فوتو: قورعانىس مينيسترلىگى
ولارعا ۇلتتىق قاۋىپسىزدىكتى قامتاماسىز ەتۋ, تەرروريزم مەن ەكسترەميزمگە قارسى كۇرەس, مەملەكەتتىڭ ەگەمەندىگىن قورعاۋ جانە ازاماتتاردىڭ قاۋىپسىزدىگىن ساقتاۋ سياقتى ماڭىزدى مىندەتتەر جۇكتەلگەن.
ارنايى بەرەتتى يەلەنۋ – اسكەري قىزمەتشىنىڭ جوعارى دايىندىق دەڭگەيىنىڭ سيمۆولى. بۇل سىناقتار ۇمىتكەرلەردەن توزىمدىلىك, پسيحولوگيالىق تۇراقتىلىق جانە تاكتيكالىق, اتىس, ارنايى دايىندىقتىڭ جوعارى دەڭگەيىن تالاپ ەتەدى.
قازاقستاندا اسكەري وقۋ ورىندارىنىڭ ۇزدىك تۇلەكتەرىنە «اعا لەيتەنانت» اتاعى بەرىلەدى
وتاندىق ارنايى جاساق حالىقارالىق دەڭگەيدە دە جوعارى ناتيجە كورسەتىپ كەلەدى. ولار بەدەلدى جارىستار مەن وقۋ-جاتتىعۋلاردا جاۋىنگەرلىك دايىندىق پەن كاسىبي شەبەرلىگىن دالەلدەدى. بيىل UAE SWAT Challenge 2026 تۋرنيرىندە قازاقستان كوماندالارى 48 ەلدىڭ 109 كومانداسى اراسىندا ۇزدىك ناتيجە كورسەتىپ, جالپى ەسەپتە ءبىرىنشى جانە ەكىنشى ورىنداردى يەلەندى. «توميريس» كومانداسى ايەلدەر اراسىندا جەڭىمپاز اتاندى.
بۇگىندە ارنايى ماقساتتاعى بولىمشەلەر زاماناۋي تەحنولوگيالاردى مەڭگەرىپ, جاۋىنگەرلىك الەۋەتىن كۇشەيتىپ جاتىر. ولار مەملەكەت قاۋىپسىزدىگىنىڭ سەنىمدى تىرەگى بولىپ قالا بەرەدى.
ايتا كەتەيىك, بۇعان دەيىن ەلىمىزدە 29 مامىر – بىتىمگەرلەر كۇنى اتالىپ ءوتتى. قورعانىس مينيسترلىگىنىڭ مالىمەتىنشە, 2014 جىلدان بەرى 900-دەن استام وتاندىق اسكەري قىزمەتشى بىرىككەن ۇلتتار ۇيىمىنىڭ ءتۇرلى بىتىمگەرلىك ميسسيالارىنا قاتىسقان.
