فوتو: istockphoto.com
ونىڭ ايتۋىنشا, رەسپۋبليكادا پروتسەستەردى تسيفرلاندىرۋمەن قاتار كولىك قولجەتىمدىلىگى دە بەلسەندى تۇردە دامىپ كەلەدى. سونىمەن بىرگە نەگىزگى تۋريستىك ايماقتاردا دەمالۋشىلاردىڭ قاۋىپسىزدىگىن قامتاماسىز ەتۋ بويىنشا جۇيەلى جۇمىس جۇرگىزىلىپ وتىر.
«قازىرگى تاڭدا 105 ەلدىڭ ازاماتى ەلشىلىكتەرگە جۇگىنبەي-اق ەلەكتروندىق ۆيزا ارقىلى قازاقستانعا كىرە الادى. سونىمەن قاتار ۆيزا بەرۋ دە ۇيىمداستىرىلعان. IT-ماماندارعا ارنالعان Digital Nomad Visa جانە تۋريستەرگە ارنالعان Neo Nomad Visa. قابىلداۋشى تاراپ شەتەلدىك ازاماتتىڭ كەلۋى تۋرالى حابارلامانى ونلاين فورماتتا جولدايدى», دەپ اتاپ ءوتتى ەرجان سادەنوۆ.
قازاقستاندىقتار ۆيزاسىز بارا الاتىن ەلدەر كوبەيدى
سونداي-اق اۋەجايلاردا جانە ءىرى شەكارا وتكەلدەرىندە QR-كودى بار «تۋريستىك كارتالار» بەرىلەدى. وندا ەلىمىزدە بولۋ ەرەجەلەرى, شۇعىل قىزمەتتەر مەن بايلانىس وپەراتورلارى تۋرالى قاجەتتى اقپارات ورنالاستىرىلعان.
كوشى-قون قىزمەتتەرىنىڭ اۋقىمىن كەڭەيتۋ ماقساتىندا QazETA ءموبيلدى قوسىمشاسى ازىرلەنىپ جاتىر. تۋريستىك پوليتسيا بولىمشەلەرى 18 ايماقتىڭ كورىكتى جەرلەرى مەن ۇلتتىق ساياباقتارىندا قىزمەت اتقارادى. قىزمەتكەرلەر شەت تىلدەرىن مەڭگەرگەن.
ايتا كەتەيىك, 2026 جىلدىڭ 1 مامىرى مەن 1 قازانى ارالىعىندا قازاقستان ازاماتتارى جارامدى جول ءجۇرۋ قۇجاتى نەگىزىندە چەرنوگوريا اۋماعىنا ۆيزاسىز كىرىپ, ەلدە ترانزيتپەن جۇرە الادى نەمەسە 30 كۇنگە دەيىن بولا الادى.
