فوتو: اشىق دەرەككوز
بۇل تۋرالى ەۋروكوميسسيا وكىلى توما رەنە مالىمدەدى.
ونىڭ ايتۋىنشا, سەرۆيستى ەۋروپالىق نارىققا شىعارماۋ تۋرالى شەشىمدى Apple كومپانياسىنىڭ ءوزى قابىلداعان.
داۋلى ماسەلە ەو-نىڭ ءىرى تەحنولوگيالىق كومپانيالارعا ارنالعان ەرەجەلەرىنە بايلانىستى. بۇل تالاپتارعا سايكەس, جاڭا تسيفرلىق سەرۆيستەر تەك ءوز ازىرلەۋشىلەرىنىڭ ونىمدەرىمەن عانا ەمەس, ءۇشىنشى تاراپ كومپانيالارىنىڭ شەشىمدەرىمەن دە ءوزارا ارەكەتتەسە الۋى ءتيىس. Siri جاساندى ينتەللەكت جاعدايىندا بۇل باسقا وندىرۋشىلەردىڭ قۇرىلعىلارى جانە قوسىمشالارىمەن تىعىز ينتەگراتسيانى ءبىلدىرۋى مۇمكىن.
رەنەنىڭ سوزىنشە, Apple ۇيلەسىمدىلىك تالاپتارىنا دا, قاۋىپسىزدىك پەن جەكە دەرەكتەردى قورعاۋ جونىندەگى ەۋروپالىق ستاندارتتارعا دا بىردەي ساي كەلەتىن شەشىم ۇسىنا الماعان. ونىڭ ورنىنا كومپانيا قولدانىستاعى ەرەجەلەردەن وزىنە ەرەكشەلىك بەرۋدى سۇراعان, الايدا بۇل ءوتىنىش قابىلدانبادى.
ايتا كەتەيىك, بۇعان دەيىن Apple كومپانياسى ءوز قۇرىلعىلارىنداعى Siri داۋىستىق كومەكشىسىن جاڭارتاتىنى تۋرالى جازعان بولاتىن.
