10 جەلتوقسان، 2010

ءوزارا تۇسىنىستىك جالعاستىعى

304 رەت كورسەتىلدى
قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ەلىمىزگە رەسمي ساپارمەن كەلگەن  رەسەي فەدەراتسياسى فەدەرالدىق جينالىسى  فەدەراتسيا كەڭەسىنىڭ توراعاسى سەرگەي ميرونوۆپەن كەزدەستى. كەزدەسۋ بارىسىندا  كەشەندى مەملەكەتارالىق قاتىناستاردىڭ ءبارى، ونىڭ ىشىندە پارلامەنت­ارا­لىق دەڭگەيدەگى ۇنقاتىسۋلار بوي­ىن­شا پىكىر الماسىلدى. پار­لا­مەنتارالىق بايلانىستاردى دا­مى­تۋ، تۇتاستاي ستراتەگيالىق ءارىپ­تەستىك جانە وداقتاستىق قا­تى­ناستار تۇرعىسىنان العاندا بۇل ساپاردىڭ ماڭىزى جوعارى. ءويت­كەنى، رەسەي تاراپىمەن ىنتى­ماق­تاس­تىقتى نىعايتۋ ەلىمىزدىڭ سىرت­قى ساياساتىندا نەگىزگى با­سىمدىق بولىپ تابىلادى. وسى رەتتە قاسىم-جومارت كە­مەل ۇلى قازاقستان باستاما­لارىن تۇراقتى قولداعانى ءۇشىن رەسەي جاعىنا ريزاشىلىعىن ءبىلدىردى. ەقىۇ-عا ءبىزدىڭ توراعالىعىمىز تمد-دان ۇجىمدىق ۇمىتكەر رەتىندە ۇسى­نى­لۋىمىزدىڭ ارقاسىن­دا بولدى جانە بۇل ءتاسىل ءوزىن اقتادى. سەنات ءتور­اعاسى، سونداي-اق ەلىمىزدىڭ الداعى جىلى يسلام كونفەرەنتسياسى ۇي­ىمىنا ءتور­اعالىق ەتەتىنىن دە حابارلاي كەتتى. وندا وركەنيەت­ارالىق ءۇن­قا­تىسۋدى نىعايتۋدا كون­فەس­سيا­ارالىق جانە ءدىنارا­لىق تولە­رانت­­تى­لىقتى ىلگەرىلەتۋ ماسە­لە­لەرى ەرەكشە ماڭىزعا يە تاقىرىپ رەتىندە كوتەرىلەتىن بو­لا­دى. تمد، ۇقشۇ، ەۋرازەق جانە  كەدەن وداعى اياسىندا ءوزارا ءىس-قي­مىل ماسەلەلەرى دە اڭگىمە وزەگىنە اينالدى. ق.توقاەۆ زاڭ شىعارۋ ورگان­دا­رىنىڭ ىقپالداستىق ۇدەرىستەرىن دامىتۋداعى ەرەكشە رولىنە توق­تا­لا كەلىپ، بىلاي دەدى: «ينتەگراتسيا – جەڭىمپازدارى مەن جەڭىل­گەن­دەرى جوق كۇردەلى ۇدەرىس، ول كە­زەڭ-كەزەڭنەن تۇراتىن، حالىق­تار­دىڭ مۇددەلەرى مەن ارمان­دا­رىن ەسكەرە وتىرىپ، ۋاعدا­لاس­تىققا قول جەتكىزەتىن قاربالاس جۇمىستار». *  *  * ساپار اياسىندا كەشە سەناتتا قازاقستان رەسپۋبليكاسى پارلامەنتى سەناتى مەن رەسەي فە­دە­راتسياسى فەدەرالدى جينالىسى فەدەراتسيا كەڭەسىنىڭ اراسىن­دا­عى ىنتىماقتاستىق جونىندەگى پار­لامەنتتىك توپتىڭ 4-ءشى وتى­رىسى بولىپ ءوتتى. قاسىم-جومارت توقاەۆ پەن سەرگەي ميرونوۆ قا­تىسقان شارانى سەناتتىڭ الەۋ­مەتتىك-مادەني دامۋ كوميتەتىنىڭ توراعاسى اقان بيجانوۆ جۇرگىزىپ وتىردى. رەسەيلىك مەيمان قا­زاق­ستان تاراپىن ەقىۇ-عا ءتور­اعا­لىقتى جانە استانا ءسامميتىن جوعارى دەڭگەيدە وتكىزگەندىگىمەن قۇتتىقتادى. بۇل ديپلوماتيا جە­تىستىگىنىڭ شىڭى دەي كەلىپ، س.ميرونوۆ وسى رەتتە وندا بارشا قا­زاقستان حالقى مەن ونىڭ باس­شى­سى نۇرسۇلتان نازارباەۆتىڭ ەرەكشە جەكە ۇلەسى بار ەكەندىگىن جەتكىزدى. اسقار تۇراپباي ۇلى.
سوڭعى جاڭالىقتار

تاريحي فينال

سپورت • كەشە

كەزەكتى بەلەس

پىكىر • كەشە

اسكەري توپوگراف

قوعام • كەشە

كەدەرگى فيلوسوفياسى

رۋحانيات • كەشە

ءبىزدىڭ ليۋي-كو

ونەر • كەشە

رۋح

سپورت • كەشە

تاۋ شاڭعىسىن قالايتىندار كوپ

قىسقى سپورت • كەشە

فينالدا جولى بولمادى

تەننيس • كەشە

ۇقساس جاڭالىقتار