلم قالاي ءتۇسىرىلىپ جاتىر؟

بۇكىل قازاق قاۋىمى قاسىم حان تۋرالى ءفيلمدى اسىعا كۇتىپ وتىر. بىراق قازاق حاندىعى تاريحىندا ەرەكشە ورىن الاتىن قاسىم حانىمىز ەكرانعا شىقپاي جاتىپ، ەلەڭدەپ وتىرعان ەلدىڭ كوڭىلىن كۇپتى ەتىپ، الدەن-اق ءارتۇرلى وي سالىپ قويدى. ءوزى قالىپتاستىرىپ كەتكەن، قارا قىلدى قاق جارعان اقيقات پەن ادىلدىكتىڭ اينىماس سەرىگىنە اينالىپ، دالا كونستيتۋتسياسى اتانعان «قاسىم حاننىڭ قاسقا جولى» عاسىرلار الماسۋى اراسىندا سان ءتۇرلى بۇرالاڭدى باستان كەشىپ ءجۇرىپ و باستاعى مانىنەن ايىرىلىپ، اقىرى سيىقسىز ماعىنا تابادى دەگەن وي ول كەزدە ەشكىمنىڭ ساناسىنا كىرىپ-شىقپاعانى انىق، ارينە.

ونەر • 13 ماۋسىم، 2021

«ماكبەت» قۋىرشاقتار بەينەسىندە ءتىل قاتتى

بۇعان دەيىن الماتى قۋىرشاق تەاترىنىڭ كورەرمەندەرىنە «انا – جەر-انا»، «رومەو – دجۋلەتتا» سپەكتاكلدەرىن ۇسىنعان جاس رەجيسسەر دينا جۇماباەۆا بۇل جولى دا «ماكبەت» پەساسىن تەاتردىڭ ارنايى شاقىرۋىمەن ساحنالادى.

تەاتر • 11 ناۋرىز، 2021

ساحنادا تانىسىپ، سەرىك بولعان

سوناۋ الپىسىنشى جىلداردان باس­تالىپ سەكسەنىنشى جىلداردىڭ بەل ورتاسىنا دەيىن تەاتر مەن كينو الەمىن قاتار دۇبىرلەتكەن جۇلدىزدى شوعىردىڭ ىشىندەگى ءانۋار مولدابەكوۆتىڭ جۇلدىزى جىلدار وتكەن سايىن جارقىراي تۇسپەسە، ءبىر ساتكە كومەسكى تارت­قان ەمەس. قايتىس بولعانىنا قى­رىق جىلعا تايادى. الايدا وت بولىپ جانىپ، اعىل-تەگىل نوسەر بولىپ توگىلىپ، جاسىنداي جارقىلداعان بەينەنىڭ العاش دۇركىرەپ شىققان كەزدەگى داڭق-داقپىرتى، سوڭى­نان ەسكەن سامال اڭىز، ءبارى-ءبارى سول كۇيى ءانۋار كەڭىستىگىن كەڭەيتپەسە، كى­شى­رەيتە العان جوق.

قوعام • 16 قىركۇيەك، 2019

اجەنىڭ ارقاسى

شاۋجايىنا ورالىپ اكە-شەشەسىنەن ايرىلعىسى كەلمەي تۇرعان شولجاڭ نەمەرەسىن اجەسى اۋەلى الداۋسىراتىپ شاقىرىپ الار ەدى. ء«اي، مىنانى كوردىڭ بە، دەيدى قالتاسىندا جۇرگەن ۋماجدالعان ورامال، تۇيمە، ءجىپ، تاراق سەكىلدى ميداي ارالاسقان ءبىر ۋىس زاتتىڭ ىشىنەن قاعازى مىج-مىج بولىپ اقجەمدەلىپ، سۋرەتى ارەڭ كورىنەتىن ەسكى كامپيتتىڭ شەتىن جىلتىراتىپ شىعارىپ جاتىپ، ءجۇر، سەن ەكەۋمىز كۇرىش اپاڭنىڭ ۇيىنە بارىپ كەتپەنىن سۇراپ اكەلەيىك».

رۋحانيات • 11 شىلدە، 2019

سوپرانو-سىڭعىر

ءان سالسا، اسپان استىن تولتى­را سورعالاتا شىرقاعان، قايتالان­باس ورىنداۋشىلىق ماقامىمەن تام­ساندىرىپ، بىرەگەي قۇبى­لىس رەتىندە وپەرا وتانى يتا­ليا ماماندارىنىڭ ءوزىن ءسۇيسىن­دىر­گەن، ولارعا ىقىلاسپەن قول سوقتىرعانى ازداي، كۇمىس كو­مەيى­نىڭ كوشىرمە بەينەسىن جاساتۋعا ىن­تىق ەتىپ، بۇگىندە كوزى جوق بول­­سا دا، كومەكەيىنىڭ قۇرىلىسى گەنۋيا مۇراجايىندا ساقتالىپ قالعان ءدۇلدۇل عاريفوللا قۇر­مانعاليەۆتىڭ مەرەيتويلىق كە­شىنە بارىپ وتىرىپ، كەرەمەت كو­رىنىستىڭ ۇستىنەن تۇستىك.