11 جەلتوقسان، 2010

شاكىرتتەر تالپىنىسى ەرەسەن

329 رەت كورسەتىلدى
تالدىقورعان قالاسىنداعى نازارباەۆ زياتكەرلىك مەكتەبى وقۋشىلارىنىڭ باستاماسىمەن «زيات» عىلىمي قوعامى قۇرىلدى. اتالعان قوعامنىڭ ۇيىمداستىرۋىمەن «مەن-زەرتتەۋشى» كىشى عىلىمي جوبادا قازاق ءتىلى مەن ادەبيەتى ءپانى بويىنشا دايىندالعان 8 عىلىمي ەڭبەك ساراپقا سالىندى. شاكىرتتەر تاڭداعان تاقىرىپتارىن قورعاۋدا ينتەربەلسەندى تاقتانىڭ مۇمكىندىكتەرىن پايدالانىپ، ىزدەنىس ناتيجەلەرىن شەشەن تىلمەن جەتكىزە ءبىلدى. قازىلار القاسى ۇسىنىلعان جوبالار بويىنشا قازاق ءتىلى ءبىلىمى بويىنشا ەڭلىك قۋانىشباي پەن ايزات بولاتوۆا قورعاعان «ەسىمشەنىڭ جۇرناقتارى» تاقى­رىبىن، ادە­بيەت­تانۋ بويىنشا تالاپ ءادىلجانوۆ پەن ءمادينا ءسام­بە­تاليەۆانىڭ «كرىلوۆ مىسالدارىن اۋدا­رۋداعى ا.قۇنانباەۆ پەن ا.بايتۇرسىنوۆ ەرەكشەلىكتەرى» جۇمىسىن لايىقتى دەپ باعالاعان. ال، شاكارىم شى­عارما­لا­رىنداعى كىرمە سوزدەردى عىلىمي تۇردە جىكتەۋگە تىرىسقان د.بيتاباروۆانىڭ كوڭىل-كۇيگە باي­لا­نىستى فرازەولوگيزمدەردى جىكتەگەن ايگەرىم ومار­بايدىڭ، اباي شىعارمالارى ارقىلى بۇگىنگى قوعامنىڭ مورال­دىق ۇستانىمىن جاساعان ە.ءدۇسىپوۆا مەن س.ساعىن­دىقوۆتىڭ ەڭبەكتەرى  قالالىق «دارىن» عىلىمي جارى­سىنا جولداما الدى. كۇمىسجان بايجان. الماتى وبلىسى.
سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار