امسق: كت/مرت ارقىلى كورسەتىلگەن قىزمەت كولەمى ارتتى

قىزمەت جەتكىزۋشىلەر كوبەيسە، قولجەتىمدىلىك ارتادى

مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزگەنگە دەيىن كت جانە مرت قىزمەتتەرىن ۇسىنۋ تۇراقتى تۇردە قارجىلاندىرىلمايتىن. ءوز اۋماعىنىڭ اۋرۋحاناسىندا نەمەسە ەمحاناسىندا كەزەكتە تۇرعان ازاماتتار كت نەمەسە مرت-دان ءوتۋ مۇمكىندىگىن كەيدە بىرنەشە ايلار بويى كۇتەتىن.

جاعداي قالاي وزگەردى؟ 2020 جىلى كت بويىنشا الەۋمەتتىك مەديتسي­نا­لىق ساقتاندىرۋ قورىنىڭ قىز­مەت جەتكىزۋشىلەرى 135 مەديتسينالىق ۇيىم بولسا، بيىل 190 مەديتسينالىق ۇيىم بار. بىلتىر مرت قىزمەتىن جەتكىزۋشىلەر سانى 95 بولسا، بيىل 121 مەديتسينالىق ۇيىم وسى دياگنوستيكا بويىنشا قىزمەت كورسەتەدى. بۇل ءۇردىس الداعى جىلدارى دا جالعاسادى. ويتكەنى قور ولاردى نارىققا جاقىنداتۋ جانە جەكە قىزمەت جەتكىزۋشىلەردى تارتۋ ماقساتىندا تولەم تاريفتەرىن كوتەرۋدى قولدايدى. قازىر كوپتەگەن ەلدى مەكەندە كت/مرت جەكە كابينەتتەرى اشىلۋدا، ولاردىڭ كەيبىرى قىزمەتتەرگە دەگەن جوعارى سۇرانىستى ەسكەرە وتىرىپ، تاۋلىك بويى جۇمىس ىستەيدى.

نۇر-سۇلتان قالاسىندا ءمامس جۇيەسىندە كت قىزمەتتەرى بويىنشا 17 مە­ديتسينالىق ۇيىم جانە مرت بو­يىنشا 11 مەديتسينالىق ۇيىم جۇ­مىس ىستەيدى. ايتا كەتەيىك، ايماقتار­دا قاجەتتى مەديتسينالىق قىزمەتتەر­دىڭ قولجەتىمدىلىگىن قامتاماسىز ەتۋ جەر­گىلىكتى اتقارۋشى ورگانداردىڭ قۇزى­رەتىنە كىرەدى. سوندىقتان ايماق­تاردىڭ مەديتسينالىق قۇرال-جاب­دىقتارمەن جابدىقتالۋ موني­تو­رين­گىن جانە قىزمەت جەتكىزۋشىلەر­دىڭ قا­تىسۋى بويىنشا قاجەتتى جۇمىس­تاردى جەرگىلىكتى دەنساۋلىق ساقتاۋ باسقارمالارى جۇرگىزەدى.

قارجىلاندىرۋ ارتقان سايىن سۇرانىس تا وسەدى

بيىل كت جانە مرت قىزمەتتەرىن كورسەتۋ بويىنشا جاسالعان شارت­تاردىڭ سوماسى 2 ەسەگە جۋىق ءوستى. ەگەر 2020 جىلى بۇكىل ەل بويىنشا شارت­تاردىڭ سوماسى شامامەن 706 ملن تەڭگەنى قۇراسا، 2021 جىلعى 1 قاراشاداعى جاعداي بويىنشا 1،4 ملرد تەڭگەگە دەرلىك شارتتار جاسالدى.

اعىمداعى جىلدىڭ 10 ايى­نىڭ قو­رىتىندىسىنا سۇيەنسەك، كت جانە مرت-عا تيەسىلى، ياعني ەمدەۋشى دارى­گەردىڭ جولداماسى بويىنشا جوس­پار­لى تۇردە، مەديتسينالىق ساق­تان­دىرۋ بويىنشا 46،9 مىڭعا جۋىق قىز­مەت كورسەتىلدى. جالپى، ەل بو­يىن­شا كور­سەتىلگەن قىزمەتتەر سوماسى 2021 جىل­دىڭ قاڭتار-قازان ايلارى ارا­لى­عىندا شا­مامەن 907 ملن تەڭگەنى قۇرادى. سالىستىرمالى تۇردە، وتكەن جىل­دىڭ وسى كەزەڭىندە كت/مرت بو­يىنشا جالپى قۇنى 207،5 ملن تەڭگە بولاتىن بارلىعى 11،4 مىڭ قىزمەت كورسەتىلدى. وسىلايشا، كورسەتىلگەن قىزمەتتەر كو­لەمى 4 ەسەدەن استام ءوستى.

ءمامس ارقىلى توموگرافيادان قالاي تەگىن وتۋگە بولادى؟

ناۋقاسقا كەز كەلگەن دياگنوس­تيكا­لىق پروتسەدۋرانى ەمدەۋشى دارى­گەر تاعايىندايدى. ول ناۋقاستىڭ جاع­دايىن، شاعىمدارىن، اۋرۋدىڭ بەلگى­لەرىن زەردەلەيدى. ءتيىستى كورسەتكىشتەر بولعان جاعدايدا دارىگەر كت نەمەسە مرت تۇسۋگە جولداما بەرەدى. بۇل قىز­مەتتى جوسپارلى تۇردە الۋ ءۇشىن ءمامس جۇيەسىندە پاتسيەنتتىڭ «ساقتان­دىرىلعان» مارتەبەسى بولۋى ءتيىس.

ەگەر كت/مرت قىزمەتتەرىن الۋعا قاتىستى سۇراقتارىڭىز بولسا نەمەسە ءسىز وسى قىزمەتتەرگە قول جەتكىزە ال­­­ماساڭىز، وندا ءوز ەمحاناڭىزداعى ەم­دە­لۋشىنى قولداۋ قىزمەتىنە حابار­لاسۋىڭىزعا بولادى. سونداي-اق ءوز ايماعىڭىزدا توموگرافيادان ءوتۋ مۇمكىندىگى بولماي، ۇزاق كۇتكەن جاع­دايدا، ءسىز ءوز ايماعىڭىزدىڭ دەنساۋلىق ساق­تاۋ باسقارماسىنان جاعدايدى ناق­تىلاي الاسىز. ەگەر ماسەلەنى سول جەردە شەشۋ مۇمكىن بولماسا، وندا الەۋمەتتىك مەديتسينالىق ساقتاندىرۋ قورىنا وزىڭىزگە ىڭعايلى تاسىلمەن: fms.kz رەسمي سايتى، 1406 بايلانىس ورتالىعى، Telegram-داعى 24/7 Qoldau جانە SaqtandyryBot ءموبيلدى قوسىمشاسى ارقىلى ءوتىنىش-شاعىم قالدىرا الاسىز.