فوتو: اشىق دەرەككوز
تۋريزم جانە سپورت مينيسترلىگىنىڭ مالىمەتىنشە, قازاقستاننىڭ بۇل سالاداعى باستى ارتىقشىلىعىنىڭ ءبىرى – جوعارى دەڭگەيدەگى مەديتسينالىق كومەكتى قولجەتىمدى باعامەن ۇسىنۋى. بۇگىندە ەلىمىزدە ساپا مەن قاۋىپسىزدىككە قويىلاتىن حالىقارالىق تالاپتارعا سايكەس كەلەتىن مەديتسينالىق مەكەمەلەر تابىستى جۇمىس ىستەپ جاتىر.
قازاقستانداعى 10 مەديتسينالىق ۇيىم دەنساۋلىق ساقتاۋ سالاسىنداعى ەڭ بەدەلدى حالىقارالىق ستاندارتتاردىڭ ءبىرى سانالاتىن JCI اككرەديتاتسياسىنا يە.
وسى باعىتتى ودان ءارى دامىتۋ ماقساتىندا تۋريزم جانە سپورت مينيسترلىگى دەنساۋلىق ساقتاۋ مينيسترلىگىمەن بىرلەسىپ, 2026-2028 جىلدارعا ارنالعان مەديتسينالىق ءتۋريزمدى دامىتۋ جونىندەگى جول كارتاسىن ازىرلەپ جاتىر.
«قۇجاتتا وتاندىق مەديتسينالىق قىزمەتتەردى شەتەلدىك نارىقتاردا ىلگەرىلەتۋ, ينفراقۇرىلىمدى دامىتۋ, سەرۆيستىك قىزمەتتەردىڭ ساپاسىن ارتتىرۋ جانە حالىقارالىق ىنتىماقتاستىقتى كەڭەيتۋ بويىنشا كەشەندى شارالار قاراستىرىلعان», دەلىنگەن حابارلامادا.
ايتا كەتەيىك, مەديتسينالىق ءتۋريزمدى دامىتۋ ينۆەستيتسيا تارتۋعا, جاڭا جۇمىس ورىندارىن اشۋعا جانە قازاقستاننىڭ ەم الۋ مەن ساۋىقتىرۋعا قولايلى, زاماناۋي ءارى باسەكەگە قابىلەتتى مەملەكەت رەتىندەگى حالىقارالىق بەدەلىن نىعايتۋعا ىقپال ەتەدى.
بۇعان دەيىن ەلىمىزدە شەتەلدىكتەردىڭ ءجۇرىس-تۇرىسى قاتاڭ باقىلاناتىنى تۋرالى حابارلاعان ەدىك.
