ايماقتار • 04 جەلتوقسان، 2021

كرەاتيۆتى كىتاپ دۇكەنى

173 رەت كورسەتىلدى

كەنشىلەر استاناسىنداعى اباي اتىنداعى وبلىستىق بالالار كىتاپحاناسىنىڭ ىشىنەن Qasym ءkىtaphanasy سەريا­سىمەن شىعاتىن كىتاپتاردىڭ ارنايى دۇكەنى اشىلىپ، وقىرمان قاۋىمعا ساپالى قىزمەت كورسەتە باستادى.

جوبا اۆتورلارى دۇكەننىڭ ىشكى ديزاينىنا ەرەكشە ءمان بەر­گەن. ولاردىڭ ايتۋىنشا، مۇن­دا كەلگەن ادامدار قۇستىڭ ۇيا­سىنداي جى­لىلىقتى، قىزدىڭ جيعان جۇگىندەي ۇقىپتىلىق پەن ادە­مىلىكتى بىردەن سەزىنەدى.

راسىندا دا، دۇكەن ىشىندەگى تۇسقاعازدىڭ رەڭى، قابىرعاداعى ۇلى سۋرەتكەرلەردىڭ پورترەتتەرى، ءساندى كىتاپ سورەلەرى، ونداعى اسەم بەزەندىرىلگەن كىتاپتار وقىرمان قاۋىمدى بىردەن باۋراپ، ولاردىڭ كوڭىل كۇيىنە ادەمى اسەر سىيلايدى.

Qasym ءkىtaphanasy دۇكەنىنە كەلگەن ادام وسى جەردەن «قاسىم باسپا ءۇيى» جشس شىعارعان كى­تاپتاردى ساتىپ الا الادى. سو­نى­مەن بىرگە وقىرماننىڭ بولمە ىشىنە قويىلعان ۇستەل باسىندا كوفە نەمەسە شاي ىشە وتىرىپ، وزىنە ۇناعان كىتاپتى تەگىن وقۋ مۇمكىندىگى بار.

– دۇكەننىڭ ەڭ باستى ميسسياسى – قازاقتىلدى وقىر­مانداردى كى­­­تاپ وقۋ مادەنيەتىنە ۇي­رەتۋ، – دەي­­دى جوبا اۆتور­لارىنىڭ ءبىرى، بەل­گىلى كاسىپكەر ەر­لان ءاشىم.

جاڭا كىتاپ دۇ­كەنىندە ءۇش ادام تۇ­راقتى جۇمىس ىس­تەيدى. ولار­دىڭ ءبىرى كى­تاپ ساتۋمەن اينالىسسا، ەكىنشىسى كەلۋ­شىلەرگە ءدام­دى كوفە مەن شاي ۇسىنادى. ال ءۇشىن­شى قىزمەتكەر وقىرماندى قالاۋىنا قاراي فوتوعا ءتۇسىرىپ وتىرادى.

كىتاپ دۇكەنىنە العاشقىلاردىڭ ءبىرى بولىپ باس سۇققان اسحات قا­جىتاي ەسىمدى وقىرمان مۇنداعى قوناقجاي پەيىلدىڭ وزىنە قاتتى ۇناعانىن ايتادى.

– كرەاتيۆكە تولى قۇتحانا ەكەن. شاي ىشتىك، كىتاپ جايلى پىكىر الماس­­تىق. ءوزىم جەكە كىتاپحانامدى تاكەن الىمقۇلوۆتىڭ «تەلقوڭىر» تۋىندىسىمەن تولىقتىردىم، – دەيدى ول.

جوبا اۆتورلارى جالعىز عانا وسى دۇكەنمەن شەكتەلىپ قالماي، الداعى ۋاقىتتا قاراعاندىنىڭ باسقا اۋداندارىنان جانە وزگە دە قالالاردان ءدال وسىنداي كرەاتيۆتى ساۋدا نۇكتەلەرىن اشۋدى جوسپارلاپ وتىر.

 

قاراعاندى

سوڭعى جاڭالىقتار

دوللار ارزاندادى

ەكونوميكا • بۇگىن، 16:42

ۇقساس جاڭالىقتار