كوممۋنالدىق سالاعا – 51 ملرد. تەڭگە

قازاقستاندا 2011-2013 جىل­­دارى ينجەنەرلىك جۇيەلەر مەن كوممۋنالدىق سەكتوردى جاڭ­عىرتۋ، قايتا جوندەۋ جانە سالۋ جۇمىستارىنا 51 ملرد. تەڭگە بولىنەتىن بولىپ شەشىلدى. بۇل جايىندا كەشە قۇرىلىس جانە تۇرعىن ءۇي-كوممۋنالدىق شا­رۋاشىلىق ىستەرى اگەنت­تىگىنىڭ دەپارتامەنت ديرەكتورى ۆا­سيلي ماسلوۆ وتكىزگەن باسپا­سوز ءماسليحاتىندا بايان ەتىلدى. «جاقىندا الداعى ءۇش جىل­دىڭ، ياعني 2011-2013 جىلدار ارالىعىنىڭ بيۋدجەتى جاسالىپ بولدى. وسى بيۋدجەتتىڭ شەڭ­بەرىندە رەسپۋبليكا قارجىسى­نىڭ نەگىزگى بولىگى، ياكي 96 پايىزى، ناقتىلاپ ايتقاندا، 51 ملرد. تەڭگەسى ينجەنەرلىك جۇيە­لەر مەن كوممۋنالدىق سەك­توردى جاڭعىرتۋعا، قايتا ءجون­دەۋگە جانە سالۋعا باعىتتال­ماقشى. بۇل جۇمىستارعا سۋ، جىلۋ، گاز جانە ەلەكترمەن قام­تاماسىز ەتۋ جۇمىستارى ەنەدى»، – دەدى ول. وسى جەردە ەسكە سالا كەتۋىمىز كەرەك، ەلدى مەكەندەردى اۋىز سۋمەن قامتاماسىز ەتۋدىڭ وزەكتى ماسەلەلەرى بيىلعى قاراشا ايىن­دا ۇكىمەت ماقۇلداعان «اق­بۇلاق» مەملەكەتتىك باعدار­لاماسى اياسىندا شەشىلەدى. قۇ­رىلىس جانە تۇرعىن ءۇي- كوممۋنالدىق شارۋاشىلىق ىستەرى اگەنتتىگىنە بۇل ىستە ءىرى جانە كىشىگىرىم قالالاردى سۋمەن قامتاماسىز ەتۋ جۇمىس­تارى تاپسىرىلدى. ال اۋىلدىق ەلدى مەكەندەردى سۋمەن قامتۋ ماسەلەسىن اۋىل شارۋاشىلىعى مينيسترلىگى شەشەتىن بولادى. دەپارتامەنت ديرەكتورى­نىڭ ايتۋىنشا، جوعارىدا اتالعان 51 ملرد. تەڭگەنىڭ 25 ملرد. تەڭگەسى، ينۆەستيتسيالىق جوبا­لاردى جۇزەگە اسىرۋعا جۇمسا­لا­دى. بۇل جوبالاردىڭ كەم دەگەندە 10 پايىزىن قارجىلان­دىرۋ جەرگىلىكتى اكىمدىكتەرگە جۇكتەلىپ وتىر. وسىلايشا 51 ملرد. تەڭگە قارجى تاعى 11 ملرد. تەڭگەگە كوبەيەدى. بۇدان بولەك، قىزمەت كورسەتۋشى كاسىپ­ورىندار قاراستىراتىن 208 ملرد. تەڭگەنىڭ جەكە قاراجاتى تاعى بار. تاعى ءبىر ايتاتىن ءجايت، قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى اگەنتتىگى 2020 جىلعا دەيىن كوممۋنالدىق جۇيەلەردىڭ 60 پايىزىن رەتكە كەلتىرىپ ءبىتۋى ءتيىس. ونىڭ سىرتىندا اپاتتى قالپىنا كەلتىرۋ جۇمىستارىن ونىڭ الدىن الۋ ادىستەرىنە كوشىرۋ جوسپارلانىپ وتىر. ساكەن مايلىباي.