فوتو: istockphoto.com
ءمينيستردىڭ ايتۋىنشا, شەتەلدىك تۋريستەردىڭ قازاقستان اۋماعىندا جۇمساعان شىعىندارى 2,9 ملرد دوللاردى قۇراعان. سونىمەن قاتار تۋريزم سالاسىنا تارتىلعان ينۆەستيتسيالار كولەمى وتكەن جىلمەن سالىستىرعاندا 33 پايىزعا ارتىپ, 1,3 ترلن تەڭگەگە جەتكەن. سالىق تۇسىمدەرى دە 18 پايىزعا ءوسىپ, 630 ملرد تەڭگەنى قۇرادى.
«سالانى ودان ءارى دامىتۋ ماقساتىندا وسى جىلدىڭ ناۋرىز ايىندا زاڭنامالىق تۇزەتۋلەر قابىلداندى. اتاپ ايتقاندا, تۋريستىك اۆتوبۋستار ءۇشىن «جاسىل ءدالىز» تەتىگى ەنگىزىلىپ جاتىر. سونداي-اق ۆيزيت-ورتالىقتاردىڭ مارتەبەسى زاڭ جۇزىندە بەكىتىلىپ, ولاردىڭ قىزمەتىنە قويىلاتىن تالاپتار ايقىندالدى. تۋريستىك قىزمەتتەردىڭ ساپاسىن ارتتىرۋ ماقساتىندا گيدتەردىڭ, ەكسكۋرسوۆودتاردىڭ جانە تۋريزم نۇسقاۋشىلارىنىڭ قىزمەتىن جۇزەگە اسىرۋ قاعيدالارى بەكىتىلەدى», دەپ اتاپ ءوتتى ەربول مىرزابوسىنوۆ.
جاڭارتىلعان زاڭنامادا بالالار ءتۋريزمى مەن ەكولوگيالىق دەمالىستى دامىتۋعا ەرەكشە نازار اۋدارىلعان. ەندى 18 جاسقا دەيىنگى بالالار ۇلتتىق پاركتەر اۋماعىنا تەگىن كىرە الادى.
ەسكە سالا كەتەيىك, بۇعان دەيىن الماتىدا «Almaty Superski» تاۋ شاڭعىسى كۋرورتىن سالۋ بويىنشا قوعامدىق تىڭدالىم ءوتتى. تالقىلاۋ بارىسىندا قولداۋ تاپقان جوبانى 2028 جىلى جەلتوقساندا ىسكە قوسۋ جوسپارلانعان.
