فوتو: اشىق دەرەككوز
ەسكە سالايىق, مەملەكەت باسشىسى زەينەتاقى جۇيەسىنىڭ باستى ماقساتى ازاماتتاردى زەينەتاقىمەن قامتاماسىز ەتۋ ەكەنىن بىرنەشە رەت اتاپ وتكەن بولاتىن. پرەزيدەنتتىڭ ايتۋىنشا, ماقسات – بارلىق جيناقتى قازىر تاراتىپ بەرۋ ەمەس, ويتكەنى بۇل ادامداردى قارتايعاندا لايىقتى زەينەتاقىسىز قالدىرۋى مۇمكىن.
ساراپشىلاردىڭ ايتۋىنشا, شەشىپ الىنعان قاراجات كولەمى ازاماتتاردى زەينەتاقىمەن قامتاماسىز ەتۋگە باعىتتالعان سومالاردان ايتارلىقتاي اسىپ تۇسكەن.
زەينەتاقى جيناعىن الۋدىڭ جاڭا جەتكىلىكتىلىك شەكتەرى جاريالاندى
بۇدان بولەك, كەيبىر جىلدارى زەينەتاقى قورىنا تۇسكەن جارنالار كولەمىنەن دە كوپ قاراجات شەشىپ الىنعان.
سونداي-اق جيناقتاردى ينۆەستيتسيالاۋ ۇدەرىسىنەن شىعارىپ الۋ ولاردىڭ ينۆەستيتسيالىق تابىسىنىڭ جوعالۋىنا الىپ كەلەدى. ۇزاق مەرزىمدى پەرسپەكتيۆادا بۇل زەينەت جاسىنا جەتكەن كەزدەگى جيناق كولەمىنىڭ ەداۋىر ازايۋىنا سەبەپ بولۋى مۇمكىن.
قازاقستاندا سالىمشىلاردىڭ زەينەتاقى جيناقتارىنداعى ينۆەستيتسيالىق تابىستىڭ ۇلەسى تۇراقتى ءوسىپ كەلەدى جانە قازىرگى تاڭدا شامامەن 40%-دى قۇرايدى. ال حالىقارالىق تاجىريبەدە بۇل كورسەتكىش, ادەتتە, 80%-دان اسادى.
دامىعان ەلدەردە زەينەتاقى اكتيۆتەرى ينۆەستيتسيالاردىڭ جانە ەكونوميكانىڭ تۇراقتى ءوسىمىنىڭ ماڭىزدى كوزى سانالادى. الدىڭعى قاتارلى مەملەكەتتەردە جيناقتالعان زەينەتاقى اكتيۆتەرىنىڭ كولەمى ىشكى جالپى ءونىمنىڭ ء(ىجو) 100%-ىنان اسادى. قازاقستاندا بۇل كورسەتكىش ازىرگە شامامەن ءىجو-ءنىڭ 16%-ىن عانا قۇرايدى.
الەمدىك تاجىريبەدە جيناقتاۋشى زەينەتاقى جۇيەسىنىڭ نەگىزگى مىندەتى – بولاشاقتاعى زەينەتاقى تولەمدەرىن قامتاماسىز ەتۋ. سوندىقتان ازاماتتاردىڭ بولاشاق زەينەتاقىسى ءۇشىن زەينەتاقى جيناقتارىن ساقتاپ, ولاردىڭ قازاقستان مەن حالىقارالىق نارىقتاردا ۇزاق مەرزىمدى ينۆەستيتسيالاۋ ارقىلى ودان ءارى ءوسۋىن قامتاماسىز ەتۋ ماڭىزدى.
زەينەتاقى جيناعىنىڭ ءبىر بولىگىن سەنىمگەرلىك باسقارۋعا بەرۋ قانشالىقتى ءتيىمدى؟
