فوتو: ۆيدەودان الىنعان كادر (31 كانال)
ء«ۇي بارلىق تەكسەرۋلەردەن, سونىڭ ىشىندە سەيسميكالىق توزىمدىلىك سىناقتارىنان ءوتۋى كەرەك بولعان. ساۋلەتتىك شەشىمدەر تولىق تەكسەرىلگەن. مۇندا ورتالىق سۋ قۇبىرى مەن ورتالىق جىلىتۋ جۇيەسى تارتىلعان, ءبارى نەگىزگى ۇيدەن قوسىلعان. سوندىقتان بۇل ءۇي تولىقتاي زاڭدى», دەدى جىلجىمايتىن م ۇلىك جونىندەگى ساراپشى ۆلاديسلاۆ سارجان.
قالالىق اكىمدىك داۋلى قۇرىلىستىڭ تاعدىرىن سوت ارقىلى شەشپەك بولعانىن حابارلادى. الايدا قالا قۇرىلىسى باقىلاۋ باسقارماسىنىڭ مەنشىك يەسىنە قارسى بەرگەن تالابى قاراۋسىز قالدىرىلعان.
زاڭگەر رۋسلان قوجاحمەتتىڭ پىكىرىنشە, شەنەۋنىكتەر الدىمەن مۇنداي ءۇي سالۋعا كىمنىڭ, قاشان جانە قانداي نەگىزدە رۇقسات بەرگەنىن, سونداي-اق رۇقسات بەرۋ بارىسىندا زاڭ بۇزۋشىلىقتار بولعان-بولماعانىن انىقتاۋى كەرەك ەدى.
ء«يا, وتكەن ۋاقىتتا بەلگىلى ءبىر قاتەلىكتەر جىبەرىلگەن بولۋى مۇمكىن. بىراق بۇل جاۋاپكەرشىلىكتى قازىرگى مەنشىك يەلەرىنە جۇكتەۋگە بولمايدى. ولار بۇل م ۇلىكتى بارلىق رۇقسات قۇجاتتارى راسىمدەلىپ, ازاماتتىق اينالىمعا زاڭدى تۇردە ەنگىزىلگەن نىسان رەتىندە ساتىپ العان», دەدى ول.
زاڭگەردىڭ پىكىرىنشە, ەندى بيلىك ورگاندارى جىبەرىلگەن قاتەلىكتەردى تالداپ, وسىنداي جاعدايلارعا قاتىستى ناقتى ۇستانىم قالىپتاستىرۋى قاجەت. بۇل الداعى ۋاقىتتا باسقا كوپقاباتتى ۇيلەردىڭ شاتىرلارىندا جاڭا باسپانالاردىڭ پايدا بولماۋىنا سەپتەسەدى.
