20 قازان، 2010

كەزدەسۋدە ەقىۇ اياسىنداعى ءىس-شارالار ءسوز بولدى

305 رەت كورسەتىلدى
كەشە قر پارلامەنتى ءماجىلىسىنىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ توراعاسى امزەبەك جولشىبەكوۆ رەسەي فەدەراتسياسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى ميحايل بوچارنيكوۆپەن كەزدەستى. كەزدەسۋدە تاراپتار ەكى ەل اراسىنداعى ىنتىماقتاستىقتى دامىتۋ ماسەلەلەرى جونىندە پىكىر الماستى. سونىمەن قاتار سانكت-پەتەربۋرگ قالاسىندا 28 قازاندا وتەتىن “ەقىۇ جانە تمد: جاڭا مۇمكىندىكتەر مەن پەرسپەكتيۆالار” دەگەن تاقىرىپتاعى حالىقارالىق پارلامەنتتىك كونفەرەنتسيا جونىندە، جۋىردا يتاليانىڭ پالەرمو قالاسىندا وتكەن ەۋروپاداعى قاۋىپسىزدىك جانە ىنتىماقتاستىق ۇيىمى پارلامەنتتىك اسسامبلەياسىنىڭ كۇزگى سەسسياسىنىڭ جۇمىسى جايلى اڭگىمە ءوربىدى. وسى شارالارعا پارلامەنتتىك دەلەگاتسيانىڭ قاتىسۋى تۋرالى ماسەلە قوزعالدى. ديپلومات پەن دەپۋتاتتىڭ سۇحباتى بارىسىندا 2010 جىلدىڭ 1-2 جەلتوقسانىندا استانا قالاسىندا ەقىۇ-عا مۇشە 56 ەلدىڭ مەملەكەت باسشىلارىنىڭ قاتىسۋىمەن وتەتىن ەقىۇ سامميتىنە اسا كوڭىل ءبولىندى. ەلشى ءوز سوزىندە رەسەيدىڭ استانا ءسامميتىن بىردەن قولداعانىن ءمالىم ەتتى. “ەگەمەن-اقپارات”.
سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:42

ۇقساس جاڭالىقتار