الەم • 15 قاراشا، 2021

ىنتىماقتاستىقتىڭ ءۇش تۇرىنە ءمان بەرگەن ءجون

13 رەت كورسەتىلدى

ال «ۆەستنيك كاۆكازا» گازەتى تۇر­كى­تىل­دەس مەم­لە­كەتتەردىڭ ىنتى­ماق­تاس­­تىق كەڭەسىنىڭ VIII سام­ميتىنە قا­تىس­قان مەملەكەتتەر باسشىلارى بىر­قا­تار كەلىسىمگە كەلگەنىن جازادى. سام­ميت­تە قاسىم-جومارت توقاەۆ ۇيىم­نىڭ جا­ھاندىق دەڭگەيدە لايىقتى ورنىن الا­تىنىنا سەنىم ءبىلدىردى.

«مەنىڭ پىكىرىم بويىنشا ۇيىمى­مىز، ەڭ الدىمەن، ەكونوميكالىق، گۋماني­تارلىق جانە ەكولوگيالىق ىنتىماق­تاس­تىق­قا باسا ءمان بەرگەنى ءجون. ارىپتەستەرىم بۇل تۇجىرىممەن كەلىسەدى دەپ ويلايمىن. بىرلىگىمىز ءاردايىم بەكەم بولسىن»، دەدى قازاقستان پرەزيدەنتى.

قازاقستان پرەزيدەنتى قازىرگى كۇر­دە­لى جاعدايدا سىن-قاتەرلەردى ەڭسە­رىپ، ورنىقتى دامۋ ءۇشىن كۇش-جىگەر بى­رىك­تى­رۋ­دىڭ، جاڭا تەحنولوگيالاردى يگە­رۋ سالاسىندا ىنتىماقتاستىق ورنا­تۋ­دىڭ اسا ما­­­­­ڭىزدى مىندەت ەكەنىن ايتتى. قاسىم-جومارت توقاەۆ ۇيىمعا مۇشە مەملەكەتتەر جۇمىلا وتىرىپ، بىرلەسىپ ارەكەت ەتۋگە ءتيىس بىرنەشە ماڭىزدى باعىتتى اتادى.

ء«بىز جاڭارتىلاتىن قۋات كوز­دە­رىن دامى­تا بەرەمىز. بۇل مىندەت «جاسىل ەكو­نو­مي­كا­عا» كوشۋ تۋرالى تۇجى­رىم­دا­مادا كورىنىس تاپتى. جوس­پار­لانعان شارالار 2060 جىلعا قاراي كومىرتەگىدەن ارىلۋعا جول اشادى. سونداي-اق الداعى ون جىلدا پارنيكتى گاز شىعارۋدى 15 پايىزعا ازايتۋعا مۇمكىندىك بەرەدى. وسىنىڭ ايا­سىن­دا ءبىز 2025 جىلعا دەيىن 500 مىڭ گەك­تار جەرگە 2 ميلليارد ءتۇپ اعاش وتىر­عىزۋدى جوسپارلاۋدامىز. بۇعان قو­سا قازىر ەلىمىزدەگى جاڭارتىلاتىن قۋاتتىڭ ۇلەسىن 3 پايىزعا جەتكىزدىك. ونى 2030 جىلعا قاراي 15 پايىزعا دە­يىن ارتتىرامىز. سول ماقساتپەن نۇر-سۇل­تان قالاسىندا «جاسىل تەحنولوگيا­لار مەن ينۆەستيتسيالىق جوبالاردىڭ حا­لىق­ارالىق ورتالىعىن» اشتىق»، دەدى قازاقستان پرەزيدەنتى.

سوڭعى جاڭالىقتار

ۇقساس جاڭالىقتار