تاريحتا قالاتىن وقيعا

دەپۋتاتتار سەسسيانىڭ حات­شىلىعىن، ەسەپ كوميسسيا­سىن، رەداكتسيالىق القاسىن ءبىراۋىز­دان سايلاعاننان كەيىن، ۇلىتاۋ وبلىستىق ءماسلي­حاتى­نىڭ حاتشىسى لاۋازىمىنا ۇسىنىلعان دەپۋتات باۋىرجان شىڭعىسوۆتىڭ كانديداتۋراسىن تالقىعا سالدى. داۋىس بەرۋ ناتيجەسىندە، دەپۋتات باۋىرجان شىڭعىسوۆ ءبىراۋىزدان ۇلىتاۋ وبلىستىق ءماسليحاتىنىڭ حاتشىسى بولىپ سايلاندى.

جەزقازعاننىڭ تۋماسى بولىپ سانالاتىن جاڭا حاتشى­نىڭ مەملەكەتتىك قىزمەتتە جيناق­تاعان تاجىريبەسى وتە مول. ول 2006 جىلى «قازاقمىس كور­پوراتسياسى» جشس-دە ەكونو­مي­كالىق قاۋىپ­سىزدىك دەپار­تا­مەنتىنىڭ ديرەك­تورى بولىپ ءجۇرىپ، مەم­لە­كەتتىك قىزمەتكە اۋىسقان. جەز­قازعان قالاسى اكىمىنىڭ ورىنباسارى، ساتباەۆ جانە جەزقازعان قالالارىنىڭ اكىمى قىزمەتتەرىن اتقاردى.

ودان كەيىن ۇلىتاۋ وبلىس­تىق ءماسليحاتىنىڭ كوميسسيا­لارى قۇرىلىپ، ولاردىڭ قۇرامى مەن توراعاسى سايلاندى. اتاپ ايتقاندا، دەپۋتات ەربولات ساتىبالدين بيۋدجەت جانە قارجى جونىندەگى تۇراق­تى كوميسسياعا، دەپۋتات بەك­زات التىنبەكوۆ الەۋمەتتىك ماسە­لەلەر جونىندەگى تۇراقتى كوميس­سياعا، ال سيلار قياقباەۆ ونەر­كاسىپ، كاسىپكەرلىك، اگرارلىق جانە تۇرعىن ءۇي-كوممۋنالدىق ماسە­لەلەر جونىندەگى تۇراقتى كوميس­سياعا جەتەكشىلىك ەتەتىن بولادى.

سونداي-اق، سەسسيادا « ۇلى­تاۋ وبلىستىق ءماسلي­حاتى­نىڭ اپ­پاراتى» مم قۇرى­لىپ، وب­لىس­تىق ءماسليحات اپپارا­تىنىڭ قۇ­رىلىمى جانە وب­لىستىق ءماسلي­حاتتىڭ رەگلامەنتى بەكىتىلدى.

ۇلىتاۋ وبلىسى