27 قازان، 2010

لوندوندا قازاقستان بيزنەس-فورۋمى ءوتتى

288 رەت كورسەتىلدى
فورۋمدى تەلەبايلانىس ارناسى بويىنشا قۇتتىقتاۋ سوزبەن قازاقستاننىڭ پرەمەر-ءمينيسترى كارىم ءماسىموۆ اشتى. وسى فورۋمعا استانادان قۇت­تىق­تاۋ جولداۋعا رۇقسات ەتىڭىزدەر! قازاقستان-بريتانيا ساۋدا پالاتاسى مەن “سامۇ­رىق-قازىنا” قورىنا وسىنداي فورۋم­دى ۇيىمداستىر­عا­نى ءۇشىن العىس ءبىل­دىرەمىن. وسى فورۋمنىڭ لوندوندا ءوتىپ جات­قا­نىنىڭ ءوزى ءبىر نىشان، ويتكەنى، لوندون – بۇل قازاقستان ءۇشىن كوپ­تەگەن ماڭىزدى شەتەلدىك ين­ۆەس­­تورلاردىڭ ورتالىعى جانە لوندون سيتي قازاق كومپا­نيا­لارى ءوزىنىڭ حا­لىقارالىق كاپي­تال­دان­دىرۋىن ارت­تىرۋعا ۇمتى­لا­تىن جەر. سوندىقتان، بۇل كوپ­تەگەن ماسەلەلەر بويىنشا، ونىڭ ىشىندە الەمدىك ەكونوميكانى قال­پىنا كەل­تىرۋ تۋرالى پىكىر تالاس­تىرا الا­تىن ساياساتكەرلەر، بيز­نەس­مەن­دەر، ساراپ­شىلاردىڭ كەزدەسۋىنە ار­نال­عان الاڭ، دەپ اتاپ ءوتتى قازاق­ستان ۇكىمەتىنىڭ باسشىسى ءوز سوزىندە. فورۋمنىڭ ءبىرىنشى كۇنىندە سەك­تسيالار بويىنشا پىكىرتالاستار ۇيىم­داستىرىلدى. پىكىرتالاسقا “سامۇرىق-قا­زى­نا” اق-تىڭ باسقارما توراعاسى ق.كە­لىم­بەتوۆ، قازاقستاننىڭ ۇلى­بريتانيا­دا­عى ەلشىسى ق.ءابۋ­سەيى­توۆ، بىرىككەن كو­رولدىكتىڭ قازاقستانداعى ەلشىسى دەۆيد مو­ران، بريتانيا-قازاقستان پار­­تيا­ارالىق پارلامەنتتىك توبى­نىڭ توراعاسى لورد ۆەيۆەرلي، ەۋ­رو­پا قايتا قۇرۋ جانە دامۋ بانكىنىڭ ور­تالىق ازيا، تۇركيا، شىعىس ەۋ­روپا جانە كاۆكاز بويىنشا باس­قا­رۋشى ديرەك­تورى وليۆەر دەكامپ، ۇلى­بريتانيا سىرتقى ىستەر مي­نيسترى لورد حون حاۋەلل، قازاق­ستاننىڭ ۇلت­تىق كوم­پانيا­لارىنىڭ باسشى­لارى، ينۆەستور­لار، ترانس­ۇلت­تىق كومپانيالاردىڭ وكىلدەرى، ساراپ­شىلار، جۋرناليس­تەر قاتىستى. فورۋمنىڭ ەكىنشى كۇنى “قا­زاق­­ستان­نىڭ بانك جانە قارجى سەكتور­لارىنىڭ تاجىريبەسى مەن پەرسپەك­تيۆالارى”، “قازاقستاندا ينۆەستي­تسيالاۋ تاۋەكەلدەرى مەن مۇمكىن­دىكتەرى” تاقىرىپتارىندا پىكىرتالاس ءوربىدى. “ەگەمەن-اقپارات”.
سوڭعى جاڭالىقتار

العاشقى كۇنى – ەكى قولا

سپورت • بۇگىن، 20:25

التىننان القا تاقتى

سپورت • بۇگىن، 20:25

ۇقساس جاڭالىقتار