فوتو: nippon.com
قازىرگى تاڭدا ستالكينگ ءۇشىن:
- 200 اەك-كە دەيىن (865 مىڭ تەڭگە) ايىپپۇل;
- ءدال وسىنداي مولشەردە تۇزەۋ جۇمىستارى;
- 200 ساعاتقا دەيىن قوعامدىق جۇمىستار;
- نەمەسە 50 تاۋلىككە دەيىن قاماۋعا الۋ جازاسى قاراستىرىلعان.
تەرەزەدەن سىعالاپ, مازاسىن العان: اتىراۋ وبلىسىندا ستالكينگ تۋرالى جاڭا باپ نەگىزىندە ۇكىم شىقتى
مينيستر ورىنباسارىنىڭ ايتۋىنشا, ستالكينگ تۋرالى باپتى قولدانۋ تاجىريبەسى قولدانىستاعى شارالاردىڭ جەتكىلىكسىز بولۋى مۇمكىن ەكەنىن كورسەتكەن.
مىسالى, الماتى وبلىسى اۋماعىندا وسى باپ بويىنشا سوتتالعان ازاماتتىڭ سوت ۇكىمى مەن قاماۋعا الۋ جازاسىنا قاراماستان, جابىرلەنۋشىنى قايتادان قۋدالاۋدى جالعاستىرعان جاعدايى تىركەلگەن.
ء«بىز وعان قاتىستى قايتادان قىلمىستىق ءىس قوزعادىق. الايدا قايتالانۋ قاعيداتى مەن بىرنەشە رەت جاسالۋ بەلگىسى – ءتيىمدى جۇمىس ىستەۋدى قاجەت ەتىپ وتىرعانىن كورىپ وتىرمىز», دەدى سانجار ءادىلوۆ.
ءىىم ۇسىنىسىنا سايكەس, ەگەر ادام ستالكينگ ءۇشىن بۇرىن سوتتالىپ, كەيىن قايتادان جابىرلەنۋشىنى قۋدالاسا, بۇل جاعداي «قايتالانعان قۇقىق بۇزۋشىلىق» رەتىندە ەسكەرىلۋگە ءتيىس.
ء«بىز بۇل ساناتتى ورتاشا اۋىرلىقتاعى قىلمىستار قاتارىنا اۋىستىرىپ, باس بوستاندىعىنان ايىرۋ تۇرىندەگى جازانى قاراستىرۋدى جوسپارلاپ وتىرمىز», دەپ قوستى س. ءادىلوۆ.
ونىڭ ايتۋىنشا, قازىرگى ۋاقىتتا بۇل ماسەلە ءماجىلىس جانىنداعى جۇمىس توبىنىڭ الاڭىندا تالقىلانىپ جاتىر.
بۇعان دەيىن ستالكينگ ءىسى بويىنشا تەرگەلگەن دانيار مەيىرحانعا قاتىستى قىلمىستىق ءىس توقتاتىلعانى تۋرالى ايتىلعان.
