ۇلعايعان ىسىكتى سىلىپ تاستادى

وتادان بۇرىن ناۋقاستا باس اۋرۋى، باس اينالۋ، كورۋ قابى­لە­تىنىڭ تومەندەۋى، ەستە ساقتاۋ قابى­لەتىنىڭ تومەندەۋى، سول جاق اياق-قولدارداعى السىزدىك، سون­داي-اق كونۆۋلسيالىق ۇستا­ما­لار تۋرالى شاعىمدار بولعان. دارىگەرلەردىڭ ايتۋىنشا، ىسىكتىڭ مۇنداي مولشەرى وتە ۇلكەن جانە ناۋقاستىڭ دەنساۋلىعىنا زور قاۋىپ توندىرەدى. ناۋقاسقا كلي­نيكالىق دەكومپەنساتسيا ساتى­سىن­دا ءمۇيىزدى دەنەگە وسۋى­مەن وڭ جاق ماڭداي بولى­گى­نىڭ الىپ گليالدى ىسىگى دياگ­نو­زى قويىلدى. مي پاتولو­گيا­لا­رىنىڭ نەيروحيرۋرگياسى بولىمشەسىنىڭ دارىگەرلەرى «وڭ جاق ماڭداي-توبە-ساماي سۇيەگىنىڭ كرانيوتومياسى، مرت-تراكتوگرافيا جانە نەيروناۆيگاتسيانى قولدانا وتىرىپ، گليال­دى ىسىكتى ميكروحيرۋرگيالىق جول­مەن الىپ تاستاۋ» وتاسىن جا­­سا­دى. التى ساعاتتىق وتا ءساتتى ءوتتى، ىسىك تولىعىمەن الىنىپ تاس­­تالدى.

«ىسىكتىڭ مولشەرى ۇلكەن بولدى، ول ميدى قاتتى قىسقان. بىزگە ساۋ تىندەردى ميلليمەتر بو­يىنشا بولۋگە تۋرا كەلدى. سونى­مەن قاتار  ءبىز ميدىڭ ومىر­لىك ماڭىزدى تامىر­لا­رىن زاقىمداماۋعا ءمان بەر­دىك. بۇل جەردە وسى ايماق­تار­عا زيان كەلتىرمەۋ اسا ما­ڭىز­­دى. ىسىككە نا­زار اۋدارا وتى­رىپ، قيمىل-قوز­عالىسقا جا­ۋاپ بەرەتىن اۋماق­تاردى، سون­داي-اق ۇلكەن ار­تە­ريالاردى اسا ساقتىقپەن اي­نا­لىپ وتتىك. سونداي-اق ىسىكتى جويۋ دال­دى­گى مرت – تراك­تو­گرا­فيانىڭ كومە­گىمەن الدىن الا جاسالعان كوور­دي­نات­تار­عا بايلانىستى بولدى. بۇل ميدىڭ وتكىزگىش جولدارىنىڭ (اق زات تراكتىلەرى) بارىسى مەن قۇرىلىمدىق وزگەرىستەرىن كور­سە­تەتىن جاڭا ءادىس، سونىمەن قاتار اەروناۆيگاتسيالىق جۇيە دە قولدانىلدى. وسىنداي تەح­نو­­لوگيالىق جابدىق ارقىلى جوعا­رىدا اتالعان قۇرىلىمدار مەن اۋماقتارعا قول تيگىزبەدىك جانە ىسىكتى كەيىننەن پاتسيەنتكە نەۆرولوگيالىق مۇقتاجدىق تۋىنداتپايتىنداي ەتىپ الىپ تاستاي الدىق»، دەدى پاتسيەنتتى ەمدەۋشى دارىگەر مۇراتبەك تىلەۋبەرگەنوۆ.

ايتا كەتۋ كەرەك، بۇل وپەراتسيا جوعارى تەحنولوگيالىق مە­ديتسينالىق قىزمەتكە كىرەدى. وتا ءمامس شەڭبەرىندە كۆوتا بويىنشا پاتسيەنتكە تەگىن جاسالدى. مۇنداي حيرۋرگيالىق ارالاسۋ كەزىندە وڭ ناتيجەگە تەك زاماناۋي دياگنوستيكالىق جانە وپەراتسيالىق جابدىقتارى، بىلىكتى ماماندارى بار جوعا­رى مامانداندىرىلعان ورتا­لىق­تاردا عانا قول جەتكىزۋگە بو­­لا­دى. وتانى كوپ جىلدىق تا­­جى­ري­بەسى بار دارىگەرلەر جۇر­گىزدى. اتاپ ايتقاندا، مي پاتو­لو­­گيالارىنىڭ نەيروحيرۋرگيا­سى بولىمشەسىنىڭ مەڭگەرۋشىسى، مەديتسينا عىلىمدارىنىڭ كانديداتى، «ۇنو» اق پروفەسسورى نۇرجان رىسكەلديەۆ جانە نەيروحيرۋرگ-دارىگەر مۇراتبەك تىلەۋبەرگەنوۆ، سونداي-اق انەس­تەزيولوگ-رەانيماتولوگ دا­رى­گەر مارس نۇردينوۆ جانە وتا مەيىرگەرى روزا شاۋەتوۆا قا­تىس­تى.

ۇلتتىق نەيروحيرۋرگيا ور­تا­­لى­عىنىڭ كاسىبي مامان­دا­رى­نىڭ ءتىزىمىن بۇدان ءارى دە جال­عاستىرۋعا بولادى. بۇعان كلي­ني­كانىڭ الەۋمەتتىك جەلىدەگى پا­راقشالارىندا پاتسيەنتتەر قال­دىرعان العىس پەن لەبىزدەر دە دالەل.

ەسكە سالا كەتەلىك، ءمامس ەنگى­زىلگەلى بەرى مەديتسينالىق قىز­مەتتەردىڭ بارلىق ءتۇرىن، سونىڭ ىشىندە قىمبات تۇراتىن جو­عارى تەحنولوگيالىق مەدي­تسي­نالىق قىزمەتتەردى الۋدىڭ قولجەتىمدىلىگى مەن مۇمكىندىگى ارتتى. ءمامس جۇيەسى، جارنا كولەمىنە قاراماستان، ساقتان­دى­رىل­عان ازاماتتاردىڭ بارلىعىنا بىردەي، تەڭ دارەجەدە قىزمەتتەر پاكەتىنە قول جەتكىزۋىنە نەگىز­دەل­گەن. بۇل رەتتە مىندەتتى مە­­­دي­­تسينالىق ساقتاندىرۋ بو­يىن­­شا كومەككە جۇگىنگەن كەزدە پاتسيەنتكە مەديتسينالىق قىز­مەت­تەردىڭ كولەمى مەن قۇنىنا شەك­تەۋ قويىلمايدى.