ايماقتار • 21 قازان، 2021

تاعى ءبىر سپورت نىسانىنىڭ تۇساۋى كەسىلدى

30 رەت كورسەتىلدى

تاريحي تاراز قالاسىنىڭ ساۋلەتتىك كەلبەتىن ارتتىرۋ ماقساتىندا «تارازعا تارتۋ» جوباسى قولعا الىنعان بولاتىن. اتالعان جوبا اياسىندا وبلىس ورتالىعىندا گيمناستيكا جانە ۇستەل تەننيسى سپورت كەشەنى پايدالانۋعا بەرىلدى. جامبىل وبلىسىنىڭ اكىمى بەردىبەك ساپارباەۆ تارازدىقتاردى كەشەننىڭ اشىلۋىمەن قۇتتىقتاپ، مەملەكەت باسشىسىنىڭ جولداۋىن ىسكە اسىرۋ شەڭبەرىندە وڭىردە بۇقارالىق سپورتتى دامىتۋ ماقساتىندا اۋقىمدى شارالار اتقارىلىپ جاتقانىن ايتتى.

ء«اربىر مەملەكەتتى، ۇلتتى الەمگە تانىتاتىن، ابىرويىن ارتتىراتىن بىردەن-ءبىر دۇنيە – سپورت. تاۋەلسىزدىك جىلدارى قازاقستاننان تالاي وليمپيادا، الەم، ازيا چەمپيوندارى شىق­تى. مەملەكەت باسشىسىنىڭ تاپ­سىرماسىنا سايكەس، وڭىردە بۇقا­رالىق سپورتپەن جۇيەلى تۇر­دە شۇعىلداناتىنداردىڭ كور­سەتكىشى ارتىپ كەلەدى. بۇگىندە ولاردىڭ سانى 400 مىڭعا جۋىق­تاپ، 34،4 پايىزدى قۇراسا، ءبىز بۇل كورسەتكىشتى 40 پايىزعا جەتكىزۋدى كوزدەپ وتىرمىز. جاستارىمىز سپورتپەن اينالىسىپ، جات ادەتتەردەن اۋلاق بولۋى ءتيىس. ول ءۇشىن جەرگىلىكتى بيلىك جاعداي جاساۋ قاجەت. جىل سايىن جاڭادان سپورت كەشەندەرى بوي كوتەرىپ، حالىق يگىلىگىنە بەرىلۋدە. وتكەن جىلى 14 دەنە شىنىقتىرۋ-ساۋىقتىرۋ كەشەنى جانە 92 سپورت الاڭى قولدانىسقا بەرىلدى. وبلىسىمىزدا العاش رەت اشىلىپ وتىرعان گيمناس­تيكا جانە ۇستەل تەننيسى سپورت كەشەنىن سالىپ بەرگەن جەكە ينۆەستور «تارازستروي2004» جشس باسشىسى مەيىربەك جۇنىسوۆكە العىسىمىزدى بىل­دى­رەمىز. مۇنداي زاماناۋي نىساندا جاتتىققان بالالار ەرتەڭ چەمپيون اتاناتىنىنا سەنەمدىمىز»، دەدى ب.ساپارباەۆ. ال، ۇستەل تەننيسىنىڭ ارداگەرى اناتولي گونچاروۆ بۇگىندە ەلىمىزدە سپورتتىڭ بۇل ءتۇرى جاقسى قولعا الىنىپ، دامىپ كەلە جاتقانىن ايتا كەلىپ، جاڭا عيماراتتىڭ جابدىقتالۋىن جوعا­رى باعالادى. «ۇستەل تەننيسى – بۇل الەمدەگى ەڭ تانىمال جانە 850 ملن-نان استام جانكۇيەرى بار وليمپيادالىق سپورت ءتۇرى. وبلىسىمىزدا اۋەسقوي دەڭگەيدە ۇستەل تەننيسىمەن  9 734 سپورتشى، كاسىبي دەڭگەيدە 640 سپورتشى جانە 21 جاتتىقتىرۋشى اينالىسادى. بۇگىنگى اشىلىپ وتىرعان كەشەن سپورتشىلاردىڭ كاسىبي وسۋىنە جانە شۇعىلدانۋشىلار كونتينگەنتىن ارتتىرۋعا جاعداي جاسايدى دەپ سەنەمىز»، دەدى ول. سونىمەن قاتار اكروباتيكا جانە باتۋتتاعى گيمناستيكادان سپورت ارداگەرى ولگا نازاروۆا كەڭ ءارى جوعارى دەڭگەيدە جابدىقتالعان زال گيمناستيكانى ءتيىستى دەڭگەيدە دامىتۋعا جانە بالالاردى دەنە شىنىقتىرۋ مەن سپورتقا جاپپاي تارتۋعا مۇمكىندىك بەرەتىنىن جەتكىزدى.

ايتا كەتەيىك، مۇندا وقۋ-جات­تىعۋ ساباقتارىن، شەبەر­لىك سى­نىپتارىن وتكىزۋ ءۇشىن كاسىبي سپورتشىلار مەن جاتتىق­تى­رۋ­شىلاردى تارتۋ جوسپارلانۋدا. ال سىيىمدىلىعى 600 ادامدى قۇرايتىن كەشەن ەكى ۇلكەن سپورت زالدان تۇرادى. جالپى قۇنى 1،5 ملرد تەڭگە بولاتىن جوبا قۇ­رى­لىسى بيىل ناۋرىز ايىندا باس­تالىپ، بۇگىندە تولىعىمەن اياقتالعان.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار