27 قازان، 2010

بىرلىككە باستايتىن باسقوسۋ

306 رەت كورسەتىلدى
ىستامبۇل قالاسىندا بۇكىلالەمدىك تۇركى فورۋمى بولىپ ءوتتى. بۇل حالىقارالىق اۋقىمدى شارا “تۇركى كەڭەسى، تۇركى دياسپوراسى جانە الەۋمەتتىك-ەكونوميكالىق ىنتىماقتاستىق” دەپ اتالدى. فورۋمدى تۇرىك-ازيا ستراتە­گيا­­لىق زەرتتەۋلەر ورتالىعى (TASAM) ۇيىمداستىردى. جيىنعا 60-تان استام تۇركى تىلدەس ەلدىڭ وكىلدەرى قا­تىستى. قازاقستان دە­لە­گاتسياسىنىڭ قۇرامىندا پارلا­مەنت سەناتىنىڭ دەپۋتاتى، اكا­دەميك عاريفوللا ەسىم، اكادەميك ابدىمالىك نىسان­باەۆ، دۇنيەجۇزى قازاقتارى قاۋىم­داستىعى ءتورال­قا­سى توراعاسىنىڭ ءبىرىنشى ورىن­با­سا­رى تالعات ماما­شەۆ، قازاقستان جۋرناليستەر وداعى باسقار­ما­سى­نىڭ توراعاسى سەيىتقازى ماتاەۆ، مادەنيەت مينيسترلىگى ءتىل كو­مي­تەتىنىڭ توراعاسى باۋىرجان وما­­روۆ جانە بىرقاتار عالىمدار بولدى. جالپى، جيىندا تۇركسوي حا­لىقارالىق ۇيىمىنىڭ باس ديرەك­تو­رى دۇيسەن قاسەيىنوۆ بايانداما جاسادى. ول قازاقستاننىڭ تۇركى حا­لىقتارىنىڭ ورتاق مۇددەسى تۇرعى­سى­نان اتقارىپ جاتقان جۇمىستارى ءجو­نىندە اڭگىمەلەدى. بۇل جيىندا تۇركى دۇنيەسى بىرلىگىن دامىتۋعا قازاق ەلىنىڭ ۇلەسى جايىندا ءبىر­نەشە رەت اتالدى. فورۋمنىڭ ىرگەلى سەكتسيا­لارىنىڭ بىرىنە اكادەميك عاري­فوللا ەسىم باسشىلىق ەتتى. فورۋمعا قاتىسۋشىلار بۇكىل تۇركى تىلدەس ەلدەردىڭ اراسىنان شىق­قان تۇڭعىش عارىشكەر، قازاقتىڭ قاھارمان ۇلى توقتار اۋباكىروۆتى زور قۇرمەتپەن قارسى الدى. عارىش­كەردىڭ ەلدىك مۇراتتاردى العا تارتا وتىرىپ سويلەگەن سوزىنە جيىلعان جۇرت ىقىلاستانا قول سوقتى. جيىن جىل سايىن وتكىزىلىپ تۇراتىن بولىپ كەلىسىلدى. سونىمەن قاتار، بۇكىل تۇركى جۇرتى يگىلىگىن كورەتىن ينتەرنەت-پورتال جاسالماق. بۇل فورۋم تۇركى دۇنيەسى بىرلىگىن نىعايتۋعا باعىتتالعان تاعى ءبىر قادام بولدى. اسقار تۇرعانباەۆ، مادەنيەت مينيسترلىگىنىڭ تۇركسوي-داعى وكىلى. ىستامبۇل.
سوڭعى جاڭالىقتار

العاشقى كۇنى – ەكى قولا

سپورت • بۇگىن، 20:25

ۇقساس جاڭالىقتار