قازاقستان رەسپۋبليكاسى پرەزيدەنتىنىڭ جارلىعى

قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىن بەكىتۋ تۋرالى «قازاقستان رەسپۋبليكاسىنىڭ 2020 جىلعا دەيىنگى سترا­تە­گيا­لىق دامۋ جوسپارى تۋرالى» قازاقستان رەسپۋبليكاسى پرە­زي­دەنتىنىڭ 2010 جىلعى 1 اقپانداعى № 922 جارلىعىن ىسكە اسىرۋ ماقساتىندا قاۋلى ەتەمىن: 1. قازاقستان رەسپۋبليكاسىنىڭ دەنساۋلىق ساقتاۋ سالاسىن دا­مى­تۋ­دىڭ 2011-2015 جىلدارعا ارنالعان «سالاماتتى قازاق­ستان» مەملەكەتتىك باعدارلاماسى (بۇدان ءارى  – باعدارلاما) بەكىتىلسىن. 2. قازاقستان رەسپۋبليكاسىنىڭ ۇكىمەتى: 1) ءبىر اي مەرزىمدە قازاقستان رەسپۋبليكاسى پرەزيدەنتىنىڭ اكىم­شى­لىگىمەن كەلىسىم بويىنشا باعدارلامانى ىسكە اسىرۋ جونىندەگى ءىس-شارالار جوسپارىن ازىرلەسىن جانە بەكىتسىن; 2) جارتىجىلدىق قورىتىندىلارى بويىنشا 15 قىركۇيەككە جانە 15 ناۋرىزعا دەيىن قازاقستان رەسپۋبليكاسى پرەزيدەنتى­نىڭ اكىم­شى­لىگىنە باعدارلامانىڭ ورىندالۋ بارىسى تۋرالى اقپارات بەرسىن. 3. ورتالىق جانە جەرگىلىكتى اتقارۋشى ورگاندار، سونداي-اق قا­زاق­ستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار باعدارلامانى ىسكە اسىرۋ جونىندە شارالار قابىلداسىن. 4. «مەملەكەتتىك باعدارلامالار تىزبەسىن بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 19 ناۋرىزداعى № 957 جارلىعىنا  (قازاقستان رەسپۋبليكاسىنىڭ ءپۇاج-ى، 2010 ج.، № 25-26، 185-قۇجات) مىناداي وزگەرىس ەنگىزىلسىن: جوعارىدا اتالعان جارلىقپەن بەكىتىلگەن مەملەكەتتىك باعدار­لا­ما­­لار تىزبەسىندە رەتتىك ءنومىرى 3-جولدىڭ «اتاۋى» دەگەن باعا­نىن­داعى «سا­لاۋاتتى» دەگەن ءسوز «سالاماتتى» دەگەن سوزبەن اۋىس­تىرىلسىن. 5. وسى جارلىقتىڭ ورىندالۋىن باقىلاۋ قازاقستان رەسپۋب­ليكاسى پرەزيدەنتىنىڭ اكىمشىلىگىنە جۇكتەلسىن. 6. وسى جارلىق 2011 جىلعى 1 قاڭتاردان باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەزيدەنتى ن.نازارباەۆ. استانا، اقوردا، 2010 جىلعى قاراشانىڭ 29-ى.    № 1113. ----------------------------------------------------------------- قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسى تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 29 قاراشاداعى №1113 جارلىعىنا تۇسىندىرمە 2010 جىلعى 29 قاراشادا مەملەكەت باس­شى­سى «قازاقستان رەس­پۋبليكاسىنىڭ دەنساۋ­لىق ساقتاۋ سا­لاسىن دامىتۋدىڭ 2011-2015 جىل­­دارعا ارنالعان «سالاماتتى قا­زاقستان» مەملەكەتتىك باعدار­لا­ما­سى تۋرالى» جار­لىققا قول قويدى. وسى مەملەكەتتىك باعدارلاما «قا­زاقستان رەسپۋبليكاسىنىڭ 2020 جىل­عا دەيىنگى سترا­تەگيالىق دامۋ جوس­پارى تۋرالى» قازاقستان رەس­پۋب­ليكاسى پرەزيدەنتىنىڭ 2010 جىل­عى 1 اقپانداعى №922 جارلى­عىن ىسكە اسىرۋ ماقساتىندا بەكىتىلگەن. مەملەكەتتىك باعدارلامانىڭ نەگىزگى ماق­سا­تى ەلدىڭ ورنىقتى الەۋ­مەت­تىك-دەموگرافيا­لىق دامۋىن قام­تاماسىز ەتۋ ءۇشىن قازاقستان ازاماتتارىنىڭ دەنساۋلىعىن جاق­سارتۋ بو­لىپ تابىلادى جانە: قوعامدىق دەنساۋلىق ساقتاۋ ءما­سەلەلەرى بويىنشا سەكتورارالىق جانە ۆەدومستۆو­ارالىق ءىس-قيمىل­دىڭ تيىمدىلىگىن ارتتىرۋعا; پروفيلاكتيكالىق ءىس-شارالار­دى، ماقسات­تى ­زەرتتەپ-قاراۋدى كۇ­شەيتۋگە، دياگنوس­تي­كانى جەتىلدىرۋگە، نەگىزگى الەۋمەتتىك ءمانى بار اۋرۋلاردى ەمدەۋ مەن وڭالتۋعا; سانيتاريالىق-ەپيدەميو­لو­گيا­لىق قىزمەت­تەردى جەتىلدىرۋگە; بىرىڭعاي ۇلتتىق دەنساۋلىق ساق­تاۋ ءجۇ­يە­سىندە مەديتسينالىق كو­مەك­تى ۇيىمداستىرۋعا، باسقارۋ مەن قارجىلاندىرۋدى جەتىلدىرۋگە; مەديتسينالىق، فارماتسەۆتي­كا­لىق ءبىلىمدى جەتىلدىرۋگە; يننوۆا­تسيالىق تەحنولوگيالاردى دامىتۋ­عا جانە مەديتسيناعا ەنگىزۋگە; حالىق ءۇشىن دارىلىك زاتتاردىڭ قول­جەتىم­دىلىگى مەن ساپاسىن ارت­تى­رۋعا، دەنساۋلىق ساق­تاۋ ۇيىمدا­رىن مەديتسينالىق تەحنيكامەن جا­راق­تان­دىرۋدى جاقسارتۋعا باعىت­تالعان. 2015 جىلعا دەيىن دەنساۋلىق ساق­­تاۋ سالا­سىندا نەگىزگى باسىم­دىق مەديتسينانىڭ پرو­فيلاك­تيكا­لىق جانە الەۋمەتتىك باعداردى كۇ­شەيتۋ بولادى. مەديتسينالىق كومەكتىڭ، اسىرەسە شالعايدا جانە جەتۋگە جولى قيىن وڭىرلەردە تۇراتىن اۋىل تۇرعىن­دا­رى ءۇشىن قولجەتىمدىلىگىن قام­تا­ما­سىز ەتۋ ءۇشىن مەملەكەت كولىك مەدي­تسي­نا­سىن، ونىڭ ىشىندە سانيتاريا­لىق اۆياتسيانى دامىتۋدى قول­دادى. مەملەكەتتىك باعدارلامانى ىسكە اسىرۋ دەن­ساۋلىق ساقتاۋ ماسەلە­لەرىندە بۇكىل قوعام­نىڭ كەلىسىمگە قول جەتكىزۋ جولىمەن قازاق­ستان­دىقتاردىڭ دەنساۋلىعىن نىعايتۋ­عا جانە حالىقتىڭ ءومىر ءسۇرۋ ۇز­اقتىعىن ارتتىرا وتى­رىپ، جال­پى جانە انا مەن بالا ءولىم-ءجىتىمىن، سونداي-اق الەۋمەتتىك ءمانى بار اۋ­رۋلاردى تومەندەتە وتىرىپ، دەن­ساۋ­لىق ساقتاۋ سالا­سى­نىڭ باسەكەگە قابىلەتتى جۇيەسىن قالىپتاستى­رۋعا ىقپال ەتەتىن بولادى. مەملەكەتتىك باعدارلامادا قا­زاق­ستان رەس­پۋب­ليكاسىنىڭ زاڭنا­ما­سىنا سايكەس ءتيىستى قار­جى جىل­دارىنا ارنالعان رەسپۋبليكالىق ءجا­نە جەرگىلىكتى بيۋدجەتتەردى بەكىتۋ كەزىندە ناق­تىلانا وتىرىپ، 359 358،9 ملن. تەڭگە ءمول­شەرىندە مەملەكەتتىك بيۋدجەتتەن جالپى شى­عىس­تار كوزدەلگەن. قازاقستان رەسپۋبليكاسى پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمى.