شيكىزاتقا زارۋلىك باسىم

سەناتورلار اۋەلى جامبىل اۋدانى، ايشا ءبيبى اۋىلىندا ورنا­لاسقان Super Pharm جشس-نىڭ بىررەتتىك مەديتسينالىق بۇيىم­دار شىعاراتىن زاۋىتىنا بارىپ، كاسىپورىننىڭ جۇ­مىسىمەن تانىس­تى. اتالعان كاسىپ­ورىن بۇگىندە 650 ادامدى جۇمىسپەن قامتىپ وتىر. ءوندىرىس ورنى جىل سايىن 15 ميلليون دانا ءبىر رەت­تىك مەديتسينالىق بۇيىمداردى شى­عارادى. بۇدان كەيىن دەپۋتاتتار اسا اۋىلىن­دا­عى «امانگەلدى گوز» جاۋاپ­كەر­شىلىگى شەكتەۋلى سەرىكتەستىگى تاراز فيليالىنىڭ مۇناي وڭ­دەۋ زاۋى­تىندا بولدى. زاۋىت دي­رەكتورى ناريمان يپماعام­بە­توۆ حالىق قا­لاۋلىلارىن نىسان جۇمىسىمەن تانىستىرىپ، بۇگىندە زاۋىتتا تۋىنداپ وتىرعان شيكىزات ماسەلەسى تۋرالى ايتتى. سونداي-اق زاۋىت ديرەكتورىنىڭ ءوندىرىس بويىنشا ورىنباسارى بولاتبەك بۋحبانوۆ تا كاسىپورىن مۇناي ءونىمىن قىم­بات باعاعا الىپ وتىرعانىن، بۇل زاۋىت­تىڭ تولىق مۇمكىندىگىندە جۇ­مىس ىستەي الماي كەلە جاتقانىن جەتكىزدى. ءوز سوزىندە سەنات دەپۋتاتتارى بەكبولات ورىنبەكوۆ، باقتى­باي شەلپەكوۆ بۇل ماسەلەنى ۇكىمەت نازارىنا جەتكى­زەتىنىن ايتتى.

جامبىل وبلىسىنا جۇمىس ساپارى بارىسىندا سەناتورلار بايزاق اۋدانىنا دا باردى. اۋەلى دەپۋ­تات­­­تار مىرزاتاي اۋىلىنداعى قۇس ەتىن وندىرە­تىن «اۋليە-اتا – فە­نيكس» جا­ۋاپ­كەرشىلىگى شەكتەۋلى سە­رىك­­تەس­تىگىندە بولىپ، كاسىپورىن جۇ­­مى­سىن كوردى. اتالعان كا­سىپ­­­ورىن «حالال» ستاندارتى بو­يىن­­شا جوعارى ساپالى قۇس ەتىن شى­­عارادى. باستاپقى كەزەڭ­دە 4 مىڭ تونناعا دەيىن برويلەر ەتىن شىعارسا، بۇگىندە ءونىم كولەمى ەكى ەسەگە ۇلعايعان. بۇدان كەيىن دەپۋتاتتار «جامبىل وبلىسى حالقىنىڭ تابىسىن ارتتىرۋ» پيلوتتىق جوباسى اياسىندا تالاس اۋىلىنداعى «قوستوبە-2019» اۋىل شارۋاشىلىعى وندىرىس­تىك كووپەراتيۆىندە بولدى. مۇندا حالىق قالاۋلىلارى اۋىلداردى دامىتۋ بويىنشا مەملەكەتتىك باعدارلامالاردىڭ ورىندالۋ بارىسىمەن دە تانىستى. سونداي-اق پارلامەنت سەناتى قارجى جانە بيۋد­جەت كوميتەتىنىڭ مۇشەلەرى جام­بىل وبلىسىنداعى اۋدان اكىم­دىك­تە­رىنىڭ جانە مەملەكەتتىك كىرىس­تەر دەپارتامەنتىنىڭ وكىلدەرىمەن رە­فەرەندۋم ماسەلەلەرى بويىنشا دا بىرقاتار كەزدەسۋ وتكىزدى. كەزدەسۋ بارىسىندا سەناتور عۇمار دۇيسەم­باەۆ مەملەكەت باسشىسى رەفەرەندۋم وتكىزۋگە ۇسىنىس جاساعانىن، ەندى وعان ەلىمىزدىڭ ءاربىر تۇرعىنى قاتىسىپ، ءوز ۇستانىمىن ءبىلدىرۋى كەرەك­تىگىن، داۋىس بەرۋ قورىتىندىسى نەگىزىندە پارلامەنتتىڭ الدىندا كونستيتۋتسيالىق زاڭداردى قابىلداۋ بويىنشا اۋقىمدى جۇمىستار تۇرعانىن اتاپ ءوتتى.

سونىمەن قاتار دەپۋتاتتار بيۋد­جەتارالىق قاتىناستاردى قالىپتاستىرۋ ماسەلەلەرى بويىنشا دا وتىرىس وتكىزدى. كوميتەت حات­شىسى سۇلتانبەك ماكەجا­نوۆ مەملەكەتتىڭ ەكونوميكالىق دامۋى مەن جاڭا قازاقستاندى قالىپتاستىرۋدا بيۋدجەتارالىق قاتىناستاردى قالىپتاستىرۋ­دىڭ ماڭىزى زور ەكەنىن اتاپ ءوتتى. سونداي-اق وڭىرگە جۇمىس ساپا­رى بارىسىندا سەنات دەپۋتاتتارى تاراز قالاسىنداعى «قازفوس­فات» جاۋاپكەرشىلىگى شەكتەۋلى سەرىكتەستىگىنىڭ «مينەرالدى تى­ڭايتقىشتار» زاۋىتى، «قانت زاۋىتى» سياقتى بىرقاتار مەكەمە­گە بارىپ، كاسىپورىنداردىڭ جۇ­مى­سىمەن، ۇجىمنىڭ تىنىس-تىر­شىلىگىمەن تانىستى.

جامبىل وبلىسى