الەم • 15 قاراشا، 2021

ۇيىم اتاۋى وزگەردى

47 رەت كورسەتىلدى

ورتالىق  ازيا جاڭالىق جار­شىسى The Times of Central Asia اگەنتتىگى 12 قاراشادا تۇر­كيانىڭ ىستانبۇل قالا­سىندا تۇركيا پرەزيدەنتى رەجەپ تايىپ ەر­دوعاننىڭ ۇيىمداستىرۋىمەن تۇركى­تىل­دەس مەملەكەتتەردىڭ ىنتىماقتاستىق كەڭە­سىنىڭ (تۇركى كەڭەسى) VIII ءسامميتى وتكە­نىن حابارلايدى.

سامميتتە ءسوز سويلەگەن پرەزيدەنت ر.ەردوعان: ء«بىز ءوزىنىڭ ينستيتۋتسيونالدىق قۇرىلىمىن دامىتىپ، ءوز ايماعىندا جانە ودان تىس جەرلەردە تۇركى مەم­لە­كەتتەرىنىڭ بەدەلىن ارتتىرعان كەڭەسى­مىز­دىڭ اتاۋىن وزگەرتەمىز. البەتتە، بۇل تاريحي وزگەرىس ريتوريكامەن شەك­تەل­مەۋى كەرەك، ونى دا جۇزەگە اسىرۋ كەرەك. حاتشىلىقتىڭ قۇرىلىمى مەن جۇ­مىس ءتارتىبى، سونداي-اق ءبىزدىڭ ساياسي، ەكونوميكالىق جانە الەۋمەتتىك ىنتىماقتاستىعىمىز وتباسىلىق اسسام­بلەيا­نىڭ ينستيتۋتسيونالدىق ساپاسىن كورسەتۋگە ءتيىس»، دەدى.

ساياسي جانە الەۋمەتتىك ىنتى­ماق­تاس­تىق جاع­دايىندا مۇشە ەلدەر ەكو­نو­مي­كا مەن ساۋدا سا­لاسىنداعى ىنتى­ماق­تاستىقتى ءارتاراپتاندىرىپ، نىعاي­تۋ­ى كەرەك ەكەنىن باسا ايتقان پرەزيدەنت ەردوعان: ء«بىز ساۋدا مەن ءوزارا ينۆەستيتسيانى تەز ارادا ارتتىرۋىمىز كەرەك. ءبىز ەلدەرىمىز اراسىنداعى ساۋداداعى بارلىق تاريفتىك ەمەس توسقاۋىلدى الىپ تاستاۋىمىز كەرەك. بۇل تۇرعىدا مەن ساۋدانى جىلجىتۋ ستراتەگياسى تۋرالى قۇجاتقا قول قويۋعا ەرەكشە ءمان بەرەمىن. الايدا ەگەر ءبىز ءبىر-بىرىمىزبەن قۇرلىق، اۋە جانە تەڭىز جولدارىمەن بايلانىسپاساق، ءبىز قا­جەتتى ناتيجەلەرگە قول جەتكىزە المايمىز»، دەدى.

سامميت قورىتىندىسى بويىنشا «تۇركى الەمىنىڭ كەلەشەگى-2040» جانە تۇ­رىكمەنستاننىڭ ۇيىمعا باقىلاۋشى مەم­لەكەت رەتىندە كىرۋى تۋرالى شەشىم ما­قۇلداندى.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار