سپورت • 08 جەلتوقسان، 2022

تارتىسقا تولى تۋرنير

44 رەت كورسەتىلدى

ەلورداداعى جاقسىلىق ۇشكەمپىروۆ اتىنداعى جەكپە-جەك سارايىندا كۇشتىك قۇرىلىمدار اراسىندا قويان-قولتىق ۇرىستان تۋرنير ءوتتى. جانكۇيەرلەر ەكى كۇن بويى تارتىسقا تولى جەكپە-جەكتى تاماشالادى.

تۋرنير قورعانىس مينيسترلىگى مەن بۇكىلقازاقستاندىق قويان-قولتىق ۇرىس قاۋىمداستىعىنىڭ قولداۋىمەن بەسىنشى رەت وتكىزىلىپ وتىر. بيىل قورعانىس ءمينيسترىنىڭ كۋبوگىن ەلىمىزدىڭ كۇشتىك قۇرىلىمدارىنان 15 كوماندا ساراپقا سالىپ، 160-تان اسا سپورتشى باق سىنادى.

جارىس قورىتىندىسىنا كەلسەك، قويان-قولتىق ۇرىستان جالپىكوماندالىق ەسەپتە قورعانىس مينيسترلىگى ورتالىق سپورت كلۋبىنىڭ كومانداسى ۇزدىك دەپ تانىلسا، 2-ورىن ىشكى ىستەر مينيسترلىگىنىڭ وكىلدەرىنە، ال 3-ورىن قورعانىس مينيسترلىگىنىڭ سپورتشىلارىنا بۇيىردى.

ەرلەر اراسىنداعى جەكەلەي ەسەپتە جە­ڭىس تۇعىرىنان كورىنگەندەر: 57 كيلوعا دەيىنگى سالماقتا اسحات جىلىسبەكوۆ ء(ىىم)، 62 كي­لوعا دەيىن – باۋىرجان سۇلتانوۆ (قورعانىس مينيس­ترلىگى)، 67 كيلوعا دەيىن – باۋىرجان اسىلبەكوۆ (مەملەكەتتىك كۇزەت قىزمەتى)، 73 كيلوعا دەيىن – تيمۋر سەرىك ۇلى (قم ورتا­لىق سپورت كلۋبى)، 80 كيلوعا دەيىن – ايدىن تولەپباەۆ ء(ىىم)، 88 كيلوعا دەيىن – ءىلياس مۇحاماديەۆ (ۇلتتىق قاۋىپسىزدىك كوميتەتى)، 97 كيلوعا دەيىن – ەلامان قۋاتوۆ (قورعانىس مينيسترلىگى)، 97 كيلودان جوعارى – جەڭىس ەرداۋلەت (مەملەكەتتىك كۇزەت قىز­مەتى).

ايەلدەر اراسىندا 52 كيلوعا دەيىن ايان تۇرسىن (قم ورتالىق سپورت كلۋبى)، 65 كيلوعا دەيىن – سورا راحمونوۆا (قم ورتا­لىق سپورت كلۋبى)، 75 كيلودان جوعارى سا­يىس­تا سايدا حاسەنوۆا ء(ىىم) جەڭىسكە جەتتى.

«ۇزدىك تەحنيكاسى ءۇشىن» اتالىمى ءىلياس مۇحاماديەۆكە (ۇلتتىق قاۋىپسىزدىك كوميتەتى)، «جەڭىسكە دەگەن جىگەرى ءۇشىن» – ارمان ابەتانوۆقا (قر قارجى مونيتورينگى اگەنتتىگى) تابىستالدى. سپورتتىق ءىس-شا­رانى ۇيىمداستىرۋعا قوسقان ۇلەسى ءۇشىن بوكستان وليمپيادا ويىندارىنىڭ كۇمىس جۇلدەگەرى ۆاسيلي لەۆيتكە دە قۇرمەت كورسەتىلدى.

ءتۋرنيردىڭ جابىلۋ سالتاناتىندا قور­عانىس ءمينيسترى رۋسلان جاقسى­لى­قوۆ اسكەري قىزمەتشىلەر مەن قۇقىق ءتار­تى­بىن ساقتاۋشىلاردىڭ جاۋىنگەرلىك دايار­­لىعىنداعى قويان-قولتىق ۇرىستىڭ ماڭىزدى ەكەنىن اتاپ ءوتتى. ول ءتۋرنيردىڭ جەڭىمپازدارى مەن جۇلدەگەرلەرىن قۇت­تىقتاپ، جارىستىڭ بارلىق قاتىسۋشى­لارىنا العىسىن ءبىلدىردى، جاڭا جەڭىستەر مەن تابىستارعا قول جەتكىزۋ ءۇشىن تا­باندىلىق تىلەدى.

تۋرنير جۇلدەگەرلەرى كۋبوك، مەدال، گراموتا جانە اقشالاي سىيلىقتارمەن ما­را­پاتتالدى. بىلىكتىلىك نورماتيۆتەرىنە سايكەس جەڭىمپازدارعا «قازاقستان رەسپۋب­ليكاسىنىڭ سپورت شەبەرى» اتاعى بەرىلمەك.

سوڭعى جاڭالىقتار

ۇقساس جاڭالىقتار