ايماقتار • 12 تامىز، 2022

وراق ناۋقانىنا دايىندىق ويداعىداي

65 رەت كورسەتىلدى

بيىل الماتى وبلىسىنداعى ەگىس الاڭى 459 مىڭ گەكتارعا جەتتى. ونىڭ ىشىندە 178،1 مىڭ گەكتارعا ءداندى داقىلدار، 121،2 مىڭ گەكتارعا ماساقتى داقىلدار، 35،4 مىڭ گەكتارعا مايلى داقىلدار ەگىلگەن. سونداي-اق داندىك جۇگەرى 48،4 مىڭ گەكتار القاپقا، كۇرىش 6،8 مىڭ گەكتار جەرگە، كارتوپ 26،0 مىڭ گەكتارعا جانە 24،7 مىڭ گەكتار القاپقا كوكونىس ءوسىرىلدى.

شارۋالار ءداندى داقىلداردى جيناۋ جۇمىستارىن 5 شىلدەدەن باستاعان ەكەن. قازىر جيناۋعا جاتاتىن ماساقتى داقىلداردىڭ بار­لىق 121،2 مىڭ گەكتا­رىنداعى جۇ­مىس تولىق اياقتالىپ، ونىڭ ىشىن­دە 37،8 مىڭ گەكتارداعى بيداي، 83،4 مىڭ گەكتارداعى ارپا جانە باسقا دا ءداندى داقىلدار شابىلىپ، جينالعان. ءونىم دە اۋىز تولتىرىپ ايتارلىقتاي، باستىرىلعان استىق­تىڭ العاشقى ناتي­جەسى بويىنشا ورتاشا ونىمدىلىك گەكتارىنا 21،1 تسەنت­نەردەن اينالىپ وتىر. وتكەن جىلى بۇل كورسەتكىش 18،2 تسەنتنەر بولعان-دى.

بيىل مال ازىعىن دايىنداۋ دا شيراق ءجۇردى. مامىر ايىنىڭ سوڭىنان باستالعان ءشوپ شابۋ جۇمىسى ناتيجەلى. جىلدىڭ جوس­پارى بويىنشا، 1،7 ملن توننا ازىق جينالۋعا ءتيىس. ونىڭ ىشىندە قۇرعاق ءشوپ 1 524،4 مىڭ توننا، سابان 191،5 مىڭ توننا جانە 671،3 مىڭ توننا شىرىندى ازىق دايىندالۋى كەرەك بولاتىن. قازىر ديقان مەن شارۋا بۇل مەجەنى ورىنداۋعا شاق قالدى. مىنە، كوپجىلدىق داقىلداردىڭ ءبىرىنشى وراعى اياقتالىپ، ەكىنشى وراق جۇمىستارى دا باستالدى. دەرەك بويىن­شا 827،7 مىڭ توننا ءشوپ، 53،3 مىڭ توننا پىشەندەمە، 45،7 مىڭ توننا سابان جينالىپ، 22،6 مىڭ توننا جەم ازىعى دايىندالىپتى.

– وبلىس بويىنشا 505 بىرلىك استىق جينايتىن كومباين تىركەلگەن، ونىڭ 491 بىرلىگى جوندەۋدەن ءوتتى نەمەسە دايىن­دىعى 97 پايىزدى قۇرادى. جالپى، كۇزگى دالا جۇمىستارىنا 947 بىرلىك اۋىل شارۋاشىلىعى تەح­نيكاسى كىرۋدە. بۇل قاتاردا 67 مەحانيكالاندىرىلعان قىر­مان، 100 بىرلىك استىق تيەگىش، 92 اس­تىق لاق­تىرعىش، 67 استىق تازا­لاۋ ماشيناسى، 116 اۆتوتارازىلار جۇمىلدىرىلۋدا. ال ەگىن جيناۋ جۇمىستارىن جۇرگىزۋ ءۇشىن ەنەرگەتيكا مينيسترلىگىنەن 3،2 مىڭ توننا كەپىلدەندىرىلگەن ديزەل وتىنى ءبولىندى . قازىرگى ۋاقىتتا ەگىن جيناۋ، ءشوپ شابۋ جۇمىستارى جانە اۋىل شارۋاشىلىعى داقىلدارىنىڭ ەگىستىگىن كۇتىپ-باپتاۋ بويىنشا اگرو­تەحنيكالىق ءىس-شارالار كەزەڭ-كەزەڭى­مەن جۇرگىزىلۋدە، – دەيدى وبلىس­تىق اۋىل شارۋاشىلىعى باس­قار­ماسىنىڭ باسشىسى داستان قۇداباەۆ.

 

الماتى وبلىسى

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

ۇقساس جاڭالىقتار