قوعام • 07 جەلتوقسان، 2021

تۇرعىندارعا بەرىلگەن باسپانا

76 رەت كورسەتىلدى

بىلتىر جامبىل وبلىسىنىڭ اكىمى بەردىبەك ساپارباەۆتىڭ باستاماسىمەن ايماقتا «اسارلاتىپ ءۇي سالۋ» جوباسى قولعا الىنعان بولاتىن. ناتيجەسىندە، اتالعان باستاما ءوڭىر تۇرعىن­دارى تاراپىنان دا قىزۋ قولداۋ تاۋىپ، كوپتەگەن مۇقتاج وتباسى باسپانالى بولىپ جاتىر.

مۇنداي شارالار تاراز قالاسى مەن اۋدانداردا دا جالعاسۋدا. اتالعان جوبا اياسىندا تاراز قالاسىنداعى بىرقاتار جومارت ازامات تا «شالعاي قاراسۋ» تۇر­عىن الابىنان قارالعان جەر تە­لىمىنەن 15 ءۇيدىڭ قۇرىلىسىن باستاعان بولاتىن. جۋىردا ەل تاۋەلسىزدىگىنىڭ 30 جىلدىعىنا وراي، جەتى ءۇي پايدالانۋعا بە­رىلدى. قالعان سەگىز ءۇيدىڭ دە قۇ­رىلىسى جىل سوڭىنا دەيىن اياق­­تالادى دەپ جوسپارلانعان. وبلىس اكىمى ب.ساپارباەۆ تاراز­دىقتاردىڭ قۋانىشىنا ورتاق­تاسىپ، قونىستوي يەلەرىن ارنايى كەلىپ قۇتتىقتادى.

«ەجەلدەن بەرى ەلدىك مۇرات­تى، ۇلتتىق قۇندىلىقتاردى ەرەكشە دارىپتەگەن حالقىمىزدا عاسىرلار بويى كىسىلىكتىڭ كوركەم ۇلگىلەرى قالىپتاسقان. «جۇمى­لا كوتەرگەن جۇك جەڭىل» دەگەندەي، قولدا بارىن ءبىر-بىرىمەن ءبو­لىسىپ، بىرىنە-ءبىرى قامقور، تىلەۋ­لەس بولعان ۇلتتىڭ ۇلىلىعى دا وسىندا. قازاق توپىراعىندا قا­لىپ­تاسقان «اسار» يگى ءداستۇرى سو­نىڭ ءبىر ايعاعى. بۇگىندە ۇلتتىڭ بولمىسىنداعى وسى ءبىر ەرەكشە قاسيەت وبلىسىمىزدا جاڭعىرىپ، جالعاسىن تاۋىپ، تۋعان-تۋىستار مەن اۋىلداستار جيىلىپ مۇقتاج جاندارعا كومەك قولىن سوزۋدا. وعان جەرگىلىكتى بيلىك تە اتسالىسۋدا. ءبىز سوناۋ اشارشىلىق جانە سوعىستان كەيىنگى قيىن جىلدارى دا ءبىر-بىرىمىزگە قول­عابىس ءبىلدىرىپ، بىرلىگىمىزدەن ايىرىل­ماعان ەلمىز. وزگە ۇلت وكىل­دەرىن دە باۋىرىمىزعا باسىپ، مەيىرىمدىلىك تانىتقانبىز. «اسارلاتىپ ءۇي سالۋ» جوباسىنىڭ ماقساتى مۇقتاج جاندارعا ءۇي سالىپ بەرۋ عانا ەمەس، ءوزارا بىر­لىگىمىز مەن ىنتىماعىمىزدى، قوعام­داعى ءوزارا كەلىسىمدى، قام­قورلىقتى ارتتىرۋعا نەگىز­دەل­گەن»، دەدى ب.ساپارباەۆ.

سونداي-اق وبلىس اكىمى قونىس­توي يەلەرىنە باسپانا كىلتتەرىن تاپسىرىپ، ۇيلەردىڭ قۇرىلىسى­نا اتسالىسقان بارشا ازاماتتار­عا، جەكە كاسىپكەرلەر مەن قالا باسشىلىعىنا ريزاشىلىعىن ءبىل­دىردى. ب.ساپارباەۆ ءوز سوزىندە «جومارت تۇلەك»، «تارازعا تار­تۋ» سەكىلدى جوبالارى اياسىن­دا دەمەۋشىلەر ەسەبىنەن اتقا­رى­لىپ جاتقان جۇمىستاردىڭ ناتي­جەلەرىنە دە توقتالدى.

باسپانالى بولعان تۇرعىندار اتىنان ايدا ابدەزوۆا ءسوز الىپ، ءوزى سەكىلدى تالاي جىل پاتەر جالداپ كەلگەن وتباسىلار، كوپبالالى انالار ءۇشىن بۇل ۇلكەن كومەك، تاماشا تارتۋ ەكەنىن ايتىپ، وبلىس باسشىلىعىنا جانە بۇل ىسكە اتسالىسقان بارشا جاندارعا العىس ايتتى. بۇگىندە اتالعان تۇر­عىنجاي الابىندا ينجەنەرلىك-ينفراقۇرىلىمدىق ماسەلەلەرى دە وڭىنان شەشىلۋدە. ەڭ باستى­سى، جارىق پەن گاز تارتىلعان. ­كە­لەسى جىلى تازا اۋىز سۋ مەن جول ما­سە­لەسى تۇبەگەيلى شەشىلەتىن بو­لا­دى. جاقىن ماڭنان جاڭا مەكتەپ تە سالىنۋدا. پايدالانۋ­­عا بە­رىلگەن ءۇش بولمەلى ءار ءۇيدىڭ اۋماعىندا سەگىز سوتىق جەرى بار. ال ۇيلەردىڭ اۋلالارىنا تاق­­­­تاتاستار توسەلىپ، قورشاۋ دا ورنا­­تىلعان. سونىمەن قاتار ءار بول­مە قاجەتتى جيھازدارمەن جاب­دىقتالىپ، تۇرمىستىق زاتتار­مەن دە قامتىلعان.

جالپى، وبلىس بويىنشا «اسار­لاتىپ ءۇي سالۋ» جوباسى اياسىن­دا بىلتىر 99 ءۇي سالىن­سا، بيىل 133 ءۇي تۇرعىزۋ جوس­پار­لانعان. ال بۇگىنگە دەيىن 75 ءۇي­دىڭ قۇرىلىسى اياقتالعان. قال­عان ۇيلەر جىل سوڭىنا دەيىن پاي­دا­لانۋعا بەرىلەدى. بۇدان كە­يىن وبلىس اكىمى ب.ساپارباەۆ اتال­عان تۇرعىن الاپتا سالىنىپ جات­قان 600 ورىندى جاڭا مەك­تەپتىڭ قۇرىلىسىن بارىپ كوردى. مەردىگەر – «تەمىر ستروي سەرۆيس ي كو» جشس. بۇگىندە قۇرىلىس جۇ­مىستارىنىڭ باسىم بولىگى اياق­تالعان. اتالعان نىسان كەلەسى جىل­دىڭ باسىندا پايدالانۋعا بە­رىلمەك. ءوز سوزىندە ب.ساپارباەۆ جۇمىستى ساپالى ءارى جەدەلدەتىپ جۇرگىزۋدى تاپسىردى. سونىمەن قا­تار ءبىلىم وشاعىنىڭ ىشكى جانە سىرت­قى ارلەۋ جۇمىستارىنا ايرىقشا دەن قويۋ كەرەكتىگىن باسا ايتىپ، جاۋاپتىلارعا ناقتى تاپسىر­ما بەردى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار