11 جەلتوقسان، 2010

ازيالىق پارتيالار فورۋمى

323 رەت كورسەتىلدى
پارتيا حاتشىسى قايرات ساتىب­ال­دى­ ۇلى باستاعان «نۇر وتان» دە­لە­گا­تسيا­سى كامبودجا كورولدىگىنىڭ استاناسى پنوم­پەن قالاسىندا وتكەن 6-شى ازيا­لىق ساياسي پارتيالار حالىقارالىق كون­فە­رەنتسياسى باس اسسامبلەياسى(اسپحك) جۇمىسىنا قاتىسىپ قايتتى. 36 ەلدەن كەلگەن 89 پارتيانىڭ وكىلدەرى الەمنىڭ ەڭ دي­نا­مي­كالىق كونتينەنتىنىڭ دامۋىنداعى ماڭىزدى ماسەلەلەردى تال­قىلاۋعا جينالدى. اسپحك وسىدان 10 جىل بۇرىن تا­نى­مال فيليپپيندىك ساياساتكەر حوسە دە ۆەنەسيانىڭ كۇشىمەن قۇ­رىلعان بولاتىن. وسى ۋاقىتقا دەيىن باس اسسامبلەيا مانيلادا، بانگكوگتە، پەكيندە، سەۋلدە ءوتتى. ال 2009 جىلى ازيا­نىڭ ساياسي ەليتاسى ەلباسى، «نۇر وتان» حدپ توراعاسى نۇرسۇلتان نازارباەۆتىڭ باستاماسىمەن 5-ءشى باس اس­سامبلەيا وتكىزىلگەن استانادا كەزدەسۋگە مۇمكىندىك العان بولاتىن. وسى ۇيىمنىڭ جارعىسىنا سايكەس، شارانى ۇيىم­داس­تىرۋشى پارتيا اسسامبلەيانىڭ توراعاسى بولىپ ساي­لا­نا­دى. 2008 جىلدان بەرى «نۇر وتان» پارتياسىنىڭ وكىلدەرى اسپحك تۇراقتى كوميتەتىنىڭ قۇرامىنا كىرەدى. اعىمداعى جىلى پارتيالىق فورۋم جۇمىسىنا الدىڭعى قا­تارلى ەلدەر ساياسي پارتيالارىنىڭ جەتەكشىلەرى، پارلامەنت سپيكەرلەرى، ەكس-پرەزيدەنتتەرى، ۇكىمەت باسشىلارى قا­تىستى. اشىلۋ سالتاناتىندا ەلباسى، «نۇر وتان» حدپ ءتور­اعاسى ن.نازارباەۆتىڭ قۇتتىقتاۋ حاتى وقىلىپ، جي­نال­عانداردىڭ نازارىن اۋداردى. فورۋم ەقىۇ ءسامميتى ۋاقىتىمەن سايكەس كەلگەندىكتەن، قازاقستاندىق تاراپ تاراتقان استانا دەكلاراتسياسى ءماتى­نى­نە قول جەتكىزگەن دەلەگاتتار وزەكتى حالىقارالىق ماسە­لە­لەر­دى شەشۋدەگى ءبىزدىڭ ەلىمىزدىڭ، ونىڭ كوشباسشىسىنىڭ ءرولىن اي­رىقشا اتاپ ءوتتى. پارتيانىڭ ورتالىق اپپاراتى جەتەك­شى­سى­نىڭ ورىنباسارى م.ەرمان تاريحي جيىن – ەقىۇ سام­مي­تى­نىڭ قورىتىندىسى بويىنشا ارنايى بريفينگ وتكىزدى. اسپحك-نىڭ 10 جىلدىق مەرەيتويىنا بايلانىستى قا­زاق­ستان رەسپۋبليكاسىنىڭ پرەزيدەنتى، «نۇر وتان» حدپ ءتور­اعاسى نۇرسۇلتان نازارباەۆ باس اسسامبلەيا پرەزيدەنتى، كام­بودجا پرەمەر-ءمينيسترى حۋن سەننىڭ اتىنان «اسپحك جۇلدىزى» ارنايى بەلگىسىمەن ماراپاتتالدى. سونىمەن قاتار، كامبودجا كورولدىگىنىڭ پرەمەر-ءمينيسترى حۋن سەنمەن، مالايزيا پرەمەر-ءمينيسترى موحاممەد ابدۋل را­زاك، فيليپپين مەن يندونەزيانىڭ ەكس-پرەزيدەنتتەرى فيدەل راموس جانە مەگاۆاتي سۋكارنوپۋتري، ساياسي پارتيالاردىڭ جەتەكشىلەرى، ساراپشى قاۋىمداستىق وكىلدەرى جۇمىس كەزدەسۋىن وتكىزدى. اسپحك با جۇمىس قورىتىندىسى بويىنشا پنومپەن دەكلاراتسياسى قابىلداندى.
سوڭعى جاڭالىقتار

ۇقساس جاڭالىقتار