ايماقتار • 14 قازان، 2021

قۇرىلىستىڭ قارقىنى قۋانتادى

41 رەت كورسەتىلدى

قاراعاندى وبلىسىندا بيىل جالپى كولەمى 662 مىڭ شارشى مەتر بولاتىن تۇرعىن ءۇي پايدالانۋعا بەرىلمەك. مۇنداي كورسەتكىش كەيىنگى 30 جىلدىڭ ىشىندە بولىپ كورمەگەن ەكەن. «بۇل – رەكوردتىق كورسەتكىش»، دەيدى قازىردىڭ وزىندە وبلىس باسشىلىعى سەنىمدى تۇردە.

وبلىستىق ساۋلەت جانە قالا قۇرىلىسى باسقارماسىنىڭ باسشىسى ابزال جايلىباەۆ وتكەن جىلمەن سالىستىرعاندا وڭىردە تۇرعىن ءۇي قۇرىلىسى 25%-عا وسكەنىن ايتادى.

– 2021 جىلدىڭ 9 ايىندا 400 مىڭ شارشى مەتر تۇرعىن ءۇي پايدالانۋعا بەرىلدى. بيىل 662 مىڭ شارشى مەتردى پايدالانۋعا بەرۋ جوسپارلانعان، – دەپ مالىم­دەدى ول.

قاراعاندىلىق قۇرىلىسشى­لار جۇمىس بارىسىندا نەگىزىنەن وتاندىق ونىمدەردى پايدالانۋعا باسىمدىق بەرەدى. بۇل وڭىردەگى ەڭبەك نارىعىن جانە قۇرىلىس ماتە­ريال­دارى ءوندىرىسىن جاندان­دىرۋعا سەپتىگىن تيگىزۋدە. قازىر­دىڭ وزىندە قۇرىلىس سەكتورىندا 5 مىڭنان استام ادام جۇمىس ىس­تەيدى. ياعني جەرگىلىكتى ءوندى­رىس­تى دامىتۋ وبلىس اكىمدىگى­نىڭ باس­تى مىن­دەتتەرىنىڭ ءبىرى بولىپ وتىر.

جاڭا تۇرعىن ۇيلەر كوپتەپ سا­لىنعاننان كەيىن، باسپانا كە­زەگىنە دە وڭ وزگەرىستەر ەنە با­س­تاعان. مىسالى، جىل سايىن «نۇر­لى جەر» باعدارلاماسى ايا­سى­ن­دا حالىقتىڭ الەۋمەتتىك وسال توپ­­تارىنا 2-2،5 مىڭ پاتەر ءبو­لى­­نىپ كەلەدى. بۇل جەردە ايتا كە­ت­ە­­تىن ءبىر جايت، جالعا بەرىلەتىن جانە نە­سيەلىك تۇرعىن ۇيلەردىڭ بار­­­لىعى كەزەكتە تۇرعانداردىڭ تابى­­سىنا بايلانىستى بولىنىسكە تۇسەدى.

ءبىر عانا مىسال: كەنشىلەر استاناسىنىڭ تۇرعىنى ساياگۇل نياز­بەكوۆا 13 جىل كەزەكتە تۇرىپ كەلىپ، بيىل وڭتۇستىك-شىعىس شاعىن اۋدانىنداعى جاڭا ۇي­لەردىڭ بىرىنەن ەكى بولمە­لى پا­تەردى ساتىپ الۋ قۇقىعىنسىز جالعا الدى. قازىر ول ايىنا كوم­مۋ­نالدىق تولەمدەردەن باسقا بار بولعانى 7 800 تەڭگە عانا تولەيدى.

– قۋانىشىمىزدى ايتىپ جەتكىزە المايمىن. بۇعان دەيىن ءتورت بالاممەن قالا شەتىندەگى باراك ۇلگىسىندەگى ۇيدە تۇردىق. سۋدى سىرتتان تاسىپ ىشتىك، پەش جاقتىق. ەندى جۇمىستان شارشاپ كەلگەندە، راحات بولدى: شۇمەكتەن ىستىق جانە سۋىق سۋ اعىپ تۇرادى، ءۇي جىلى. ايالداما مەن مەكتەپ تۋرا جانىمىزدا. سەرۋەندەۋگە ارنالعان ساياباق تا ۇيگە ءتيىپ تۇر، – دەيدى ول ءماز-مەيرام بولىپ.

وبلىستىق ساۋلەت جانە قالا قۇرىلىسى باسقارماسىنىڭ باسشىسى ابزال جايلىباەۆ الداعى ۋاقىتتا 830 مىڭ شارشى مەتر تۇرعىن ءۇي سالۋ جوسپاردا بار ەكەنىن ايتادى. ال جىل اياعىنا دەيىن قاراعاندى وب­لىسىندا كەزەكتە تۇرعان 3 مىڭ­عا جۋىق ادام باسپانامەن قام­تىلماقشى.

البەتتە، قۇرىلىستىڭ مۇن­داي قارقىنى قاراعان­دىلىق­تاردى قۋانتادى. دەگەن­مەن، سانمەن بىرگە ساپاعا دا ءمان بەرۋدى ۇمىتپاعان ءجون. ماسە­لەن، كەيىنگى كەزدەرى سالىن­عان كەيبىر كوپقاباتتى ۇيلەر­دەگى كەمشىلىكتەرگە دەگەن تۇرعىن­داردىڭ وكپە-رەنىشى بارشىلىق.

 

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار