قوعام • 17 مامىر، 2022

سالعىرتتىق تانىتپاۋعا شاقىرادى

34 رەت كورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە «سۋعا شومىلۋ ماۋسىمى. ازاماتتاردىڭ قاۋىپسىزدىگى» تاقىرىبىندا ءباسپاسوز ءماسليحاتى ءوتتى.

جيىنعا توتەنشە جاعدايلار مي­نيسترلىگى ازاماتتىق قورعا­نىس جانە اسكەري بولىمدەر كو­مي­تە­تىنىڭ توراعاسى باۋىرجان سىزدىقوۆ قاتىستى.

قازىر ەلىمىزدىڭ سۋ ايدىندارىندا قاۋىپسىزدىكتى قامتاماسىز ەتۋ ماقساتىندا تجم مەم­لە­كەتتىك ورگاندارمەن جانە اكىم­دىك­تەرمەن بىرلەسىپ، الداعى شومىلۋ ماۋسىمىندا سۋ ايدىندارىندا توتەنشە جاعدايلاردىڭ تۋىنداۋ قاۋپىن ازايتۋ بويىنشا الدىن الا جۇمىس باستالىپ، كەشەندى ۇيىمداستىرۋشىلىق جانە پراكتيكالىق ءىس-شارالار وتكى­زىلۋدە.

«بۇگىنگى تاڭدا ەلىمىزدە شو­مى­لۋعا رۇقسات ەتىلگەن 490 ورىن انىق­تالدى، ونىڭ ىشىندە 187 كوممۋنالدىق جانە 287 جەكە جاعاجاي. 16 ورىن بويىنشا ناق­تى يەلەرىن بەكىتۋ جۇمىستارى جۇرگىزىلۋدە. قازاقستاندا ازاماتتار شومىلۋ جانە دەمالۋ ءۇشىن پايدالاناتىن 50 مىڭ­نان استام سۋ ايدىنى بار. تجم قۇتقارۋ بولىمشەلەرى تاۋلىك بويى 490-نان استام قۇت­­قارۋشى قىزمەت اتقاراتىن ازا­­ماتتار پايدالاناتىن سۋ اي­­دىندارىنىڭ 125 ۋچاسكەسىن باقىلايدى. اعىمداعى جىلى مينيسترلىكتىڭ 45 ءموبيلدى قۇت­قارۋ بەكەتى قويىلادى. بۇ­­دان باسقا، اكىمدىكتەرمەن جانە سۋ ماڭىنداعى دەمالىس ورىن­دارىنىڭ يەلەرىمەن بىر­لە­سىپ مينيس­ترلىكتىڭ جەدەل-قۇت­­قارۋ جا­ساقتارىندا دايار­لىق­­­تان وت­كەن­ قوعامدىق قۇتقا­رۋشىلار ەسە­­­بىنەن 316 وبەك­تىلىك قۇتقارۋ بەكەتتەرى جاب­دىق­تا­لادى. ال­دىن الۋ جۇمىس­تارى اياسىندا ەلىمىزدىڭ سۋ ايدىندارىندا 7 ادام، ونىڭ ىشىندە 2 بالا قۇتقارىلدى. بۇگىندە، وكىنىشكە قاراي، سۋداعى قاۋىپسىزدىك ەرەجە­لە­رىن ساقتاماۋ سالدارىنان ادام­دار­دىڭ قازا بولۋ فاكتىلەرى تىر­كەل­دى، 25 ادام، ونىڭ ىشىندە 3 بالا سۋعا باتىپ كەتتى»، دەدى ول.

كوممۋنالدىق جانە جەكە جاعا­جايلاردا زارداپ شەككەندەرگە العاشقى مەديتسينالىق كومەك كورسەتۋ ءۇشىن 104 مەديتسينالىق پۋنكت جۇمىس ىستەۋگە دايىن­دا­لۋدا. كوممۋنالدىق جاعا­جاي­لاردا قاۋىپسىز بالالار جاعا­جايلارىن دايىنداۋ اياق­تا­لۋدا، وندا قۇتقارۋشىلار بالا­لارعا ءجۇزۋ داعدىلارىن ۇيرە­تە­دى. رەس­پۋب­ليكادا بارلىعى 265 ستا­تسيو­نارلىق باسسەين، 146 قاڭ­قا­لى-مودۋلدىك باسسەين بار.

«جىل باسىنان بەرى اتالعان باسسەيندەردە 26 مىڭنان استام بالا جۇزۋگە ۇيرەتىلگەن. «2gis» كارتوگرافيالىق پلاتفورماسىندا ەلىمىزدىڭ بارلىق وڭىرىندە سۋ ايدىندارىندا شومىلۋعا تى­يىم سالىنعان (4 994) جانە رۇقسات ەتىلگەن (490) ورىندار تۋرا­لى دەرەكتەر ورنالاستىرىلعان. سون­داي-اق سۋدا ادامداردىڭ قازا بولۋىنا جول بەرمەۋدىڭ ما­­ڭىزدى ءتاسىلى – سۋدا تىيىم سا­لىنعان دەمالىس ورىندارىن­دا تجم جانە ءىىم، جاو وكىلدەرىمەن جانە ۆولونتەرلەرمەن بىرلەسكەن رەيدتەر جانە پاترۋلدەۋ جۇرگىزۋ. قازىردىڭ وزىندە 17 مىڭنان استام پاترۋلدەر مەن رەيدتەر جۇرگىزىلدى. ولارعا 37 مىڭعا جۋىق ادام تارتىلدى، ونىڭ ناتيجەلەرى بويىنشا 118 قۇقىق بۇزۋشى اكىمشىلىك جاۋاپكەرشىلىككە تارتىلدى»، دەدى ب.سىزدىقوۆ.

سۋداعى توتەنشە جاع­داي­لار­دىڭ سانىن ازايتۋ جونىندەگى ءىس-شارالار كەشەنىن جۇرگىزۋ ەل باسشىلىعىنىڭ، ۇكىمەتتىڭ، تجم-ءنىڭ جانە باسقا دا مۇددەلى مەم­لەكەتتىك ورگانداردىڭ تۇ­راق­تى باقىلاۋىندا. تجم ازا­ماتتارعا سۋداعى قارا­پايىم قاۋىپسىز ءجۇرىس-تۇرىس قاعي­دا­لا­رىن ساقتاۋعا شاقىرادى.

سوڭعى جاڭالىقتار

دوستىق بەسىگى

ايماقتار • بۇگىن، 08:43

ەل كۋبوگى ءۇشىن تالاسادى

فۋتبول • بۇگىن، 08:40

شيرەك فينالدا ۇتىلدى

تەننيس • بۇگىن، 08:39

دايارلىقتارىن پىسىقتادى

حوككەي • بۇگىن، 08:37

ازىرگە بەسىنشى ورىندامىز

سپورت • بۇگىن، 08:30

ون جىلعا سوتتالدى

قوعام • بۇگىن، 08:25

41 جوباعا – 11،2 ملرد تەڭگە

ايماقتار • بۇگىن، 08:20

732،5 ملرد تەڭگە تارتىلادى

ايماقتار • بۇگىن، 08:15

ۇقساس جاڭالىقتار