ىندەت كەزىندە تىنىشتىق تا ەم

ال «سارى ايماققا» پاۆلودار جانە اقسۋ قالالارى، ۋسپەن، تە­رەڭ­كول، جەلەزين جانە ەرتىس اۋدان­دارى وتسە، «جاسىل ايماق­قا» اق­توعاي، پاۆلودار، ماي، شار­باقتى اۋداندارى ەنگەن.

سوڭعى تاۋلىكتە ىندەت جۇق­تىرعان 87 ادام تىركەلگەن (پاۆ­لوداردا – 50، ەكىباستۇزدا – 15، اق­سۋدا – 6 ادام)، ونىڭ 85-ءى دەرتتىڭ سيمپ­تومدىق تۇرىنە شالدىققان. قازىر وبلىس بويىنشا ستاتسيوناردا 731 ادام ەمدەلۋدە.

– جالپى، اۋرۋحانالارداعى توسەكتىك ورىندار سانى 25 پايىزعا قىسقارتىلدى. قازىر 342 مىڭنان استام ادام 1 كومپونەنتپەن ەگىل­سە، 317 مىڭنان استام ادام ەكى كوم­پو­نەنتتى قابىلداعان. وبلىس­قا ەكى كومپونەنتتى Pfizer ۆاك­تسيناسىنىڭ 29 250 دوزاسى اكە­لىنگەن. بۇگىندە ەكپە العان 1 726 ادامنىڭ 1 155-ءى – ءجاس­وسپىرىم، 61-ءى – جۇكتى ايەل، 510 ايەلدىڭ ەمىزۋلى بالاسى بار. وبلىستا رەۆاكتسينالاۋ باستالعالى 654 ادام ەكپە العان، 58 جۇكتى ايەل ەم قابىلداۋدا، 54 بالا مەديتسينالىق باقىلاۋدا، – دەدى وبلىستىق دەنساۋلىق ساقتاۋ باسقارماسىنىڭ  ءبولىم باسشىسى ەرعالى اسىلبەك.

وبلىس ورتالىعىنداعى تەمىر­جول اۋرۋحاناسىنداعى ەمدەۋ ورىندارى جابىلسا، №3 قالالىق اۋرۋ­حانادا توسەك سانى ازايتىلدى. ەپيدەميولوگتاردىڭ باعالاۋى بو­­يىنشا، وڭىردە سىرقاتتانۋدىڭ اپ­تالىق ءوسىمى 22-28 قاراشا ارا­لى­­عىندا 684 جاعدايدى، 29 قاراشا مەن 5 جەلتوقسان ارالىعىندا 596 جاع­دايدى قۇراعان. وبلىستىڭ ۆيرۋ­سو­­لوگيالىق زەرتحانالارى سوڭعى تاۋ­لىكتە 616 پتر تەست وتكىزدى، وڭىردە بار­لىعى 855 310 زەرتتەۋ جۇرگىزىلدى.

بىراق مونيتورينگتىك توپ كا­رانتين تالاپتارىن بۇزعان نى­سانداردىڭ ازايماي تۇرعانىن انىق­تاۋدا. مىسالى 3-6 جەل­توق­سان ارالىعىندا رەيدتىك ءىس-شارا­لارمەن 72 شاعىن جانە ورتا بيزنەس نىسانى تەكسەرىلگەن.

قالالىق ءماسليحات دەپۋتاتتارى جانە Namys-PVL قوعام­دىق ۇيىمىنىڭ وكىلى مان­سۇر بەلگىباەۆپەن بىرلەسكەن مو­ني­تورينگتىك توپتىڭ جۇمىسى  جال­عاسۋدا. ناتيجەسىندە، وبلىس ور­تالىعىنداعى «حالىققا قىزمەت كورسەتۋ ورتالىعى»، «سبەربانك» اق، «ماناقباي»، «وتاۋ» ساۋدا ۇيلەرى، Royall hall مەيرامحاناسى جانە باسقا دا نىسانداردا 12 شەكتەۋ شارالارى ءتارتىبىن بۇزۋشىلىق انىقتالدى. سونىمەن بىرگە ىندەت كەزىندە ايەلدەرگە قاتىستى قۇقىق بۇزۋشىلىق تا بايقالعان. ۋسپەن اۋدانى اكىمىنىڭ ورىنباسارى ساۋلە جۇنىسپاەۆا ىشكى ىستەر، ىشكى ساياسات، سونداي-اق الەۋمەتتىك قورعاۋ وكىلدەرىنىڭ قاتىسۋىمەن زورلىق-زومبىلىقتان ايەلدەر قۇقىعىن قورعاۋ جونىندەگى كوميسسيانىڭ وتىرىسىن وتكىزدى. اۋداندىق يۋۆەنالدى پوليتسيانىڭ اعا ينسپەكتورى داميرا بۋكاەۆانىڭ ايتۋىنشا، ءىس-شارا بارىسىندا ايەلدەرگە قاتىستى قىلمىستار مەن قۇقىق بۇزۋشىلىقتاردىڭ، وتباسىنداعى زورلىق-زومبىلىقتىڭ الدىن الۋ ماسەلەلەرى تالقىلاندى. ويتكەنى ىندەت تاراعان ۋاقىتتا وتباسىندا تىنىشتىق، تاتۋلىق اسا قاجەت. وتباسىنداعى تىنىشتىق – رۋحاني ەم، كوڭىل قۋانىشى، بالالار ءۇشىن باقىتتى ءومىر سىيلايدى.

پاۆلودار وبلىسى