ازاماتتىق فورۋم ءوز دەڭگەيىندە ۇيىمداستىرىلۋى ءتيىس

«قوعام مەن مەملەكەتتىڭ تۇراقتى دامۋى مۇددەسىندەگى ارىپ­تەستىكتىڭ 30 جىلدىعى» مە­رەي­تويلىق X ازاماتتىق فو­رۋمى 2021 جىلعى 22-26 قارا­شا ارالىعىندا وتەدى. فو­رۋم­نىڭ ءىس-شارالارى دەمو­كرا­تيالىق پروتسەستەردى دامىتۋ، قازاقستاندا بۇۇ-نىڭ تۇراقتى دامۋ ماقساتتارىن ىسكە اسىرۋ ما­سەلەلەرىنە، سونداي-اق سوتسي­ۋم­نىڭ، مەملەكەت پەن بيز­نەستىڭ ولارعا قول جەت­كىزۋدەگى نەگىزگى مىن­دەتتەرىنە ارنالادى. فو­رۋم باعدارلاماسى كوپتەگەن تاقى­رىپ­تى، ساراپشىلار مەن قاتى­سۋشىلاردى قام­تيدى. سونداي-اق فورۋم اياسىندا 30-دان استام پى­كىرتالاس الاڭى، ساراپتامالىق تال­قىلاۋ، فاسيليتاتسيالىق جانە پا­نەلدىك سەسسيا ۇيىم­داس­تىرىلادى.

فورۋم قارساڭىندا جانە اپتا بويى مينيسترلەردىڭ ازا­مات­تىق قوعام وكىل­دەرىمەن كەزدە­سۋ­لەرى، اكىمدەردىڭ وڭىر­لەر­دەگى ۇەۇ وكىلدەرىمەن كەز­دەسۋلەرى، شا­عىن گرانتتار جوبا­لارىنىڭ تا­نىس­تىرىلىمى، سون­داي-اق «ۇەۇ سىيلىعى» مەن «تاڭ­داۋ» سىي­لى­عىن سالتا­ناتتى تۇردە تاپسىرۋ ءراسىمى ۇيىمداستىرىلادى.

ماديار قوجاحمەتتىڭ اي­تۋ­ىن­شا، فورۋمنىڭ مازمۇندى باع­­دارلاماسى ازا­ماتتىق قوعامدا تۋىنداعان بارلىق پروب­­لەمالىق ماسەلەنى: قوعام­دىق با­قىلاۋ تەتىكتەرىن جەتىل­دىرۋدەن باس­تاپ، الەۋمەتتىك سالا­نىڭ، تسيفر­لاندىرۋدىڭ، ءبىلىم بەرۋ جانە دەنساۋلىق ساقتاۋ جۇيەلەرىنىڭ وزەكتى ماسەلەلەرىن شە­شۋگە دەيىن قامتۋعا مۇمكىندىك بەرەدى. ول: «2003 جىلى ەلبا­سى­نىڭ باستاماسىمەن وتكەن قا­زىر­گى ازاماتتىق فورۋم تاۋەلسىزدىگىمىزدىڭ 30 جىل­دىعى بەل­گىسىمەن وتۋدە»، دەدى.

قازاقستاننىڭ ازاماتتىق اليان­سىنىڭ پرەزيدەنتى بانۋ نۇرعازيەۆا: «مەملەكەت پەن ۇكى­مەتتىك ەمەس سەكتوردىڭ ءوزارا ءىس-قي­مىلى سالاسىنداعى ەل­دىڭ ەڭ ءىرى وقيعاسىنىڭ نەگىزگى يدەياسى – قازاقستاننىڭ ازامات­تىق قوعا­مىنا جاھاندىق كوزقا­راس. ءبىز ازاماتتىق قوعامدى دامى­تۋ­دىڭ وزەكتى ماسەلەلەرىن ەسكەرە وتى­رىپ، تاريحقا، بۇگىنگە جانە بولا­شاققا تالداۋ جاساعىمىز كەلەدى. X ازاماتتىق فورۋمنىڭ ماز­مۇندى باعدارلاماسى بارلىق قاتى­سۋ­شىعا مەملەكەتتىك ور­گاندار مەن ۇەۇ بىرلەسكەن كوو­پەرا­تسيا­سىنىڭ جۇيەلى ماسە­لەلەرى مەن شە­شىمدەرى تۋرالى ايتۋعا مۇمكىندىك بەرەدى»، دەدى.

سونداي-اق بريفينگ سپي­كەر­لەرى ساني­تارلىق-ەپيدەميالىق نور­مالاردى ساقتاۋ قاجەتتىگىن ەس­كەرە وتىرىپ، فورۋم وفلاين جا­نە ونلاين، ياعني گيبريدتى فورماتتا وتە­تىنىن ايتتى. مىسالى، الما­تىدا وتەتىن ءىس-شارالارعا 150 دە­لەگات قاتىسادى. سو­نىمەن قاتار ءىس-شارالاردى وتكىزۋ مۇم­كىن­­دىكتەرى مەن ونلاين فورما­تىنىڭ ارقا­سىندا X ازامات­تىق فورۋم جۇمىسىنا قازاق­­ستان­نىڭ تۇكپىر-تۇكپىرىنەن ۇەۇ، مەملە­كەتتىك ورگاندار، سا­راپ­شىلار قوعام­داستىعى مەن باق-تىڭ بارلىعى 20 مىڭنان استام وكىلى قاتىسادى دەپ كۇتى­لۋدە.

فورۋم اپتالىعىنىڭ ون­لاين-ترانس­لياتسياسى Facebook پا­راق­شاسىندا جانە YouTube ار­ناسىندا جۇرگىزىلەدى. فورۋم سايتىندا مەرەيتويلىق ح ازاماتتىق فورۋمعا تىركەۋ اشىلدى.