ايماقتار • 20 قازان، 2021

«باتاگوي» بايقاۋى ءوتتى

53 رەت كورسەتىلدى

الماتى وبلىسىنىڭ تىلدەردى دامىتۋ جونىندەگى باسقارماسى ايماقتاعى ارداگەرلەر كەڭەسىمەن بىرلەسە باتا بەرۋ ءداستۇرىن دارىپتەۋ، باتانىڭ تاربيەلىك ءمانىن ناسيحاتتاۋ، اتالى سوزدەن عيبرات الۋعا تاربيەلەۋ ماقساتىندا وبلىستىق «باتاگوي» بايقاۋىن ۇيىمداستىرۋدى داستۇرگە اينالدىرعان بولاتىن.

جۋىردا ءتىل سارايىندا بيىلعى بايقاۋدىڭ جەڭىم­پاز­دارىن ماراپاتتاۋ سالتاناتى بولدى. جيىندا باس­قارما باسشىسى بولات كەرىمبەك ماراپاتقا يە بولعان باتاگوي قاريا­لاردى قۇتتىقتادى.

– عاسىرلار بويى اۋىزدان اۋىزعا تاراپ، كوشپەلى ءومىردىڭ كەلبەتىنە اينالعان، قازاق سالت-ءداستۇرىنىڭ ىشىندە ءالى كۇنگە دەيىن قولدانىسقا يە بولىپ، ەسكىرمەي كەلە جاتقان سالتتىڭ ءبىرى – باتا بەرۋ. باتا بەرۋ ءداستۇرى – تاربيەنىڭ باستاۋى. سەبەبى قازاق قانداي دا ءبىر ءىستى باستاماس بۇرىن ۇلكەندەردىڭ العىسى مەن باتاسىن العان، جاقسى ءسوزدى جارىم ىرىس، جان ازىعى دەپ باعالاپ شەشەن ادامعا ءسوز، كوسەم ادامعا ەل باستاتقان حالىق. باتاگوي قاريالار ەل اراسىنداعى جاقسى ىسكە رۋحاني دەمەۋ بولىپ، ءبىر اۋىز سوزبەن توقتام ايتىپ، حالىققا باعىت-باعدار بەرىپ، تاربيەلەپ وتىرعانى انىق، – دەدى باسقارما باسشىسى.

سالتاناتتى ءىس-شارادا ءسوز كەزەگىن العان وبلىستىق ارداگەرلەر كەڭە­سىنىڭ توراعاسى ە. كەلىمسەيىت «اتالى ءسوز – باتالى ءسوز» دەپ، ءبىر اۋىز سوزگە توقتاعان حالىقتىڭ باتا بەرۋ ادەبى جونىندە ايتتى. ال تالدىقورعان قالا­لىق ارداگەرلەر كەڭەسىنىڭ تور­اعاسى ا.كەرىمبەكوۆ ەرتەدەن كەلە جاتقان ۇلتتىق ءداستۇرىمىزدىڭ ءبىرى – باتانىڭ تۇرلەرىنە توقتالدى.

جالپى، ونلاين بايقاۋ ەل ارا­سىندا كەڭ تارالعان جانە ۇمىت­كەرلەردىڭ وزدەرى جازعان باتالارى بويىنشا ەكى باعىتتا ءوتتى. بايقاۋ­دىڭ ءبىرىنشى كەزەڭى بويىن­شا اۋداندار مەن قالالاردان ىرىكتەۋدەن ءوتىپ، ۇزدىك دەپ تانىلعان قاتىسۋشىلار ەكىنشى كەزەڭگە – وبلىستىق سىنعا جولداما الدى. بايقاۋعا بارلىعى 174 ۇمىتكەر ۇسىنىس بىلدىرسە، 37 ۇمىت­­كەردىڭ بەينەروليكتەرى وبلىس­تىق كەزەڭگە ءوتتى. ال «باتا­گوي» وب­لىس­تىق بايقاۋىنا قاتىسۋشى­لار­دىڭ ەڭ جاسى 37 جاستا بولسا، ەڭ ۇل­كەن باتاگوي 85 جاستاعى قاريا ەكەن.

سوڭعى جاڭالىقتار

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار