ساياسات • 14 قازان، 2022

زاڭ تالابىنا ساي كەلمەدى

80 رەت كورسەتىلدى

ورتالىق سايلاۋ كوميسسياسىنىڭ كەزەكتى وتىرىسىندا قازاقستان رەسپۋبليكاسىنىڭ پرەزيدەنتتىگىنە كانديدات رەتىندە تىركەلگەن ازاماتتاردىڭ سايكەستىگىن انىقتاۋ كەزىندە ءۇش ۇمىتكەر ساياسي دودادان شەت قالدى.

نۇرلان ءابدىروۆتىڭ توراعا­لىعىمەن وتكەن ورتالىق سايلاۋ كوميسسياسىنىڭ وتىرىسىندا پرەزيدەنتتىككە كانديداتتار حايرۋللا عابجاليلوۆ، تالعات ەرعاليەۆ جانە فاتيما بيزاكوۆانىڭ سايكەستىگىن انىقتاۋ ماسەلەسى قارالدى.

حايرۋللا عابجاليلوۆتىڭ سايكەستىگىن انىقتاۋ ماسەلەسى بويىنشا ورتالىق سايلاۋ كوميس­سياسىنىڭ مۇشەسى اسىلبەك سما­عۇلوۆ بايانداما جاسادى. ول قازاقستان رەسپۋبليكاسى پرەزي­دەنتتىگىنە كانديدات حايرۋللا عابجاليلوۆقا قاتىستى سايلاۋ تۋرالى كونستيتۋتسيالىق زاڭنىڭ 59-بابىنىڭ تالاپتارىنا سايكەس وسك ۋاكىلەتتى مەملەكەتتىك ورگاندارعا ءتيىستى سۇراۋ جىبەرىلگەنىن حابارلادى.

حايرۋللا ماعاۋيا ۇلى 1950 جىلى 29 ساۋىردە وزبەك­ستان رەسپۋبليكاسى قاراقالپاق­ستاننىڭ تاحتاكوپىر اۋدانىندا دۇنيەگە كەلگەن. باس پرو­كۋرا­تۋرانىڭ قۇقىقتىق ستاتيس­تيكا جانە ارنايى ەسەپكە الۋ كوميتەتىنىڭ مالى­مەتىنە سايكەس ۇمىتكەر باس بوس­تان­دىعىنان ايىرۋ ورنىندا وتىر­ماعان; زاڭمەن بەلگىلەنگەن تارتىپپەن وتەلمەگەن جانە الىپ تاستالعان سوتتالعاندىعى جوق; سىبايلاس جەمقورلىق قىلمىس جانە سىبايلاس جەمقورلىق قۇقىق بۇزۋشىلىق جاساۋداعى كىناسىن سوت زاڭدا بەلگىلەنگەن تارتىپپەن تانىماعان; بەلسەندى سايلاۋ قۇقىعىنا يە. ىشكى ىستەر مينيسترلىگى ۇسىنعان مالىمەتكە سۇيەنسەك، ح.عابجاليلوۆ تۋمىسىنان قازاقستان رەسپۋبليكاسىنىڭ ازاماتى بولىپ تابىلمايدى، قازاقستاندا سوڭعى 24 جىل بويى تۇرادى. ادىلەت مينيسترلىگى قازاقستان رەسپۋبليكاسىنىڭ پرەزيدەنتتىگىنە كانديداتتى ۇسىنعان «اسار» ورالماندار بىرلەستىگى» رەسپۋبليكالىق قوعامدىق بىرلەستىگىنىڭ ادىلەت مينيسترلىگىندە تىركەلگەنى تۋرالى قۇجاتى بار ەكەنىن راستادى. مەملەكەتتىك قىزمەت ىستەرى اگەنتتىگى مەملەكەتتىك قىزمەتتەگى جانە سايلانبالى مەملەكەتتىك لاۋازىمدارداعى جۇمىس ءوتىلى جوق. جوعارى ءبىلىمى بار.

ۇسىنىلعان قۇجاتتار مەن ۋاكىلەتتى ورگانداردان الىن­عان مالىمەتتەر نەگىزىندە قازاق­ستان رەسپۋبليكاسىنىڭ پرەزي­دەنتتىگىنە كانديدات حايرۋللا ماعاۋيا ۇلى عابجاليلوۆ قازاقستان رەسپۋبليكاسى كونس­تيتۋتسياسىنىڭ 41-بابىنىڭ 2-تارماعىندا، «قازاقستان رەس­پۋب­ليكاسىنداعى سايلاۋ تۋرالى» كونستيتۋتسيالىق زاڭىنىڭ 54-بابىندا بەلگىلەنگەن تالاپتارىنا سايكەس ەمەس.

قازاقستان رەسپۋبليكاسىنىڭ پرەزيدەنتتىگىنە كانديدات تالعات ەرعاليەۆتىڭ سايكەستىگىن انىقتاۋ ماسەلەسى بويىنشا ورتالىق سايلاۋ كوميسسياسىنىڭ حاتشىسى مۇحتار ەرمان بايانداما جاسادى. ول قازاقستان رەسپۋبليكاسى پرەزيدەنتتىگىنە كانديدات ت.ەرعاليەۆكە قاتىستى سايلاۋ تۋرالى كونستيتۋتسيالىق زاڭنىڭ 59-بابىنىڭ تالاپتارىنا سايكەس وسك ۋاكىلەتتى مەم­لەكەتتىك ورگاندارعا ءتيىستى سۇراۋ جىبەرىلگەنىن حابارلادى.

پرەزيدەنتتىككە كانديدات تالعات فايزۋللي ۇلى 1966 جىلى 15 شىلدەدە تسەلينوگراد وبلى­سىنىڭ قورعالجىن اۋدانى جانتەكە اۋىلىندا دۇنيەگە كەل­گەن. باس پروكۋراتۋرانىڭ قۇقىق­تىق ستاتيستيكا جانە ارنايى ەسەپكە الۋ كوميتەتىنىڭ مالىمەتىنە سايكەس ت.ەرعاليەۆ باس بوستاندىعىنان ايى­رۋ ورنىندا وتىرماعان; زاڭ­مەن بەلگىلەنگەن تارتىپپەن وتەل­مەگەن جانە الىپ تاستالعان سوت­تال­عاندىعى جوق; سىبايلاس جەم­قورلىق قىلمىس جانە سىبايلاس جەمقورلىق قۇقىق بۇزۋشىلىق جاساۋداعى كىناسىن سوت زاڭدا بەلگىلەنگەن تارتىپپەن تانىماعان; بەلسەندى سايلاۋ قۇقىعىنا يە.

ىشكى ىستەر مينيسترلىگى ۇسىنعان مالىمەتكە سۇيەنسەك، تالعات ەرعاليەۆ تۋمىسىنان قازاقستان رەسپۋبليكاسىنىڭ ازاماتى، قازاقستاندا سوڭعى 56 جىل بويى تۇرادى. ادىلەت مينيسترلىگى قازاقستان رەسپۋب­ليكاسىنىڭ پرەزي­دەنتتىگىنە كانديداتتى ۇسىنعان «قازاقستان قۇرىلىسشىلار وداعى» زاڭدى تۇلعالاردىڭ رەسپۋبليكالىق بىرلەستىگى «قازاقستان رەسپۋب­ليكا­سىنداعى سايلاۋ تۋرالى» قازاقستان رەسپۋبليكاسى كونس­تي­تۋتسيا­لىق زاڭىنىڭ 55-بابى 1-تارماعىنىڭ تالاپتارى­نا سايكەس كەلمەيتىنىن انىقتادى. مەم­لەكەتتىك قىزمەت ىستەرى اگەنت­تىگى مەملەكەتتىك قىزمەتتەگى جانە ساي­لانبالى مەملەكەتتىك لاۋا­زىم­دارداعى جۇمىس تاجىريبەسى – 3 جىل 4 اي. جوعارى ءبىلىمى بار.

ۇسىنىلعان قۇجاتتار مەن ۋاكى­لەتتى ورگانداردان الىن­عان مالى­­مەتتەر نەگىزىندە قازاق­ستان رەس­­پۋب­ليكاسىنىڭ پرەزي­دەنتتى­گى­نە كانديدات تال­عات فايزۋللي­ ۇلى ەر­­عاليەۆ «قازاقستان رەسپۋبلي­كا­­سىن­داعى سايلاۋ تۋرالى» كونس­تي­­تۋ­­تسيالىق زاڭىنىڭ 54-بابىندا بە­لگى­لەنگەن تالاپتارىنا سايكەس ەمەس.

قازاقستان رەسپۋبليكاسى­نىڭ پرەزيدەنتتىگىنە كانديدات فاتيما بيزاكوۆانىڭ سايكەستى­گىن انىقتاۋ ماسەلەسى بويىنشا ورتالىق سايلاۋ كوميسسياسىنىڭ مۇشەسى شاۆكات وتەمىسوۆ بايان­داما جاسادى. ول قازاقستان رەسپۋبليكاسى پرەزيدەنتتىگىنە كانديدات ف.بيزاكوۆاعا قاتىستى سايلاۋ تۋرالى كونستيتۋتسيالىق زاڭنىڭ 59-بابىنىڭ تالاپتارىنا سايكەس وسك ۋاكىلەتتى مەملەكەتتىك ورگاندارعا ءتيىستى سۇراۋلار سالىن­عانىن حابارلادى.

پرەزيدەنتتىككە كانديدات فاتيما بيزاكوۆا 1967 جىلى 31 مامىردا جامبىل وبلىسىنىڭ بايزاق اۋدانىنا قاراستى اباي اۋىلىندا دۇنيەگە كەلگەن. باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنە سايكەس ۇمىتكەر باس بوستاندىعىنان ايىرۋ ورنىندا وتىرماعان; زاڭمەن بەلگىلەنگەن تارتىپپەن وتەلمەگەن جانە الىپ تاستالعان سوتتالعاندىعى جوق; سىبايلاس جەمقورلىق قىلمىس جانە سىبايلاس جەمقورلىق قۇقىق بۇزۋشىلىق جاساۋداعى كىناسىن سوت زاڭدا بەلگىلەنگەن تارتىپپەن تانىماعان; بەلسەندى سايلاۋ قۇقىعىنا يە.

ىشكى ىستەر مينيسترلىگى ۇسىن­عان مالىمەتكە سۇيەنسەك، فاتيما بيزاكوۆا تۋمىسىنان قازاقستان رەسپۋبليكاسىنىڭ ازاماتى، قازاقستاندا سوڭعى 55 جىل بويى تۇرادى. ادىلەت مينيسترلىگى قازاقستان رەسپۋبليكاسىنىڭ پرە­زيدەنتتىگىنە كانديداتتى ۇسىن­عان «پراكتيكالىق پسيحولوگيا» رەسپۋبليكالىق قوعامدىق بىرلەس­تىگىنىڭ قازاقستان رەسپۋب­ليكاسىنىڭ ادىلەت مينيستر­لىگىندە تىركەلگەنى تۋرالى قۇجاتى بار ەكەنىن راستادى. كانديداتتىڭ مەملەكەتتىك قىز­مەت ىستەرى اگەنت­تىگى مەملە­كەتتىك قىزمەتتەگى جانە سايلانبالى مەملەكەتتىك لاۋا­زىم­دارداعى جۇمىس ءوتىلى جوق. جوعارى ءبىلىمى بار.

ۇسىنىلعان قۇجاتتار مەن ۋاكىلەتتى ورگانداردان الىن­عان مالىمەتتەر نەگىزىندە قازاقستان رەسپۋبليكاسىنىڭ پرەزيدەنت­تىگىنە كانديدات فاتيما بيزاكوۆا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنىڭ 54-بابىندا بەلگىلەنگەن تالاپتارىنا سايكەس ەمەس.

سوڭعى جاڭالىقتار

مۇناي باعاسى 16% تومەندەيدى

ەكونوميكا • بۇگىن، 11:30

بۇگىن اۋا رايى قانداي بولادى؟

اۋا رايى • بۇگىن، 09:33

ەلىمىزدە 49 ادام ىندەت جۇقتىردى

كوروناۆيرۋس • بۇگىن، 09:14

جاڭارعان جۇيە جاۋاپكەرشىلىگى

سايلاۋ • بۇگىن، 08:58

سايىنداعى سۋ داۋى

ايماقتار • بۇگىن، 08:50

توپ جارعان ءۇش عالىم

ءبىلىم • بۇگىن، 08:45

قىرعىزدىڭ وڭىندەي...

ونەر • بۇگىن، 08:35

انا مەن بالا اماندىعى

مەديتسينا • بۇگىن، 08:35

ساياسي الاڭداعى ۇستانىم

سايلاۋ • بۇگىن، 08:25

ۇقساس جاڭالىقتار