ەكونوميكا • 18 قازان، 2021

وڭدەلگەن تاۋاردىڭ 70 ءتۇرىن جەتكىزۋگە دايىن

38 رەت كورسەتىلدى

قازاقستان اۋستريا نارىعىنا وڭ­دەلگەن تاۋاردىڭ 70 ءتۇرىن شى­عارۋعا دايىن. ەكى جاقتى ساۋدا-ساتتىق ماسەلەسى ەكونوميكالىق، اۋىل شارۋاشىلىعى، تابيعاتتى قورعاۋ، ونەركاسىپتىك، تەحنيكا­لىق جانە تەحنولوگيالىق ىنتىماق­تاستىق جونىندەگى ۇكىمەتارالىق كوميسسياسىنىڭ وتىرىسىندا پىسىقتالدى.

شەتەلدىك دەلەگاتسيانى اۋستريانىڭ تسيفرلاندىرۋ جانە ەكونوميكا جونىندەگى فەدەرالدى مينيسترلىگىندەگى باس ديرەكتور فلوريان فراۋشەر باستاپ كەلدى.

ساۋدا جانە ينتەگراتسيا ۆيتسە-ءمي­نيسترى قايرات تورەباەۆ ۇكىمەتارالىق كوميسسيانىڭ تەڭ توراعاسى رەتىندە ەكسپورت ماسەلەسىنە توقتالىپ، اتاپ ايت­قاندا، ساۋدا-ەكونوميكالىق بايلانىس­تى رەتكە كەلتىرۋ ءۇشىن ىنتىماقتاستىق­تىڭ جاڭا ءتۇرىن ەنگىزۋدى ۇسىندى. ۆيتسە-ءمينيستردىڭ ايتۋىنشا، قازاقستاندا اۋستريالىق كاپيتالى بار 83 كومپانيا جانە ەكونوميكانىڭ ءتۇرلى سەكتورىندا 25 بىرلەسكەن كومپانيا جۇمىس ىستەپ كەلەدى. سونىمەن قاتار الماتىدا اۋستريانىڭ Advantage Austria Almaty ەكونوميكالىق پالاتاسىنىڭ وكىل­دىگى جۇمىس ىستەپ جاتىر. بۇل پالاتا­نىڭ دا ەكى جاقتى الىس-بەرىستى ارتتىرۋدا الەۋەتى زور.

«ەكى ەلدىڭ مامانداندىرىلعان قۇ­رى­لىمدارىنىڭ ساۋدا-ساتتىق ما­سەلە­سىندە ماڭىزدىلىعى ەرەكشە. قازاقستان تاراپى QazTrade، KazakhExport، KazakhInvest جانە استانا حالىق­ارالىق قارجى ورتالىعىنىڭ Business Connect سىندى الاڭىن ۇسىنا وتى­رىپ، قازاقستاندىق جانە اۋستريالىق كاسىپ­و­رىنداردى ەكونوميكانىڭ ناقتى سەكتورىنداعى بىرلەسكەن جوبالاردى ىسكە اسىرۋعا سۇيەمەلدەۋگە دايىن»، دەدى ق.تورەباەۆ.

ساۋدا ىنتىماقتاستىعىن جانداندىرۋ ءۇشىن اۋستريا مەن قازاقستان نارى­عىنا الەۋەتتى ەكسپورتتىق تاۋار­لار­دىڭ تىزبەلەرىمەن الماسۋ ۇسىنىلدى. ايتالىق، قازاقستاندىق كومپانيالار ەكسپورت نومەنكلاتۋراسىن كەڭەيتۋگە جانە سوماسى 500 ملن دوللاردان ارتىق ءتۇرلى سالالارعا ارنالعان وڭدەلگەن تاۋاردىڭ 70 ءتۇرىن اۋستريا نارىعىنا شىعارۋعا دايىن.

«ەلىمىزدە مەتاللۋرگيا ونىمدەرىنىڭ جەتكىزىلىمىن – 295،3 ملن دوللارعا، مۇناي-حيميا سالاسىن – 137،5 ملن دول­لارعا، ازىق-ت ۇلىك – 74،7 ملن دول­لارعا، ماشينا جاساۋ بويىنشا – 16،1 ملن دوللارعا، حيميا ونەركاسىبىنە بايلانىستى – 16،1 ملن دوللارعا، سونداي-اق قۇرىلىس تاۋارلارى بويىنشا 18،5 ملن دوللارعا ۇلعايتۋ مۇمكىندىگى بار»، دەدى ساۋدا جانە ينتەگراتسيا ۆيتسە-ءمينيسترى.

بۇدان باسقا ۇكىمەتارالىق كوميسسيا تسيفرلاندىرۋ، اۋىل شارۋاشىلىعى، تۋريزم جانە تاعى باسقا باعىتتاردا ەكى جاقتى بايلانىستى دامىتۋدى كوزدەيتىن حاتتاماعا قول قويدى.

 

سوڭعى جاڭالىقتار

جەتىم كورسەڭ، جەبەي ءجۇر

ايماقتار • كەشە

ار الدىندا ارىلۋ

رۋحانيات • كەشە

كەدەي ەلدەرگە كومەك

ەكونوميكا • كەشە

عاسىر ءاجىمى

ونەر • كەشە

ۇقساس جاڭالىقتار