11 جەلتوقسان، 2010

ەلەكتروندى قىزمەت – بۇگىنگى كۇن قاجەتتىلىگى

370 رەت كورسەتىلدى
كەشە «نۇر وتان» حدپ پارتيالىق باقىلاۋ كوميتەتى جانىنداعى مەملەكەتتىك قىزمەتتەر مەن رۇقسات بەرۋ قۇجاتتارىنىڭ ساپاسى مەن قولجەتىمدىگىن باقىلاۋ جانە مونيتورينگ جونىندەگى رەسپۋبليكالىق قوعامدىق كەڭەس وتىرىسى ءماجىلىس دەپۋتاتى ر.م.شاەكيننىڭ توراعالىعىمەن ءوتتى. وتىرىستا «ەلەكتروندىق ۇكىمەتتى» دامىتۋدىڭ كەيبىر ماسەلەلەرى قارالدى. ونىڭ جۇمىسىنا دەپۋتاتتار، مەملەكەتتىك ورگاندار مەن ۇكىمەتتىك ەمەس ۇيىمدار جانە تاۋەلسىز ساراپشىلار قاتىستى. راۋان شاەكين ءوز سوزىندە مۇنداي شارالاردىڭ مەملەكەت باس­شى­سىنىڭ حالىققا جولداۋىندا بيزنەستى ءجۇر­گىزۋ اۋانىن جاقسارتۋ ماقساتىندا ونى تىركەۋ جانە جۇرگىزۋگە قاجەتتى قۇ­جات­تاردى 30 پايىزعا، سونداي-اق 2015 جىلعا قاراي تاعى دا وسىنشاماعا قىس­قار­تۋ تۋرالى مىندەتىنەن تۋىنداپ وتىر­عاندىعىنا نازار اۋدارتتى. وسى ورايدا حالىققا بارىنشا قىزمەت سا­پا­سىن ارتتىرۋ ءۇشىن «ەلەكتروندىق ۇكى­مەت­تىڭ» جانە جاڭا اقپاراتتىق تەح­نو­لو­گيالاردىڭ مۇمكىندىكتەرىن بارىنشا پاي­دالانۋ تاپسىرىلىپ وتىر. وسى رەتتە دەپۋتات ءالى دە كەمشىلىكتەردىڭ بار­لى­عىن تىلگە تيەك ەتە كەلىپ، الدا ازا­مات­تار مەن شەنەۋنىكتەردىڭ اراسىندا ءتى­كەلەي بايلانىستى بولدىرمايتىن ەلەك­تروندىق قىزمەتتى ەنگىزۋ قا­جەت­تى­گىن العا تارتتى. كەز كەلگەن ازامات ەلەك­تروندىق قىزمەت ارقىلى وزىنە قاجەتتىسىن الا الاتىن بولۋى ءتيىس. بۇل ماسەلە «نۇر وتان» حدپ-نىڭ ەرەكشە باقىلاۋىندا، دەپ ەسكەرتە كەتتى راۋان ميحايل ۇلى. وتىرىستا ءسوز العان بايلانىس جانە اقپارات ءمينيسترى اسقار جۇماعاليەۆ «ەلەك­تروندىق ۇكىمەتتى» دامىتۋ بارى­سى تۋرالى جان-جاقتى ايتىپ بەردى. بۇگىنگى تاڭدا «ەلەكتروندىق ۇكىمەت» ناقتى قىزمەت تۇرلەرىن كورسەتە باس­تا­دى. سونىڭ جارقىن دالەلىندەي، اتالعان پورتالدا مىڭداعان اقپاراتتىق قىزمەت جۇزەگە اسىپ وتىر. سونداي-اق ازاماتتار مەن شەنەۋنىكتەر اراسىندا تىكەلەي بايلانىس ورناتۋعا مۇمكىندىك تۋعى­زا­تىن 60-قا تارتا ەلەكتروندىق قىزمەت تۇرلەرى ناقتى جۇمىس ىستەۋدە. اتاپ ايت­قاندا، بۇگىنگى تاڭدا ەلەكتروندىق قىزمەت ارقىلى جىلجىمايتىن م ۇلىك تۋرالى انىقتاما، ليتسەنزيا الۋعا، جول ەرەجەسىن بۇزعانى ءۇشىن ايىپپۇل ءتو­لەۋگە جانە وزگە دە قىزمەت تۇرلەرىن پاي­دالانۋعا بولادى، دەدى اسقار قۋا­نىش ۇلى. ول جىل باسىندا ەلەك­ترون­دىق قىزمەت 18 مىڭ بولسا، بەلسەندى جۇمىستىڭ ارقاسىندا ونى 1 ميلليون 300 مىڭعا جەتكىزۋ مۇمكىن بولعان­دى­عىن ەرەكشە اتاپ كەتتى. بۇعان دەيىن «ەلەكتروندىق ۇكىمەت» پورتالىن پاي­دا­لانۋشىلار سانى 2-2،5 مىڭنان اس­پاي­تىن بولسا، جاقىندا ونىڭ سانى 5 ەسەگە وسكەن. ءتىپتى 16 مىڭ ادام وسى پور­تالدىڭ قىزمەتىنە جۇگىنگەن كۇندەر دە بولىپتى. مەملەكەتتىك ورگاندار تاراپىنان 600 ليتسەنزيانى ەلەكترون­دىق فورماتتا بەرىلگەندىگى دە بۇعان مىسال بولا الادى. مينيستر ەلەك­ترون­دىق قىزمەت تۇرلەرىنىڭ ارى قاراي دا­مۋى حالىقتىڭ قانشالىقتى وعان دا­يىندىعى مەن قانشالىقتى سەنەتىندىگىنە دە بايلانىستى ەكەندىگىنە نازار اۋ­دارتتى. سوندىقتان قازىردەن استانا مەن الماتى قالالارىندا جاپپاي ءتۇ­سىندىرۋ جۇمىستارى قولعا الىنۋدا. ول جارناما تۇرىندە كوپتەگەن سايتتاردا كورىنىس تاۋىپ وتىر. وتىرىستا، سونىمەن قاتار، «ءبىر تەرەزە» قاعيداسىن ەنگىزۋ جانە «ەلەك­تروندىق ۇكىمەتتى» دامىتۋ بويىنشا مەملەكەتتىك ورگانداردىڭ بەلسەندىلىگى ءالى تومەن ەكەندىگى ەرەكشە اي­تىلدى. ءاسى­رەسە، جەرگىلىكتى جەرلەردە «ەلەك­ترون­دى اكىمدىك» ماسەلەسىنىڭ جەدەل شەشىمىن تابۋى بارىسى دا اڭگىمە وزەگىنە اينالدى. بۇل تال­قىدان حا­لىق­قا قىزمەت كورسەتۋ ورتالىقتارى ءما­سە­لەسى دە تىس قالعان جوق. ءتىپتى وسى ءبىر قىز­مەت كورسەتۋ ورتا­لىقتارىن باي­لا­نىس جانە اق­پا­رات مينيسترلىگى قۇزى­رەتىنە بەرۋ كەرەك پە ەدى دەگەن دە ويلار ايتىلىپ قالىپ جاتتى. جانە دە كا­سىپ­كەرلەرگە ەكس­پورتتىق-يمپورتتىق وپە­را­تسيالار­دى جۇزەگە اسىرۋعا رۇقسات قۇ­جات­تا­رىن بەرۋ بارىسىنداعى كەدەندىك جانە باسقا دا ۋاكىلەتتى ورگاندار جۇ­مى­سىندا «ءبىر تەرەزە» قاعي­داتىنىڭ قولدانىلۋ قاجەتتىگى ۇسىنىلدى. اسقار تۇراپباي ۇلى.
سوڭعى جاڭالىقتار

ۇقساس جاڭالىقتار