قارجى • 12 قاراشا، 2021

بيرجاداعى بەلسەندىلىك ارتىپ كەلەدى

24 رەت كورسەتىلدى

قازان ايىندا استانا حالىقارالىق قارجى ورتالىعىنىڭ بيرجاسىنداعى (Astana International Exchange – AIX) ساۋدا-ساتتىقتىڭ جالپى كولەمى 14 349 200 دوللاردى قۇرادى. كورسەتكىش وتكەن ايمەن سالىستىرعاندا 30،74 پايىزعا تومەندەگەن.

ينفوگرافيكانى جاساعان امانگەلدى قياس، «ەQ»

بىلتىرعى كورسەت­كىش­تەرى­مەن سالىستىرعاندا بير­جا­داعى بەلسەن­دىلىك ارتىپ كەلە­دى. 2021 جىلدىڭ قاڭتار-قازان ارالى­عىنداعى ساۋدا-ساتتىق كولەمى تۋرا ءبىر جىل بۇرىنعى جاعدايعا قارا­عاندا 3،6 ەسە ۇلعايىپتى.

قازان ايىنىڭ سوڭىنداعى جاعداي بويىنشا AIX-ءتىڭ رەسمي تىزىمىنە 66 ءتۇرلى ەميتەنتتىڭ 111 باعالى قاعاز شى­عارىلىمى ەنىپ وتىر. ونىڭ ىشىندە 2 ETF (Exchange traded Funds) جانە 15 ETN (Exchange traded notes) شىعارىلىمدارى بار. بيرجانىڭ ساۋدا مۇشەلەرى – 18 قازاقستاندىق جانە 11 حالىقارالىق بروكەر. AIX-ءتىڭ ورتالىق دەپوزيتاريىندە ينۆەستورلاردىڭ 155 مىڭنان استام شوتى اشىلعان.

قازان ايىندا AIX-ءتىڭ رەسمي تىزى­مىنە Kaspi.kz حولدينگىنىڭ قا­را­­پا­يىم اكتسيالارى ەندى.

Kaspi.kz-ءتىڭ ساۋدا-ساتتىققا جى­بە­رىل­گەن اك­تسيا­لارىنىڭ جال­پى سانى 199 500 000-ءنىڭ 192 187 223-ءىن قۇرا­دى. وسىلايشا، ەركىن اي­­نا­­­لىم­داعى فينتەح-حولدينگتىڭ قا­را­­­پايىم اكتسيالارىنىڭ 96 پا­يى­­زىنا دەيىنگى بولىگىن AIX ارقى­لى ساتۋ­عا بولادى. بۇل قادام

Kaspi.kz اكتسيالارىنىڭ وتىمدىلىگىن ارتتىرادى دەپ كۇتىلۋدە. سونداي-اق اكتسيونەرلەرگە كومپانيانىڭ قاراپايىم اكتسيالارىن يەلەنۋ جانە ساتۋ ءۇشىن ىڭعايلى بولماق.

سونداي-اق قازان ايىندا AIX-تە «سامۇرىق-قازىنا» ۇلتتىق ءال-اۋقات قورى (500 ملن دوللار) مەن Freedom Finance SPC Ltd كومپانياسىنىڭ (66 ملن دوللار) بورىشتىق قۇرالدارىنىڭ ليستينگى ءوتتى. قور AIX، KASE (قازاقستان قور بيرجاسى) جانە LSE (لوندون قور بيرجاسى) بيرجالارىندا 2 پايىزدىق كۋپون مولشەرلەمەسىمەن جالپى كولەمى 500 ملن دوللار بولاتىن بەسجىلدىق دەبيۋتتىك ەۋرووبليگاتسيالاردى ورنالاستىردى. ونىڭ 57 ملن دوللارى AIX ارقىلى ساۋداعا تۇسپەك. سۇرانىستىڭ ۇسىنىستان ايتارلىقتاي اسىپ ءتۇسۋى مامىلە بويىنشا دياپازوندى 2،5 پايىزدان 2،3 پايىزعا دەيىن تومەندەتۋگە جانە تاۋەلسىز ەۋرووبليگاتسيالارعا رەكوردتىق تومەن سپرەد بەلگىلەي وتىرىپ، 2،25 پايىز مولشەرىندە تۇپكىلىكتى كىرىستىلىكتى تىركەۋگە مۇمكىندىك بەردى.

قازان ايىنىڭ سوڭىندا AIX-تە ۇلەستىك قۇرالدار ليستينگى بار كومپانيا­لاردىڭ («قازاتومونەركاسىپ»، Polymetal، «حالىق بانكى»، Ferro-Alloy Resources Limited، «تسەنتركرەديت بانكى»، Kaspi.kz، Kcell) جالپى نارىقتىق كاپيتالداندىرىلۋى 54 ملرد دوللاردان استى.

وتكەن ايدا AIXQI يندەكسى ىسكە قوسىلعان ساتتەن باستاپ ەڭ جاقسى ناتيجە  كورسەتتى. يندەكس ءمانى 13،8 پايىزعا، ياعني 1 031،61 پۋنكت­تەن 1 173،98 پۋنكتكە دەيىن كوتەرىل­­دى. يندەكستىڭ بارلىق 8 كومپا­­نيا­سى ايدى جاسىل ايماقتا اياقتا­دى. اكتسياسى وسكەن كومپا­نيا­­لار­دىڭ كوشىن «قازاتومونەر­كاسىپ» باستادى – 35،8 پايىز­عا ءوستى. ينۆەستورلاردىڭ كوم­پانيا­عا دەگەن سۇرانىسىنىڭ جوعارى­لىعى ۋران نارىعىنداعى قولايلى بولجام­دار ەسەبىنەن ساقتالىپ وتىر. ونىڭ ىرگەلى پەرسپەكتيۆالارى اقش، قىتاي، ەۋرووداق ەلدەرى جانە رەسەي تارا­پى­نان اتوم ەنەرگەتيكاسىنا دەگەن قى­زى­عۋ­شىلىقتىڭ ءوسۋى ەسەبىنەن جاقساردى.

سونىمەن قاتار توقساندىق ەسەپتى­لىكتى جاريالاۋ اياسىندا Kaspi.kz تە اكتسيالارىنىڭ ايتارلىقتاي وسۋىمەن (23،24 پايىزعا) كوزگە ءتۇستى. Central Asia Metal (11،76 پايىزعا) جانە Polymetal (11،52 پايىزعا) اكتسيالارى دا ءوستى. وسىلايشا، قىتايدا ەنەرگەتيكالىق داعدا­رىس تۋىنداتقان ءتۇستى مەتالل وندىرۋ­شى­لەر كوتيروۆكالارىنىڭ قىركۇيەك­تە ورىن العان جاھاندىق تومەندەۋى بۇل كوم­پانيالارعا اسا ءبىر اسەر ەتە قويمادى.

AIXQI يندەكسىنە كىرەتىن بانك سەكتورى كومپانيالارىنىڭ اكتسيالارى دا جاقسارعان. «تسەنتركرەديت بانكى» اكتسيالارى 9،93 پايىزعا، ال «حالىق بانك» اكتسيالارى 5،14 پايىزعا ءوستى. «قازاقتەلەكوم» (3،14 پايىز) مەن KazTransOil (1،83 پايىز) كومپانيالارى دا شامالى ءوسىم كورسەتتى.

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار