27 قازان، 2010

ۇرپاقتارى ۇمىتپاپتى

256 رەت كورسەتىلدى
2005 جىلى ۇلى جەڭىستىڭ 60 جىل­دىعى قارساڭىندا قالامەن جاپسارلاس جولامان كەنتىنىڭ ءبىر توپ ازاماتى، ناقتىلاپ ايتساق، ەر­لان كەڭەسباەۆ، اسكەر سمايلوۆ، باۋ­ىرجان قايساجانوۆ جانە اداي قى­لىشەۆ ەشكىمنىڭ بۇيرىق، نۇس­قاۋ­ىنسىز ءبىر يگىلىكتى شارۋانى قول­عا الىپ، ىسكە كىرىسىپ كەتكەن ەدى. ەڭ الدىمەن، ولار ءتيىستى ورىن­دار­دىڭ تا­بالدىرىعىن توزدىرا ءجۇرىپ، جو­لامانمەن بىرگە ىرگەدەگى سۋ­ىقباستاۋ جانە كىرپىش كەنتتەرىنەن قاندى مايدانعا اتتانىپ، مەرت بولعان بوزداقتاردىڭ ەسىمدەرىن ان­ىقتاعان بولاتىن. سونسوڭ 150 جاۋ­ىنگەردىڭ ەسىمى جازىلعان تەمىر تاقتا مەشىت جانىنداعى ايالداما تۇ­سىن­­داعى كورنەكتى جەرگە ورناتىلعان-دى. وكىنىشكە قاراي، 2010 جىلى ارا­­داعى نەبارى بەس جىل ىشىندە تە­مىر تاقتاداعى جازۋلار توتىعىپ، كومەسكىلەنە باستاعان. ابىروي بول­عاندا وسى يگى ءىستىڭ باستاماشىلارى ازاماتتىق تانىتىپ، بۇرىنعى شا­رۋا­­نى قايتادان قولعا العان. ال بۇل جولى قۇرىلىس ماتەريال­دا­رىمەن كومەكتەسكەن دەمەۋشىلەر دە، قول ۇشىن بەرگەن قۇرىلىسشىلار دا تابىلا كەتكەن. العاشقى باستاما­شىلار بولسا، ۇيىمداستىرۋ جۇ­مىستارىن قالتقىسىز اتقارعان. ءسويتىپ، ەڭ الدىمەن، ءساندى كىر­پىش­تەن قابىرعا تۇرعىزىلعان. ال ءمار­مار تاسقا تاڭبالانعان بوز­داقتار ەسىمى سول قابىرعالارعا ەندى وشپەستەي بولىپ ءىلىندى. ەرلەرگە، ەرلىككە ەسكەرتكىشتىڭ اشىلۋ سال­تاناتىنا كەلگەن جولامان كەنتىنىڭ تۇرعىنى، 96 جاستاعى سوعىس ارداگەرى نيكولاي كرۋگلوۆ اقساقال كوزىنە جاس الدى. ويتكەنى، بۇگىندە ىرگەلەس ءۇش كەنتتەگى كوزى ءتىرى جالعىز سوعىس ارداگەرى وسى كىسى عانا ەدى. يگىلىكتىڭ ەرتە كەشى جوق دەيدى حالقىمىز. سوندىقتان، جەڭىستىڭ 65 جىلدىعىنا وراي قولعا الىنعان بۇل شاراعا ەندى نۇكتە قويىلىپ جات­سا، ونىڭ ەش ابەستىگى جوق دەپ بىلەمىز. ەڭ باستىسى، ونىڭ ورتا جولدا قالماي جەرىنە جەتكىزىلگەنىن ايتساڭىزشى! بارىنەن دە بۇرىن مۇنىڭ كەيىنگى ۇرپاققا ونەگەلى ءىس ەكەندىگىندە داۋ بار ما؟ داۋلەت سەيسەن ۇلى. سەمەي.
سوڭعى جاڭالىقتار

سۋ تاسقىنىنىڭ الدىن الۋ جۇمىستارى

توتەنشە جاعداي • بۇگىن، 20:40

افريكاداعى قازاق كينوسى

كينو • بۇگىن، 20:34

تارازى باسى تەڭ

سپورت • بۇگىن، 20:30

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار