الەم • 21 قازان، 2021

باسقا باسىلىمدارعا شولۋ

25 رەت كورسەتىلدى

Facebook اتاۋىن وزگەرتۋى مۇمكىن

Facebook كەلەسى اپتادا كومپانيا اتاۋىن وزگەرتۋدى جوس­پارلاپ وتىرعانى بەلگىلى بولدى. بۇل تۋرالى The Verge وسىعان تىكەلەي قاتىسى بار دەرەككوزگە سىلتەمە جاساي وتىرىپ مالىمدەدى.

باس ديرەكتور مارك تسۋكەربەرگ بۇل جاڭالىقتى 28 قازاندا، كومپانياسىنىڭ جىل سايىنعى Connect كونفەرەنتسياسىندا ايتۋى مۇمكىن. بۇل وزگەرىس تەحنولوگيالىق الىپتىڭ تەك الەۋمەتتىك جەلىلەر مەن وعان بايلانىستى تۋىنداعان ماسەلەلەر ارقىلى تانىمال بولعىسى كەلمەيتىنىن بىلدىرەدى.

رەبرەندينگ جوسپارى بويىنشا كوك ءتۇستى Facebook قوسىمشاسىن كومپانيا باسقاراتىن Instagram، WhatsApp، Oculus سەكىلدى وزگە دە ونىمدەردىڭ ءبىرى دەپ كورسەتۋى مۇمكىن. الايدا Facebook وكىلى بۇل تۋرالى سۇراققا جاۋاپ بەرۋدەن باس تارتقان.

Facebook-تە قازىردىڭ وزىندە AR كوزىلدىرىگى سياق­تى تۇتىنۋ­شىلىق جابدىقتى جاسايتىن 10 مىڭنان اسا قىزمەتكەر جۇمىس ىستەيدى. تسۋكەربەرگتىڭ پىكىرىنشە، بۇل كوزىلدىرىكتەر سمارتفوندار سياقتى تانىمال بولماق.

شىلدە ايىندا ول The Verge-گە كەلەسى بىرنەشە جىل ىشىندە «ادامداردىڭ ءبىزدى مەتا كومپانيا رەتىندە كورە باستاۋىنا جۇمىس ىستەيمىز» دەگەن-ءدى.

Facebook كومپانيا باعىتى مەن ماقساتىنىڭ كەڭەيۋىنە بايلانىستى ءوزىنىڭ اتاۋىن وزگەرتەتىن العاشقى تانىمال تەحنولوگيالىق كومپانيا ەمەس.

 

نيۋ-يوركتە بەلارۋستىڭ باس كونسۋلدىعى جابىلدى

بەلارۋستىڭ نيۋ-يوركتەگى باس كونسۋلدىعى پرەمەر-مينيستر رومان گولوۆ­چەنكو قول قويعان رەس­پۋبليكا مينيسترلەر كەڭەسىنىڭ قاۋلىسىنا سايكەس جابىلدى.

ءتيىستى قۇجات سارسەنبىدە ۇلتتىق قۇقىقتىق ينتەرنەت-پورتالدا جاريالانعان. قۇجاتتا «بەلارۋس رەسپۋبليكاسىنىڭ نيۋ-يورك قالاسىنداعى (امەريكا قۇراما شتاتتارى) باس كونسۋلدىعى 2021 جىلعى 20 قازانعا دەيىن جابىلسىن»، دەلىنگەن.

باس كونسۋلدىق بۇعان دەيىن 21 قازاندا امەريكالىق تاراپتىڭ ءوتىنىشى بويىنشا جۇمىسىن توقتاتاتىنىن حابارلاعان. باس كونسۋلدىقتىڭ كونسۋلدىق وكرۋگىنىڭ اۋماعىندا تۇراتىن بەلارۋس ازاماتتارى، كانادانى قوسا العاندا، ديپلوماتيالىق مەكەمە جابىلعاننان كەيىن رەسپۋبليكانىڭ اقش-تاعى ەلشىلىگىنە جۇگىنە الادى.

مينسكىگە قارسى اقش سانكتسيالارىنىڭ قايتا باستالعانىنا وراي بەلارۋس سىرتقى ىستەر مي­نيسترلىگى اقش-قا 1 قىركۇيەككە دەيىن مينسكىدەگى ەلشىلىگىن بەس ادامعا دەيىن قىسقارتۋدى ۇسىندى. سونداي-اق بەلارۋس تارابى دجۋلي فيشەردى اقش-تىڭ بەلارۋستەگى ەلشىسى ەتىپ تاعايىنداۋعا بۇرىن بەرىلگەن كەلىسىمدى كەرى قايتارىپ الدى.

 

گلازگوداعى كليمات تۋرالى جيىنعا بارمايتىن بولدى

كرەمل سارسەنبىدە رەسەي پرەزيدەنتى ۆلا­ديمير ءپۋتيننىڭ گلازگو­داعى COP26 كليمات سامميتىنە قاتىس­پايتىنىن حابارلاعان.

جيىنعا قاتىسپاۋىنىڭ سەبەبى ناقتى كورسەتىلمەگەنىمەن، كرەمل وكىلى كليماتتىڭ وزگەرۋى رەسەي ءۇشىن ماڭىزدى ماسەلە ەكەنىن اتاپ ءوتتى.

COP26 ءسامميتى 31 قازاننان 12 قاراشاعا دەيىن شوتلانديانىڭ ەڭ ءىرى قالاسىندا وتەدى.

رەسەي باسشىسىنىڭ اتالعان سامميتكە بارماۋى كوشباسشىلاردىڭ جاھاندىق تەمپەراتۋرانىڭ كوتەرىلۋىن توقتاتۋ ءۇشىن جاڭا كەلىسىمگە كەلۋىنە باعىتتالعان شەشىم قابىلداۋدا قيىندىقتار تۋعىزعانى ايتىلۋدا.

«وكىنىشكە قاراي، پۋتين گلازگوعا ۇشپايدى»،  دەگەن كرەملدىڭ وكىلى دميتري پەسكوۆ جۋرناليس­تەرگە كليماتتىڭ وزگەرۋى رەسەيدىڭ سىرتقى ساياساتى­نىڭ ماڭىزدى باسىمدىقتارىنىڭ ءبىرى دەپ اتاپ وتكەن.

ۆلاديمير پۋتين رەسمي مالىمدەمەگە تۇسىنىك­تەمە بەرمەدى. الايدا ول 13 قازاندا ماسكەۋدە وتكەن حالىقارالىق ەنەرگەتيكالىق فورۋمدا سويلەگەن سوزىندە كوروناۆيرۋس پاندەمياسى رەسەي باسشىسىنىڭ ساپار تۋرالى شەشىمىنە اسەر ەتكەنىن مالىمدەدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار