اقتاۋ قالاسىنىڭ مامانداندىرىلعان اكىمشىلىك قۇقىق بۇزۋشىلىقتار جونىندەگى سوتىنىڭ مالىمەتىنشە, بيىل مامىر ايىندا الەۋمەتتىك جەلىلەرگە جۇرگىزىلگەن مونيتورينگ بارىسىندا ازاماتشا ر.-نىڭ Facebook, Instagram پاراقشالارىندا جانە WhatsApp چاتىندا ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتى وقىتۋشىلارىنا قاتىستى جازبالار جاريالاعانى انىقتالعان.
سوتتىڭ پايىمداۋىنشا, اتالعان جاريالانىمداردا ۇستازداردىڭ ار-نامىسى, قادىر-قاسيەتى مەن ىسكەرلىك بەدەلىنە نۇقسان كەلتىرەتىن جالعان مالىمەتتەر تاراتىلعان.
گەرمانيادا كانتسلەردى الەۋمەتتىك جەلىدە قورلاعاندارعا ايىپپۇل سالىندى
ناتيجەسىندە ازاماتشا اكىمشىلىك قۇقىق بۇزۋشىلىق تۋرالى كودەكستىڭ 73-3-بابى 2-بولىگى بويىنشا كىنالى دەپ تانىلىپ, وعان 180 ايلىق ەسەپتىك كورسەتكىش كولەمىندە, ياعني 778,5 مىڭ تەڭگە ايىپپۇل سالىنعان.
الايدا سوت وتىرىسىندا ايەل وزىنە تاعىلعان ايىپپەن كەلىسپەيتىنىن ايتىپ, كىناسىن مويىنداماعان. ال ۋنيۆەرسيتەت وكىلى ونى اكىمشىلىك جاۋاپكەرشىلىككە تارتۋدى سۇراعان.
اتالعان باپقا سايكەس, تەلەكوممۋنيكاتسيا جەلىلەرى نەمەسە بۇقارالىق اقپارات قۇرالدارى ارقىلى جالا جاپقانى ءۇشىن جەكە تۇلعالارعا 180 اەك كولەمىندە ايىپپۇل سالۋ نەمەسە 20 تاۋلىككە دەيىن اكىمشىلىك قاماۋعا الۋ جازاسى قاراستىرىلعان.
سوت قاۋلىسى ازىرگە زاڭدى كۇشىنە ەنگەن جوق.
