ءبىلىم • 19 قازان، 2021

اشىق ساباق ەلباسىنىڭ بەيبىت باستامالارىنا ارنالدى

50 رەت كورسەتىلدى

تالدىقورعان قالاسىنداعى نازارباەۆ زياتكەرلىك مەكتەبىندە «جاسامپاز­دىق پەن دامۋ جىلدارى» تاقىرىبىندا اشىق ساباق ءوتتى. اشىق ساباق قازاقستان رەسپۋبليكاسى تاۋەلسىزدىگىنىڭ 30 جىلدىعىن اتاپ ءوتۋ ماقساتىندا ۇيىم­داس­تىرىلدى.

ساباق بارىسىندا زياتكەرلىك مەكتەپ وقۋشىلارى ەلباسىنىڭ الەم­دىك ارەنا­داعى بەيبىت باستامالارىن تالقى­لادى. ونىڭ ىشىندە ەۋرازيا­لىق ەكونو­ميكالىق وداقتى قۇرۋداعى نۇرسۇلتان نازارباەۆتىڭ تاريحي رولى­نە قاتىستى مالىمەتتەرگە قانىقتى. ياعني وقۋشىلار ساباقتا ەۋرازيالىق ەكو­نوميكالىق وداق قۇرۋدىڭ ساياسي، ەكو­نو­ميكالىق، تەحنولوگيالىق ماڭىز­دىلىعىن، سونىمەن قاتار ونىڭ الەۋ­مەتتىك سيپاتىن دا تالداي وتىرىپ، زەردەلەدى. اتاپ ايتقاندا، جاس زيات­كەرلەر ەاەو قۇرۋ ماقساتى، وداق ىشىندەگى جەتىستىكتەر جانە قاتىسۋشىلار سانىنىڭ ءوسۋ سەبەپتەرى تۋرالى كوبىرەك ءبىلدى.

– «تاۋەلسىزدىك» ساباعىنان ءبىز كوپ­­تەگەن قاجەتتى اقپارات الدىق. قا­زاق­ستاننىڭ ەكو­نوميكالىق دا­­مۋى­نىڭ بولاشاعى تۋرالى سۇ­راق­تاردى تالقىلادىق جانە الەم­دىك ەكو­نومي­كاداعى ۇلتتىق ەكونومي­كالاردىڭ با­سەكەگە قابىلەتتىلىگىن ارتتىرۋ ءۇشىن نە ۇسىنا الاتىنىمىزدى ايتتىق. سونى­مەن قاتار قوسىمشا ەنەرگيا الۋدىڭ جولدارى، ءبىلىم سالاسىنىڭ دامۋى، قولجەتىمدى مەديتسينا، رەسۋرس­تاردى وڭ­تايلى پايدالانۋ ماسەلەلەرىن قوز­عادىق، – دەيدى 12-سىنىپ وقۋشىسى ءامىر قۋات ۇلى.

اشىق ساباقتا تاۋەلسىزدىكتىڭ ءتول قۇر­داسى، تالدىقورعان قالاسىنداعى نازار­باەۆ زياتكەرلىك مەكتەبى فيزيكا ءپانى­­نىڭ مۇعالىمى قايسار نۇربەك وقۋشى­لار­عا مەملەكەت پەن جەكە ادام دامۋىن­داعى تابىسقا جەتۋ فورمۋلاسى تۋرالى اڭگىمەلەپ بەردى.

– تابىسقا جەتۋ ءۇشىن ادام ءوزىن ۇنەمى دامىتىپ وتىرۋى كەرەك دەپ ويلايمىن. ويتكەنى پروگرەسس ءبىر ورىندا تۇ­رمايدى. بۇعان كەيىنگى وتىز جىل ىشىندەگى مەملەكەتتىڭ دامۋى مەن ءوسىپ-ونگەن تۇتاس بۋىننىڭ ءومىر تاريحى دالەل بولا الادى. جالپى، قازىر ادامعا جاڭا نارسەلەردى ۇيرەنۋ قاجەت، ونىڭ ىشىندە مەيلىنشە كوپ ءتىل مەڭگەرۋ زامان تالابىنا اينالدى. سونان كەيىن جۇرەك قالاۋىنا ساي تاڭداعان جۇمىسىڭىزعا كۇش-جىگەرىڭىزدى اياماي جۇمساۋ عانا ناتيجە بەرەدى، – دەدى ق.نۇربەك.

سوڭعى جاڭالىقتار

«وميكرون» جەدەل تارالۋدا

الەم • بۇگىن، 08:23

ۇقساس جاڭالىقتار