ەكولوگيا • 18 مامىر، 2022

اڭ پاتشاسى كوبەيدى

33 رەت كورسەتىلدى

كەنشىلەر استاناسىنداعى حايۋاناتتار باعىندا اڭ پاتشاسى ارىستاننىڭ ەكى كۇشىگى دۇنيەگە كەلدى. ابدانداردىڭ ەكەۋى دە ەركەك ەكەن. بۇگىنگى كۇندە تۋعانىنا ءبىر اي بولعان ولاردىڭ ارقايسىسىنىڭ سالماعى جەتى كيلوعا جەتكەن.

حايۋاناتتار باعىنىڭ ديرەكتورى گۇلنار ادامبەكوۆا ەگىز كۇشىكتەردىڭ اكەسى بۇرىن تسيركتە ونەر كورسەتكەن «رومان» دەپ اتالاتىن ارىستان كورىنەدى. ال ەنەسى بۇرىن الماتىدان اكەلىنگەن «مايا» اتتى قانشىر ەكەن.

كۇشىكتەردىڭ ەكەۋى دە ەركەك بولعان سوڭ، ونىڭ بىرەۋى ۇرعاشىسىنا ايىرباستالۋى مۇمكىن. قازىرگى ۋاقىتتا ەلىمىزدەگى باسقا دا حايۋاناتتار باقتارىمەن وسى ماسەلە بويىنشا كەلىسسوزدەر جۇرگىزىلىپ جاتقان كورىنەدى.

گۇلنار ادامبەكوۆا بيىل حايۋاناتتار باعىندا ءتولدىڭ كۇرت كوبەيگەنىن ايتادى. مىسالى، قىستان بەرى مۇندا 30-عا جۋىق اڭ ءتولى دۇنيەگە كەلىپتى. ولاردىڭ اراسىندا بولتىرىكتەر، لاقتار، بوتا دا بار ەكەن.

ودان بولەك، بيىل سەگىز جىلدان بەرى كوبەيمەگەن ايۋلاردىڭ جۇبى ومىرگە ءۇش بىردەي قونجىقتى اكەلىپتى.

ماماندار مۇنداي جاعىمدى جاڭالىقتى حايۋاناتتار باعىنداعى وڭ وزگەرىستەردىڭ جەمىسى ەكەنىن ايتادى. مىسالى، مۇندا ۆولەرلەر كەڭەيتىلگەن، اڭدارعا بەرىلەتىن تاماق تا جاقسارا تۇسكەن. سوسىن، اڭداردىڭ جۇپتارىن تاڭداۋ جۇمىستارى دا دۇرىس جولعا قويىلعان كورىنەدى.

 

قاراعاندى

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار