فوتو: ۇكىمەت
پرەمەر-مينيستر ولجاس بەكتەنوۆ ۇكىمەت وتىرىسىندا جازعى تۋريستىك ماۋسىمداعى قاۋىپسىزدىك ماسەلەلەرىنە ەرەكشە نازار اۋداردى.
«بيىلعى جازعى تۋريستىك ماۋسىمعا جەكە توقتالعىم كەلەدى. ءبىرىنشى كەزەكتە, بارلىق اكىمدىكتەر مەن مينيسترلىكتەر دەمالۋشىلاردىڭ قاۋىپسىزدىگىن قامتاماسىز ەتۋ بويىنشا قوسىمشا الدىن الۋ شارالارىن قابىلداۋى ءتيىس. دەمالۋشىلار ءۇشىن كۋرورتتىق ايماقتاردى دايىنداۋ جۇمىستارىن اقپاراتتىق تۇرعىدان بارىنشا بەلسەندى تۇردە جاريالاۋ قاجەت. سۋ ايدىندارىنداعى قاۋىپسىزدىك ەرەجەلەرى مەن ءورت قاۋىپسىزدىگى تالاپتارىن ساقتاۋ بويىنشا ءتۇسىندىرۋ جۇمىستارىن جۇيەلى نەگىزدە جۇرگىزۋ كەرەك. بارلىق جەدەل ارەكەت ەتۋ قىزمەتتەرى جوعارى دايىندىق جانە مونيتورينگ رەجيمىنە كوشىرىلۋى ءتيىس. بۇل جۇمىسقا ۆولونتەرلەردى دە تارتقان ءجون», دەدى ولجاس بەكتەنوۆ.
وقۋشىلاردىڭ دەنە شىنىقتىرۋ ساباقتارى Almaty SuperSki كۋرورتىندا وتەدى
پرەمەر-مينيستر تۋريستەر ءۇشىن باعىت-باعدار كورسەتكىشتەرى, دەمالىس ايماقتارىندا سانيتاريالىق تالاپتاردىڭ ساقتالۋى جانە جاۋاپتى قىزمەتتەردىڭ جۇمىسىن ۇيلەستىرۋ ماسەلەلەرىنە ەرەكشە نازار اۋداردى.
«بارلىق دەمالىس ورىندارىندا, ساياباقتاردا جانە جاعاجاي ايماقتارىندا ءارتۇرلى تىلدەردە ارنايى اقپاراتتىق بەلگىلەر, سحەمالار مەن باعىت-باعدار كورسەتكىشتەرى ورناتىلۋعا ءتيىس. اكىمدىكتەر دەمالىس ورىندارىنىڭ مەنشىك يەلەرىمەن بىرلەسىپ, تازالىق ءارى سانيتاريالىق تالاپتاردىڭ قاتاڭ ساقتالۋىن قامتاماسىز ەتۋى قاجەت. تۋريستەردىڭ قاۋىپسىز ءارى جايلى دەمالىسى وسى سالانىڭ نەگىزگى ستاندارتىنا اينالۋعا ءتيىس. جەدەل ۇيلەستىرۋ شتابىنا مۇنى ەرەكشە باقىلاۋعا الۋدى تاپسىرامىن», دەدى ۇكىمەت باسشىسى.
بۇعان دەيىن ءتۋريزمنىڭ ەل ەكونوميكاسىنا قوسقان ۇلەسى 5 ترلن تەڭگەگە جەتكەنىن حابارلاعان ەدىك.
