فوتو: اشىق دەرەككوز
Ktk.kz مالىمەتىنشە, قايعىلى وقيعا سەنبى كۇنى كەشكە ارىس قالاسىنداعى كوشەلەردىڭ بىرىندە بولعان.
«JAC ماركالى اۆتوكولىكتىڭ جۇرگىزۋشىسى الكوگولدىك ماساڭ كۇيدە بىرنەشە ادامدى قاعىپ, كەيىن وقيعا ورنىنان جاسىرىنعان. جەدەل-ىزدەستىرۋ شارالارى بارىسىندا كۇدىكتى انىقتالىپ, ۇستالىپ, ۋاقىتشا ۇستاۋ يزولياتورىنا قامالدى» دەپ مالىمدەدى وبلىستىڭ پوليتسيا دەپارتامەنتى.
ەكى ەرەسەك ادام مەن ءبىر جارىم جاسار بالا دارىگەرلەردىڭ ءجىتى قاداعالاۋىندا. بالا جانساقتاۋ بولىمىندە جاتىر.
«1 جاس 6 ايلىق بالا جانساقتاۋ بولىمىنە وتە اۋىر جاعدايدا ءتۇستى. وعان ميدىڭ شايقالۋى, وڭ جاق كوكىرەك قۋىسىنىڭ كوپتەگەن جابىق سىنىعى, سول جاق سان سۇيەگىنىڭ جابىق سىنىعى جانە تراۆماتيكالىق شوك دياگنوزى قويىلدى. ءسابيدى وبلىستىق بالالار اۋرۋحاناسىنا اۋىستىردىق», دەلىنگەن حابارلامادا.
اتالعان فاكتى بويىنشا تەرگەۋ امالدارى جۇرگىزىلىپ جاتىر.
