فوتو: istockphoto.com
وقيعا 6 ماۋسىم كۇنى شامالعان اۋىلىندا بولعان. الدىن الا اقپارات بويىنشا بەلگىسىز ەر ادام كوشەدە كەتىپ بارا جاتقان ايەلدىڭ موينىنا ارقان سالىپ, تۇنشىقتىرۋعا ارەكەت جاساعان. الايدا ايەل قارسىلىق كورسەتىپ, قاشىپ كەتكەن.
جابىرلەنۋشىنىڭ تۋىستارىنىڭ مالىمەتىنشە, قۇزىرلى ورگانداردا بەينەباقىلاۋ كامەرالارىنىڭ جازبالارى بولعانىنا قاراماستان, كۇدىكتىنىڭ جەكە باسى ءالى انىقتالماعان.
الايدا ءتارتىپ ساقشىلارى ىزدەۋ جۇمىستارى جۇرگىزىلىپ جاتقانىن مالىمدەدى.
«قازىرگى ۋاقىتتا وقيعانىڭ بارلىق ءمان-جايىن, سونداي-اق زاڭعا قايشى ارەكەت جاساعان ادامدى انىقتاۋعا باعىتتالعان كەشەندى جەدەل-ىزدەستىرۋ جانە تەرگەۋ شارالارى جۇرگىزىلىپ جاتىر», دەلىنگەن وبلىستىق پوليتسيا دەپارتامەنتىنىڭ مالىمدەمەسىندە.
تەرەزەدەن سىعالاپ, مازاسىن العان: اتىراۋ وبلىسىندا ستالكينگ تۋرالى جاڭا باپ نەگىزىندە ۇكىم شىقتى
ەسكە سالا كەتەيىك, بۇعان دەيىن جەتىسۋ وبلىسىندا قىزدى ۇزاق ۋاقىت بويى اڭدىپ, كۋاگەرگە پىشاق كەزەنگەن ازاماتقا قاتىستى سوت ۇكىمى شىقتى. الاكول اۋداندىق سوتى ونى شيزوفرەنيا دياگنوزىنا قاتىستى قىلمىستىق جاۋاپكەرشىلىكتەن بوساتىپ, پسيحياتريالىق ستاتسيونارعا ەمدەۋگە جىبەرۋ تۋرالى شەشىم قابىلدادى.
