پرەمەر-مينيستر ولجاس بەكتەنوۆ ۇكىمەت وتىرىسىندا تۋريستىك وبەكتىلەردىڭ حالىق ءۇشىن كولىكتىك قولجەتىمدىلىگىن قامتاماسىز ەتۋدىڭ ماڭىزدىلىعىن اتاپ ءوتتى.
«حالىقتىڭ تاراپىنان تانىمال ءارى شالعايداعى تۋريستىك باعىتتارعا كولىكپەن قاتىناۋدىڭ قيىندىعى تۋرالى شاعىمدار كەلىپ جاتىر. اۋە جانە تەمىرجول بيلەتتەرىنىڭ تاپشىلىعى مەن باعاسىنىڭ قولجەتىمدىلىگى دە الاڭداۋشىلىق تۋعىزادى», دەپ اتاپ ءوتتى ولجاس بەكتەنوۆ.
«بايقوڭىر» عارىش ايلاعى الەمدىك دەڭگەيدەگى تۋريستىك ورتالىققا اينالادى
كولىك مينيسترلىگىنە اۋە كومپانيالارى جانە «قازاقستان تەمىر جولىمەن» بىرلەسىپ, دەمالۋشىلار ءۇشىن قولايلى باعامەن تانىمال كۋرورتتىق باعىتتارعا رەيستەردى جانە ورىندار سانىن ارتتىرۋ شارالارىن قابىلداۋ تاپسىرىلدى.
ايتا كەتەيىك, قازاقستاندا تۋريزم سالاسىنىڭ تابىسى 5 ترلن تەڭگەگە جەتتى. قازىرگى ۋاقىتتا بۇل سالادا 600 مىڭنان استام ادام ەڭبەك ەتەدى.
