تەاتر • 20 قازان، 2021

باس جۇلدە ەكەۋ بولدى

56 رەت كورسەتىلدى

كەنشىلەر استاناسىندا كورنەكتى تەاتر سىنشىسى، قازاقستاننىڭ ەڭبەك سىڭىر­گەن قايراتكەرى، مەملەكەتتىك جانە تاۋەلسىز «تارلان» سىيلىقتارىنىڭ لاۋرەاتى اشىربەك سىعاي اتىنداعى رەسپۋبليكالىق تەاتر فەستيۆالىنىڭ قورىتىندى­سى شىعارىلدى.

ەل تاۋەلسىزدىگىنىڭ 30 جىلدىعىنا ارنالعان ونەر بايقاۋىندا ءتۇرلى جانر­داعى ۇزدىك قويىلىمدارىن ۇسىنعان 15 تەاتر باق سىناعان بولاتىن.

ۇيىمداستىرۋشىلار ارقا توسىندە العاش وتكەن بۇل ونەر بايقاۋىندا ەكى بىردەي باس جۇلدەنى تاعايىندادى. سونى­مەن، اشىربەك سىعاي اتىنداعى ءبىرىنشى گران-پري جۇلدەسىن ءىلياس جانسۇگىروۆتىڭ «قۇلاگەر» پوەماسى بويىنشا قويىل­عان سپەكتاكلمەن كورەرمەننىڭ جانە قازىل­اردىڭ ىقىلاسىنا بولەنگەن عابيت مۇسىرەپوۆ اتىنداعى قازاق مەملەكەت­تىك اكادەميالىق بالالار مەن جاسوسپىرىم­دەر تەاترى جەڭىپ الدى.

ال ەكىنشى باس جۇلدە – تاۋەلسىزدىك­تىڭ 30 جىلدىعى اتىنداعى گران-پري سىي­لىعى ساكەن سەيفۋللين اتىنداعى قاراعاندى وبلىستىق اكادەميالىق قا­زاق دراما تەاترىنا بۇيىردى. ونەر ۇجىمى بۇل بايقاۋدا لاسلو ديۋركونىڭ «ەلەكترا» تراگەدياسىن كورەرمەننىڭ نازارىنا، قازى­لاردىڭ تالقىسىنا ۇسىنعان بولاتىن.

ءبىرىنشى جۇلدەگە «رومەو مەن دجۋلەت­تا» قويىلىمى ءۇشىن الماتىداعى مەم­لەك­ەتتىك قۋىرشاق تەاترى لايىقتى دەپ تا­نىلدى. جۇمات شانين اتىنداعى شىم­كەنت قالالىق تەاترى QoraZ تراگيكومەدياسى ءۇشىن ەكىنشى جۇلدەنى جەڭىپ السا، ءۇشىنشى ورىن «عاجايىپ تراگەدياسى» پسي­حولوگيالىق دراماسىن ساحنالاعان سەمەي قالالىق «داريعا-اي!» جاستار تەات­رىنا بەرىلدى.

فەستيۆالدىڭ «ۇزدىك رەجيسسەرى» اتا­عىن «نايزاعاي» سپەكتاكلىن ءساتتى شى­عارعان دينا جۇماباەۆا جەڭىپ الدى. ال وسى سپەكتاكلدەگى تيحون ءرولى ءۇشىن «ۇز­دىك ەر ادام بەينەسى» سىيلىعى ن.ءجان­تورين اتىنداعى ماڭعىستاۋ وبلىستىق مۋزىكالىق دراما تەاترىنىڭ ءارتىسى ابزال راتبەككە بەرىلدى.

ۇزدىك ايەل رولىنە بەرىلەتىن سىيلىققا س.سەيفۋللين اتىنداعى قاراعاندى وب­لىس­تىق اكادەميالىق قازاق دراما تەاترى­نىڭ وكىلى اميرا وماروۆا لايىقتى دەپ تانىلدى. اكتريساعا بۇل سىيلىق «ەلەكترا» تراگەدياسىنداعى ەلەكترا ءرو­لىن ءساتتى سومداعانى ءۇشىن بەرىلدى.

بيكەن ريموۆا اتىنداعى تالدىقورعان وبلىستىق تەاترىنىڭ «قورعانسىزدىڭ كۇنى» سپەكتاكلى «ۇزدىك ستسەنوگرافيا» جۇل­دەسىن السا، «ۇزدىك اكتەرلىك انسامبل» سىيلىعى «نا ۆسترەچۋ ك مەچتە» سپەكتاكلى ءۇشىن ك.ستانيسلاۆسكي اتىنداعى قارا­عاندى وبلىستىق ورىس دراما تەاترىنا بۇيىردى.

فەستيۆالدە كوكشەتاۋ ورىس تەاترى­نىڭ اكتەرى ماكسيم ميحەەۆ «ەكىنشى پلانداعى ۇزدىك اكتەر» اتانسا، «ەكىن­شى پلانداعى ۇزدىك اكتريسا» جۇلدەسىن ءا.مام­بەتوۆ اتىنداعى مەملەكەتتىك ­درا­ما جانە كومەديا تەاترىنىڭ اكتريسا­سى اجار شاكىرجانوۆا يەمدەندى.

سونداي-اق ج.ايماۋىتوۆ اتىنداعى پاۆلودار وبلىستىق قازاق مۋزىكالىق دراما تەاترىنىڭ اكتريساسى ەركەجان تولەۋبەككە «ۇزدىك ەپيزودتىق ءرول» سىي­لىعى، ال ەرلەر اراسىنداعى ءدال وسىنداي جۇلدە ءى.وماروۆ اتىنداعى قوستاناي وبلىستىق قازاق دراما تەاترىنىڭ اكتەرى ولجاس بەكايداروۆقا تابىس ەتىلدى. بۇدان بولەك، ج.شانين اتىنداعى شىمكەنت قالالىق تەاترىنا اشىربەك سىعايدىڭ ءبىر توپ شاكىرتتەرى اتىنان تاعايىندالعان جۇلدە بەرىلدى.

ارقا توسىندە التى كۇنگە سوزىلعان فەس­تيۆالدىڭ جابىلۋ كەشىندە قاراعاندى وبلىسى اكىمىنىڭ مادەنيەت ماسەلەلەرى جونىندەگى كەڭەسشىسى رىمبالا وماربەكوۆا بايقاۋعا قاتىسقان تەاتر ۇجىمدارىنىڭ بارلىعىنا ءوڭىر باسشىسى اتىنان «العىس حاتتار» مەن ەستەلىك سىيلىقتار تابىس ەتتى.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار